ഓടയിലേക്ക് മലിനജലമൊഴുക്കുന്നത് ശ്രദ്ധയില്‍പെട്ടാല്‍ കര്‍ശന നടപടി സ്വീകരിക്കുമെന്ന് ജില്ലാ കലക്ടര്‍ അമിത് മീണ അറിയിച്ചു. പകര്‍ച്ചവ്യാധികള്‍ തടയുന്നതിനായി രൂപീകരിച്ച ആരോഗ്യജാഗ്രതാ സമിതിയുടെ യോഗത്തില്‍ സംസാരിക്കുകയായിരുന്നു അദ്ദേഹം. മലിന ജലം ഓടയില്‍ ഒഴുക്കുന്നത് മൂന്ന് വര്‍ഷം വരെ തടവും 25000 രൂപ പിഴ ഈടാക്കാവുന്ന കുറ്റമാണ്. നിയമം ലംഘിക്കുന്ന കച്ചവട സ്ഥാപനങ്ങളുടെ ലൈസന്‍സ് റദ്ദാക്കുമെന്നും അദ്ദേഹം അറിയിച്ചു. വഴിയോര കച്ചവട സ്ഥാപനങ്ങളിലും ഭക്ഷ്യാ സ്ഥാപനങ്ങളിലും പരിശോധന കര്‍ശനമാക്കാനും കലക്ടര്‍ നിര്‍ദേശം നല്‍കി.

സംസ്ഥാനത്ത്  ചൂട് ശരാശരിയില്‍ നിന്ന് ഉയര്‍ന്ന നിലയില്‍ തുടരുന്നതിനാല്‍ സൂര്യാഘാതമേല്‍ക്കാതിരിക്കാന്‍ പൊതുജനങ്ങള്‍ ശ്രദ്ധിക്കണമെന്ന് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നല്‍കി.
മാര്‍ച്ച് 25 നും 26 നും  ആലപ്പുഴ, കോട്ടയം, പാലക്കാട്,  കോഴിക്കോട് എന്നീ  ജില്ലകളില്‍ ഉയര്‍ന്ന താപനില ശരാശരിയില്‍ നിന്ന്  3  മുതല്‍ 4 ഡിഗ്രി വരെയും   മാര്‍ച്ച് 27  നും 28  നും ഉയര്‍ന്ന താപനില ശരാശരിയില്‍ നിന്നും 2  മുതല്‍ 3  ഡിഗ്രി വരെയും ഉയരുവാന്‍ സാധ്യതയുണ്ടെന്നാണ്  കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.

ലോക സഭാ തെരഞ്ഞെടുപ്പിനോടനുബന്ധിച്ച് ജില്ലയില്‍ പോളിംഗ് ജോലിക്ക് നിയോഗിക്കുന്നവരുടെ ഒന്നാംഘട്ട നിയമന ഉത്തരവ് തയ്യാറായി. ഇതുമായി ബന്ധപ്പെട്ട്  കലക്ടറേറ്റില്‍ നടന്ന റാന്റമൈസേഷന്‍ നടപടികള്‍ക്ക് ജില്ലാ കലക്ടര്‍ അമിത് മീണ നേത്യത്വം നല്‍കി. പ്രത്യേക സോഫ്റ്റ് വെയര്‍ വഴിയാണ് നിയമനങ്ങള്‍ ജില്ലാ കലക്ടര്‍ റാന്റമൈസേഷന്‍ നടത്തുന്നത്.  ഒന്നാംഘട്ട നിയമന ഉത്തരവില്‍ ആവശ്യമായ മൊത്തം ജീവനക്കാരെയാണ് തെരഞ്ഞെടുക്കുക. രണ്ടാംഘട്ടത്തില്‍ ജിവനക്കാരുടെ മണ്ഡലം തിരിച്ചുള്ള ലിസ്റ്റ് തയ്യാറാക്കും. മൂന്നാം ഘട്ടത്തില്‍ മാത്രമെ ജീവനക്കാരുടെ ബൂത്ത് തിരിച്ചുള്ള വിശദാംശങ്ങള്‍ ലഭ്യമാവുകയുള്ളു.

