പൊതുവിഭാഗം റേഷൻ കാര്‍ഡുകൾ മുൻഗണന വിഭാഗത്തിലേക്ക് മാറ്റാൻ അപേക്ഷ നൽകാം. ഒഴിവാക്കൽ മാനദണ്ഡങ്ങളിൽ ഉൾപ്പെടാത്ത കുടുംബങ്ങൾക്കാണ് അവസരം. ബന്ധപ്പെട്ട രേഖകൾ സഹിതം സെപ്റ്റംബര്‍ 22 മുതൽ ഒക്ടോബര്‍ 20 വരെ അക്ഷയ കേന്ദ്രങ്ങൾ, സി എസ് സി മുഖേന അപേക്ഷ നൽകാം. കൂടുതൽ വിവരങ്ങൾ താലൂക്ക് സപ്ലൈ ഓഫീസിൽ ലഭ്യമാണ്. ഫോൺ: വൈത്തിരി - 04936 255222, സുൽത്താൻ ബത്തേരി - 04936 220213, മാനന്തവാടി- 04935 240252.

സ്റ്റേറ്റ് ഇലക്ട്രിസിറ്റി ലൈസന്‍സിംഗ് ബോര്‍ഡ് 2025 ജൂലൈയില്‍ നടത്തിയ ഇലക്ട്രിക്കല്‍ വയര്‍മാന്‍ പരീക്ഷ ജയിച്ചവര്‍ക്കുള്ള സൗജന്യ വൈദ്യുത സുരക്ഷാ പരിശീലന ക്ലാസ്സ് സെപ്റ്റംബര്‍ 22-ന് രാവിലെ ഒന്‍പതിന് മലപ്പുറം കോട്ടപ്പടി മുന്‍സിപ്പല്‍ ബസ് സ്റ്റാന്‍ഡ് ഓഡിറ്റോറിയത്തില്‍ നടക്കും. കഴിഞ്ഞ രണ്ട് വര്‍ഷങ്ങളില്‍ പരീക്ഷ ജയിച്ചിട്ടും ക്ലാസ്സില്‍ പങ്കെടുക്കാന്‍ സാധിക്കാത്തവര്‍ക്കും അവസരമുണ്ട്. ക്ലാസ്സില്‍ പങ്കെടുക്കുന്നവര്‍ എഴുത്തുപരീക്ഷയുടെ അസ്സല്‍ ഹാള്‍ടിക്കറ്റുകളുമായി രാവിലെ ഒന്‍പതിനു മുന്‍പ് എത്തി രജിസ്ട്രേഷന്‍ നടപടികള്‍ പൂര്‍ത്തിയാക്കണം.  ഫോണ്‍- 0483 2950003.

പ്രധാന മന്ത്രി രാഷ്ട്രീയ കൃഷി വികാസ് യോജന പദ്ധതിയില്‍ ഉള്‍പ്പെടുത്തി സബ്സിഡിയോടെ സൂക്ഷ്മ ജലസേചന (ഡ്രിപ്പ്/സ്പിംഗ്ളര്‍ ഇറിഗേഷന്‍) സംവിധാനങ്ങള്‍ സ്ഥാപിക്കുന്നതിന് അപേക്ഷ ക്ഷണിച്ചു. കൃഷി ഭവനുകളില്‍ നിന്ന് ലഭ്യമാകുന്ന നിശ്ചിത മാതൃകയിലുള്ള അപേക്ഷ, അപേക്ഷകരുടെ അധാര്‍, ബാങ്ക് പാസ് ബുക്ക്, ഈ വര്‍ഷം ഭൂനികുതി അടച്ചതിന്റെ രസീത്, പട്ടിക ജാതി/പട്ടിക വര്‍ഗക്കാരാണെങ്കില്‍ ജാതി സര്‍ട്ടിഫിക്കറ്റ് എന്നിവയുടെ പകര്‍പ്പുകള്‍ സഹിതം ജില്ലാ കൃഷി അസിസ്റ്റന്റ് എക്സിക്യൂട്ടീവ് എന്‍ഞ്ചിനിയറുടെ കാര്യാലയത്തില്‍ ലഭ്യമാക്കണം. അപേക്ഷ ഫോം സമീപത്തുളള കൃഷി ഭവനില്‍ ലഭിക്കും. ഫോണ്‍: 9383471644.

