മഞ്ചേരി ഗവ. ടെക്‌നിക്കല്‍ ഹൈസ്‌കൂളില്‍ എട്ടാം ക്ലാസ് പ്രവേശനത്തിന് രജിസ്‌ട്രേഷന്‍ ആരംഭിച്ചു. 04832766185, 9400006489.

ബാങ്ക് ലോണ്‍ കുടിശ്ശിക ഈടാക്കുന്നതിനായി കെ.എല്‍ 53 ജെ 3870 നമ്പര്‍ ഓട്ടോറിക്ഷ മാര്‍ച്ച് 26ന് രാവിലെ 11ന് പെരിന്തല്‍മണ്ണ താലൂക്ക് ഓഫീസ് കോമ്പൗണ്ടില്‍ ലേലം ചെയ്യും.

ആരോഗ്യ സുരക്ഷ പദ്ധതി നടപ്പിലാക്കുന്നതിന്റെ ഭാഗമായി രൂപീകരിച്ച ജില്ലാ കോര്‍ കമ്മിറ്റി യോഗം മാര്‍ച്ച് 26ന് രാവിലെ 10.30ന് കലക്ടറുടെ ചേമ്പറില്‍ ചേരും.

ലോക ജല ദിനത്തോടനുബന്ധിച്ച് ജില്ലാ ഭൂജല വകുപ്പിന്റെ നേതൃത്വത്തില്‍  ആസൂത്രണ സമിതി സെക്രട്ടറിയേറ്റ് ഹാളില്‍ ഹൈസ്‌കൂള്‍ വിദ്യാര്‍ത്ഥികള്‍ക്കായി ക്വിസ് മത്സരം സംഘടിപ്പിച്ചു. കൊണ്ടോട്ടി, തിരൂരങ്ങാടി, താനൂര്‍    സെമിക്രിട്ടിക്കല്‍ ബ്ലോക്കുകളിലെ ഹൈസ്‌കൂള്‍  വിദ്യാര്‍ത്ഥികള്‍ക്കാണ് മത്സരം സംഘടിപ്പിച്ചത്.

സൗദി അറേബ്യന്‍ സര്‍ക്കാര്‍ ആരോഗ്യ മന്ത്രാലയത്തിന്റെ കീഴില്‍ റിയാദിലുള്ള ആശുപത്രിയിലേക്ക് നിയമനത്തിനായി ഇന്റേണ്‍ഷിപ്പ് കൂടാതെ മൂന്ന് വര്‍ഷത്തില്‍ കുറയാത്ത സേവന പരിചയമുള്ള ബി.എസ്.സി./എം.സ്.സി/പി.എച്ച്.ഡി നഴ്‌സുമാരെ (സ്ത്രീകള്‍ മാത്രം) തെരഞ്ഞെടുക്കുന്നതിന് ഒഡെപെക് അപേക്ഷ ക്ഷണിച്ചു. കൂടിക്കാഴ്ച്ച ഏപ്രില്‍ ഒന്ന്, രണ്ട് തീയതികളില്‍ ഡല്‍ഹിയില്‍ നടത്തും.  വിശദവിവരങ്ങള്‍ www.odepc.kerala.gov.in, ല്‍ ലഭിക്കും.

ലോക്‌സഭാ തെരഞ്ഞെടുപ്പ് 2019ന് മുന്നോടിയായി  ഇടുക്കി പാര്‍ലമെന്റ് മണ്ഡലത്തിന് സ്വന്തമായൊരു വോട്ട്പാട്ട് തയ്യാറായിരിക്കുന്നു. എല്ലാ സമ്മതിദായകരെയും വോട്ടുചെയ്യാന്‍ പ്രേരിപ്പിക്കുകയെന്ന ലക്ഷ്യത്തോടെ ജില്ലാ തെരഞ്ഞെടുപ്പ് വിംഗിലെ സ്വീപ് ടീമാണ് വോട്ടുപാട്ട് തയ്യാറാക്കിയത്.  സ്ഥാനാര്‍ത്ഥികള്‍ക്കായി പ്രചാരണ ഗാനങ്ങള്‍ എല്ലാ തെരഞ്ഞെടുപ്പിലും പതിവാണെങ്കിലും വോട്ട് ചെയ്യാന്‍ പേരിപ്പിക്കുന്ന വോട്ടുപാട്ട് ഉദ്യോഗസ്ഥര്‍ തന്നെ തയ്യാറാക്കുന്നത് അപൂര്‍വ്വമാണ്.

സൗദി അറേബ്യന്‍ സര്‍ക്കാര്‍ ആരോഗ്യമന്ത്രാലയത്തിന്റെകീഴില്‍ റിയാദിലുള്ള ആശുപത്രിയിലേക്ക് നിയമനത്തിനായി ഇന്റേണ്‍ഷിപ്പ് കൂടാതെ മൂന്ന് വര്‍ഷത്തില്‍ കുറയാത്ത സേവന പരിചയമുള്ള ബിരുദാരികളായ പെര്‍ഫ്യൂഷനിസ്റ്റുകളെ തെരഞ്ഞെടുക്കുന്നതിന് സര്‍ക്കാര്‍ സ്ഥാപനമായ ഒഡെപെക് അപേക്ഷ ക്ഷണിച്ചു. കൂടിക്കാഴച് ഏപ്രില്‍, ഒന്ന്, രണ്ട് തീയതികളില്‍ ഡല്‍ഹിയില്‍ നടത്തും.  വിശദവിവരങ്ങള്‍ ംംം.ീറലുര.സലൃമഹമ.ഴീ്.ശി, ല്‍ ലഭിക്കും.

ജില്ലയില്‍ വെസ്റ്റ് നൈല്‍ ബാധ റിപ്പോര്‍ട്ട് ചെയ്യപ്പെട്ട സാഹചര്യത്തില്‍ കടലുണ്ടി പക്ഷി സങ്കേതത്തില്‍ നിരീക്ഷണം ശക്തമാക്കി. രോഗം റിപ്പോര്‍ട്ട് ചെയ്യപ്പെട്ടത് മുതല്‍ എല്ലാ ദിവസവും വെറ്റനറി സര്‍ജന്‍ പരിശോധന നടത്തുന്നുണ്ട്. എന്നാല്‍ അസ്വാഭാവികമായി ഇതുവരെ ഒന്നും കണ്ടെത്തിയിട്ടില്ലെന്ന് ജില്ലാ മൃഗസംരക്ഷണ ഓഫീസര്‍ ഡോ. സി.മധു പറഞ്ഞു. മൃഗസംരക്ഷണ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്നവര്‍ പരിഭ്രാന്തരാകേണ്ടതില്ലെന്നും അദ്ദേഹം അറിയിച്ചു.  കുതിര ഒഴികെയുള്ള ഒരു വളര്‍ത്തു മൃഗത്തിലും രോഗം ഇതുവരെ റിപ്പോര്‍ട്ട് ചെയ്തിട്ടില്ല.