വോട്ടർമാരുടെ സംശയങ്ങൾ, വോട്ടർ പട്ടികയിൽ പേര് ചേർക്കൽ, പേര് വെട്ടൽ, തിരുത്തൽ, തുടങ്ങി വോട്ടർമാരുടെ ആവശ്യങ്ങൾ നിറവേറ്റുക എന്നാ ലക്ഷ്യത്തോടെ ഇലക്ഷൻ കമ്മീഷൻ എല്ലാ മണ്ഡലത്തിലുമായി വോട്ടർ സഹായ കേന്ദ്രങ്ങൾ ആരംഭിച്ചിട്ടുണ്ട്. 

നവാഗത വോട്ടർമാരുടെ സംശയങ്ങൾ ഒരു എസ് എം എസിലൂടെ പരിഹരിച്ചു നൽകുക എന്നാ ഉദ്ദേശത്തോടെ ഇലക്ഷൻ കമ്മിഷൻ പുറത്തിറക്കിയ സംവിധാനമാണ് എസ് എം എസ് 1950. പുതിയ തലമുറയെ കൂടുതലായി തിരഞ്ഞെടുപ്പിലേക്ക് പ്രചോദിപ്പിക്കുക എന്നാ ലക്ഷ്യത്തോടെയാണ് സമഗ്ര സംവിധാനം ഇലക്ഷൻ  കമ്മീഷൻ ഇറക്കിയത്. 

എൻ വി എസ് പി. ഇൻ 

ഹൈ ടെക് സംവീധാനങ്ങളുമായി ഇലക്ഷൻ കമ്മീഷൻ 

വോട്ടർ സഹായ അപ്ലിക്കേഷൻ 

ആലപ്പുഴ : രാജ്യത്താകമാനമുള്ള വോട്ടർമാർക്ക് ഇലക്ഷൻ സംബന്ധിച്ച എല്ലാ സേവനങ്ങളും വിവരങ്ങളും ഒരിടത്തു നിന്നും നൽകുക എന്ന ലക്ഷ്യത്തോടെ ഇലക്ഷൻ കമ്മീഷൻ  പുതിയ ആപ്പ് പുറത്തിറക്കി. ഗൂഗിൽ പ്ലേസ്‌റ്റോറിൽ നിന്ന് വോട്ടർ ഹെൽപ്പ് ലാൻ ആപ്ലിക്കേഷൻ ഡൗൺലോഡ് ചെയ്യുക. ഇലക്ഷൻ  കമ്മീഷന്റെ ഡൈനാമിക് പോർട്ടലിൽ നിന്നും തത്സമയം വിവരങ്ങൾ ലഭ്യമാക്കുന്നതാണ്.  

ആലപ്പുഴ: തയ്യൽ തൊഴിലാളി ക്ഷേമനിധി ബോർഡിൽ നിന്നും  ഏപ്രിൽ  മുതലുള്ള പെൻഷൻ ലഭിക്കുതിന് നാളിതുവരെ ലൈഫ് സർട്ടിഫിക്കറ്റ് ഹാജരാക്കാത്തവർ മാർച്ച് 30നകം തോൻകുളങ്ങര സാസ് ബിൽഡിംഗിൽ പ്രവർത്തിക്കുന്ന ആലപ്പുഴ ജില്ലാ കാര്യാലയത്തിൽ ഹാജരാക്കേതാണ്. ഫോ - 0477 2254204.