പൊന്നാനി സ്ത്രീകളുടെയും കുട്ടികളുടെയും ആശുപത്രിയില്‍ എന്‍.ക്യൂ.എ.എസ് അക്രഡിറ്റേഷന്‍  പ്രവര്‍ത്തനങ്ങളുടെ ഭാഗമായി എല്ലാ വകുപ്പുകളിലേക്കും ആവശ്യമായ  ഐ.ഇ.സി  ബോര്‍ഡുകള്‍ ഗുണമേന്‍മയുള്ള ഫൊറെക്‌സ് ഷീറ്റില്‍ സ്ഥാപിക്കുന്നതിന് അംഗീകാരമുള്ള സ്ഥാപനങ്ങള്‍/വ്യക്തികള്‍ എന്നിവയില്‍ നിന്നും ക്വട്ടേഷനുകള്‍ ക്ഷണിച്ചു. സെപ്റ്റംബര്‍ 23ന് ഉച്ചക്ക് രണ്ടിന് മുന്‍പ് സൂപ്രണ്ട്, സ്ത്രീകളുടെയും കുട്ടികളുടെയും ആശുപത്രി പൊന്നാനി എന്ന വിലാസത്തില്‍ ക്വട്ടേഷന്‍ ലഭ്യമാക്കണം. ഫോണ്‍: 0494 2666439, 0494 2666339.

മലപ്പുറം സബ്സിഡിയറി കേന്ദ്രീയ പൊലീസ് കല്യാണ്‍ ഭണ്ഡാറിലേക്ക് ദിവസ വേതനാടിസ്ഥാനത്തില്‍ പാര്‍ട്ട് ടൈം സ്വീപ്പര്‍, ബില്ലിംഗ് കം ക്ലീനിംഗ് തസ്തികകളിലേക്ക് നിയമനം നടത്തും. പാര്‍ട്ട് ടൈം സ്വീപ്പര്‍ തസ്തികയില്‍ അപേക്ഷിക്കുന്നവര്‍ക്ക് എഴുതാനും വായിക്കാനും അറിഞ്ഞിരിക്കണം. പ്രായം 50ന് മുകളിലാവരുത്. ദിവസം 400 രൂപയാണ് വേതനം. ജോലി സമയം രാവിലെ 9.30 മുതല്‍ ഉച്ചക്ക് ഒന്ന് വരെ. ബില്ലിംഗ് കം ക്ലീനിംഗ് തസ്തികയിലേക്ക് അപേക്ഷിക്കുന്നവര്‍ക്ക്  പ്ലസ് ടു/ തത്തുല്യം ഉണ്ടായിരിക്കണം. കമ്പ്യൂട്ടര്‍ ബില്ലിംഗ് പ്രവൃത്തി പരിചയമുള്ളവര്‍ക്ക് മുന്‍ഗണനയുണ്ട്. പ്രായം 21നും 40നും ഇടയിലാവണം. ദിവസം 710 രൂപയാണ് വേതനം.

പെരിന്തല്‍മണ്ണ ജില്ലാ ആശുപത്രിയിലേക്ക് ഒക്ടോബര്‍ ഒന്ന് മുതല്‍ 2026 സെപ്റ്റംബര്‍ 30 വരെ 24 മണിക്കൂര്‍ സെക്യൂരിറ്റി ജീവനക്കാരുടെ സേവനം ഏറ്റെടുത്ത് നടത്തുന്നതിന് താത്പര്യമുളള അംഗീകൃത എജന്‍സികളില്‍ നിന്നും ടെന്‍ഡറുകള്‍ ക്ഷണിച്ചു. സൂപ്രണ്ട്, ജില്ലാ ആശുപത്രി, പെരിന്തല്‍മണ്ണ' എന്ന വിലാസത്തില്‍  ടെന്‍ഡറുകള്‍ സെപ്റ്റംബര്‍ 22ന് രാവിലെ 11 ന് മുന്‍പായി ലഭ്യമാക്കണം. ഫോണ്‍-9495999304.