ആലപ്പുഴ: കേരള തൊഴിലാളി ക്ഷേമനിധി ബോർഡ് ഇൻസ്‌പെക്ടറുടെ കാര്യാലയത്തിൽ ട്രേഡ് യൂണിയനുകളുടെ  യോഗം  തിങ്ങളാഴ്ച ലേബർ വെൽഫെയർ ഫണ്ട് ഇൻസ്‌പെക്ടറായ എസ്. ഷീലയുടെ അദ്ധ്യക്ഷതയിൽ കൂടി. കൂടുതൽ തൊഴിലാളികളെ ബോർഡിന്റെ പരിധിയിൽ കൊുവരേതിന്റെ ആവശ്യകതയെ കുറിച്ചും അവർക്ക് ലഭിക്കുന്ന ആലുകൂല്യത്തെ കുറിച്ചും ജില്ലാ ലേബർ വെൽഫയർ ഫ് ഇൻസ്‌പെക്ടർ യോഗത്തിൽ വിശദീകരിച്ചു. ബോർഡ് നൽകുന്ന ആനുകൂല്യങ്ങൾ കൂടുതൽ ആകർഷകമാക്കണമെന്നും അതനുസരിച്ച് അംശാദായം കാലാനുസൃതമായി വർദ്ധിപ്പിക്കണമെന്നും യോഗത്തിൽ എകകണ്ഠമായി അഭിപ്രായമുായി. ബിനീഷ് ബോയി (ബി.എം.എസ്സ്.) അഭിലാഷ് ബേർലി (ബി.എം.എസ്സ്.) കെ.കെ.ജയറാം (എ.ഐ.റ്റി.യു.സി.) പി.

ആലപ്പുഴ:  മാർച്ച് 26 വരെ കൊല്ലം,  ആലപ്പുഴ, കോട്ടയം, എറണാകുളം, തൃശ്ശൂർ ജില്ലകളിൽ ഉയർന്ന താപനില ശരാശരിയിൽ നിന്ന് 3 മുതൽ 4 ഡിഗ്രി സെൽഷ്യസ് വരെ ഉയരുമെന്ന് കേന്ദ്ര കാലാവസ്ഥാ കേന്ദ്രം മുന്നറിയിപ്പ് നൽകി.  തിരുവനന്തപുരം, പത്തനംതിട്ട, പാലക്കാട്, മലപ്പുറം, കോഴിക്കോട്, കണ്ണൂർ എന്നീ ജില്ലകളിൽ ഉയർന്ന താപനില ശരാശരിയിൽ നിന്ന് 2 മുതൽ 3 ഡിഗ്രി സെൽഷ്യസ് വരെയും ഉയരാൻ സാധ്യതയുണ്ട്. മേൽ സാഹചര്യത്തിൽ സൂര്യാഘാതം ഒഴിവാക്കുവാനായി പൊതുജനങ്ങൾ ചില മുൻകരുതലുകൾ എടുക്കണമെന്ന് സംസ്ഥാന ദുരന്ത നിവാരണ അതോരിട്ടി അറിയിച്ചു. പൊതുജനങ്ങൾ രാവിലെ 11 മുതൽ 3 വരെ എങ്കിലും നേരിട്ട് സൂര്യപ്രകാശം എൽക്കുന്നതിന് ഒഴിവാക്കണം.

ആലപ്പുഴ:സ്വീപ്പിന്റെ (വോട്ടർ ബോധവത്കരണ പരിപാടി)പ്രചരണവുമായി  ബന്ധപ്പെട്ട് വിഡിയോ, പോസ്റ്റർ, സ്റ്റിക്കർ എന്നിവയുടെ പ്രകാശനം കളക്ടറുടെ ചേംബരിൽ നടന്നു. നൂറിൽ നൂറ് വോട്ട് നമ്മുടെ ലക്ഷ്യം എന്ന പ്രചരണത്തിന്റെ ഭാഗമായാണ് വീഡിയോയും സ്്റ്റിക്കറും പോസ്റ്ററും സ്വീപ്പ് പുറത്തിറക്കിയിരിക്കുന്നത്. ജനങ്ങളോട് വോട്ടവകാശം വിനിയോഗിക്കാൻ ആവശ്യപ്പെടുന്ന വീഡിയോയുടെ പ്രകാശനം ജില്ലകളക്ടർ എസ്.സുഹാസ് നിർവഹിച്ചു. പൊതുതിരഞ്ഞെടുപ്പിൽ ജില്ലയെ നൂറിൽ നൂറ്  ശതമാനം വോട്ട് നേടാൻ പ്രാപ്തമാക്കലാണ് ഇതിലൂടെ ലക്ഷ്യമിടുന്നതെന്ന് ജില്ല കളക്ടർ പറഞ്ഞു.