 വയനാട് വിനോദ സഞ്ചാര മേഖലയുടെ വികസനം ലക്ഷ്യമിട്ട് ജില്ലാ ഭരണകൂടത്തിന്റെ ആഭിമുഖ്യത്തിൽ സംഘടിപ്പിക്കുന്ന കാരാപ്പുഴ മെഗാ ടൂറിസം ഫെസ്റ്റിന്റെ ലോഗോ ജില്ലാ കളക്ടർ ഡി ആർ മേഘശ്രീ പ്രകാശനം ചെയ്തു. സെപ്റ്റംബർ 29 മുതൽ ഒക്ടോബർ ഏഴ് വരെ കാരാപ്പുഴ ഡാം ഗാർഡനിൽ നടക്കുന്ന പരിപാടിയിൽ സംസ്ഥാനത്തെയും കർണ്ണാടകത്തിലെയും വിവിധ കലാകാരന്മാരുടെയും ട്രൂപുകളുടെയും പരിപാടികൾ അരങ്ങേറും. വയനാട് ഉത്സവം 2025 ഭാഗമായാണ് ഫെസ്റ്റ് സംഘടിപ്പിക്കുന്നത്. 

നിലമ്പൂര്‍ പൊലീസ് സ്റ്റേഷന്‍ ക്വാട്ടേഴ്സ് പരിസരത്ത് അപകട ഭീഷണിയില്‍ നില്‍ക്കുന്ന ചീനി മരം മുറിച്ച് മാറ്റി സെപ്റ്റംബര്‍ 24ന് രാവിലെ 11ന് നിലമ്പൂര്‍ പോലീസ് സ്റ്റേഷന്‍ ക്വാട്ടേഴ്സ് പരിസരത്ത് ലേലം ചെയ്യും. ലേലത്തില്‍ പങ്കെടുക്കുന്നവര്‍ സെപ്റ്റംബര്‍ 23 ന് വൈകീട്ട് അഞ്ചിന് മുമ്പ് ദര്‍ഘാസ് നിലമ്പൂര്‍ പോലീസ് സ്റ്റേഷന്‍ എസ് എച്ച് ഒ യുടെ കാര്യാലയത്തില്‍ ലഭ്യമാക്കണം. ഫോണ്‍-0483 2734983.

സാങ്കേതികവിദ്യയുടെയും നൂതനാശയ നിര്‍മ്മിതിയുടെയും പ്രയോജനം എല്ലാവര്‍ക്കും പ്രാപ്തമാക്കുക എന്ന ലക്ഷ്യത്തോടെ കേരള ഇന്‍ഫ്രാ സ്ട്രക്ചര്‍ & ടെക്‌നോളജി ഫോര്‍ എജ്യൂക്കേഷന്‍ (കൈറ്റ്) സംഘടിപ്പിക്കപ്പെടുന്ന സ്വതന്ത്ര സോഫ്റ്റ്വെയര്‍ ദിനാചരണത്തിന്റെ മലപ്പുറം ജില്ലാതല പരിപാടികള്‍ നാളെ (ശനി) ഉച്ചയ്ക്ക് ശേഷം രണ്ടിന് നടക്കും. മലപ്പുറം സിവില്‍ സ്റ്റേഷനിലെ കൈറ്റ്  ഓഫീസിലാണ് പരിപാടി. നാളെ (ശനി) രാവിലെ മുതല്‍ നടക്കുന്ന ഇന്‍സ്റ്റാള്‍ ഫെസ്റ്റിന്റെ ഭാഗമായി കൈറ്റ് ഉബുണ്ടു 22.04 ഓപ്പറേറ്റിങ് സിസ്റ്റം ആവശ്യമുള്ള എല്ലാവര്‍ക്കും സൗജന്യമായി ഇന്‍സ്റ്റാള്‍ ചെയ്തു കൊടുക്കും.

അരീക്കോട് താലൂക്ക് ആശുപത്രിയില്‍ ദിവസവേതനാടിസ്ഥാനത്തില്‍ ഫാര്‍മസിസ്റ്റ് (ഒഴിവ്-1) നിയമനം നടത്തുന്നതിനായി നിശ്ചിത യോഗ്യതയുള്ള ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു. യോഗ്യത-ബി.ഫാം/ഡി.ഫാം, കേരള ഫാര്‍മസി കൗണ്‍സില്‍ രജിസ്‌ട്രേഷന്‍. പ്രവൃത്തി പരിചയമുള്ളവര്‍ക്ക് മുന്‍ഗണനയുണ്ട്. താത്പര്യമുള്ളവര്‍ ബയോഡാറ്റയും യോഗ്യതാ സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പും സെപ്റ്റംബര്‍ 22ന് വൈകുന്നേരം നാലിനകം അരീക്കോട് ഗ്രാമപഞ്ചായത്ത് ഓഫീസില്‍ ലഭ്യമാക്കണം. ഫോണ്‍: 0483-2850221.