സര്‍ട്ടിഫിക്കറ്റ് വിതരണം

ജില്ലാ പഞ്ചായത്ത് സ്‌കില്‍ ഡെവലപ്‌മെന്റ് സെന്ററില്‍ നിന്ന് 2018 ഒക്‌ടോബര്‍ മാസത്തില്‍ ഇലക്ട്രിക്കല്‍ ടെക്‌നീഷ്യന്‍, റെഫ്രിജെറേഷന്‍ ആന്റ് എയര്‍കണ്ടീഷനിംഗ്, ഡി.ടി.പി, ടൈലറിംഗ് എന്നീ പരീക്ഷ എഴുതിയവരുടെ മാര്‍ക്ക്‌ലിസ്റ്റുകള്‍ സിവില്‍സ്റ്റേഷനിലുളള സെന്ററില്‍ എത്തിയിട്ടുണ്ട്. പരീക്ഷ. എഴുതിയവര്‍ രേഖകളുമായി വന്ന് മാര്‍ക്ക് ലിസ്റ്റ് കൈപ്പറ്റണം.

കോഷന്‍ ഡിപ്പോസിറ്റ് കൈപ്പറ്റണം

കണ്ണൂര്‍ ജില്ലാ മൃഗാശുപത്രി കോമ്പൌണ്ടില്‍ പ്രവര്‍ത്തിക്കുന്ന മൃഗസംരക്ഷണ പരിശീലന കേന്ദ്രത്തില്‍ വെച്ച്  ഏപ്രില്‍ മാസം 29, 30 തീയതികളില്‍ ആട് വളര്‍ത്തലില്‍ പരിശീലനം നല്‍കുന്നു.   പരിശീലന ക്ലാസില്‍ പങ്കെടുക്കാന്‍ ആഗ്രഹിക്കുന്നവര്‍ക്ക്  എപ്രില്‍ 25- ന് രാവിലെ 10 മുതല്‍ പരിശീലന കേന്ദ്രത്തില്‍ പേര് രജിസ്റ്റര്‍  ചെയ്യാം. മുന്‍കൂട്ടി പേര് രജിസ്റ്റര്‍ ചെയ്യുന്ന ആദ്യത്തെ 50 പേര്‍ക്ക്  മാത്രമേ ക്ലാസില്‍ പ്രവേശനമുണ്ടായിരിക്കുകയുള്ളൂവെന്ന്  പ്രിന്‍സിപ്പല്‍ ട്രെയിനിംഗ് ഓഫീസര്‍ അറിയിച്ചു.  കൂടുതല്‍ വിവരങ്ങള്‍ക്ക്  ഓഫീസുമായി ബന്ധപ്പെടുക. ഫോണ്‍ നം  - 04972- 763473

കോഴിക്കോട് സിവില്‍ സ്റ്റേഷനിലെ  എംപ്ലോയബിലിറ്റി സെന്ററില്‍ ഏപ്രില്‍ 27 ന് രാവിലെ 10.30 ന്  ജില്ലയിലെ വിവിധ സ്വകാര്യ  സ്ഥാപനങ്ങളിലേയ്ക്ക് സയന്‍സിലും കണക്കിലും ബിരുദാനന്തര ബിരുദം യോഗ്യതയായുളള ഫാക്കല്‍റ്റി, ബിരുദം അടിസ്ഥാന യോഗ്യതയായുളള ടീച്ചര്‍മാര്‍, എം.ബി.എ യോഗ്യതയായുളള മാര്‍ക്കറ്റിംങ്ങ് മാനേജര്‍, ബി.ടെക് (സിവില്‍) യോഗ്യതയുളള പ്രോജക്ട് കോ-ഓര്‍ഡിനേറ്റര്‍, ഐ.ടി.ഐ എ.സി.മെക്കാനിക് യോഗ്യതയുളള   ടെക്‌നീഷ്യന്‍,   പ്ലസ് ടു  യോഗ്യതയുളള ഫൈനാന്‍ഷ്യല്‍ അഡൈ്വസര്‍, ഇലക്ട്രിക്കല്‍ ഡിപ്ലോമ യോഗ്യതയുളള ടെക്‌നിക്കല്‍ സൂപ്പര്‍വൈസര്‍ തുടങ്ങി വിവിധ  തസ്തികകളിലേക്ക് കൂടിക്കാഴ്ച നടത്തും.

ആലപ്പുഴ: ഇന്ത്യൻ മഹാസമുദ്രത്തിന്റെ ഭൂമധ്യരേഖ പ്രദേശത്തും അതിനോട്  ചേർന്നുള്ള  തെക്കു  പടിഞ്ഞാറൻ  ബംഗാൾ  ഉൾക്കടലിലും ശ്രീലങ്കയുടെ തെക്കുകിഴക്കുമായി ഏപ്രിൽ 25ന്  ന്യൂനമർദ്ദം പ്രതീക്ഷിക്കുന്നതായി കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. ഇതുമൂലം  ഏപ്രിൽ 25നും  ഇന്ത്യൻ മഹാസമുദ്രത്തിന്റെ ഭൂമധ്യരേഖ പ്രദേശത്തും അതിനോട്  ചേർന്നുള്ള  തെക്കു  പടിഞ്ഞാറൻ  ബംഗാൾ  ഉൾക്കടലിലും  കാറ്റിന്റെ വേഗത മണിക്കൂറിൽ 35  മുതൽ 45  കിലോമീറ്റർ വരെയാവാനും ഏപ്രിൽ 26നും കാറ്റിന്റെ വേഗത മണിക്കൂറിൽ 40   മുതൽ 55  കിലോമീറ്റർ വരെയാവാനും സാധ്യതയുണ്ട്.

ആലപ്പുഴ: ആലപ്പുഴ ലോകസഭ  മണ്ഡലത്തിലെ ചേർത്തല നിയോജകമണ്ഡലത്തിൽ ഉൾപ്പെട്ട 88-ാം നമ്പർ ബൂത്തിൽ പോളിങ് ആരംഭിക്കുന്നതിനുമുമ്പ്   മോക്ക്പോൾ നടത്തിയപ്പോൾ ബാലറ്റ് യൂണിറ്റിൽ പ്രസ് ഏറർ സംഭവിച്ചതുമൂലമാണ് ബാലറ്റ് യൂണിറ്റ് മാറ്റിയിട്ടുള്ളതെന്നും  മാധ്യമങ്ങളിൽ പ്രചരിച്ചതുപോലെ ഒരു പിശകും  സംഭവിച്ചിട്ടില്ലെന്നും ജില്ല തിരഞ്ഞെടുപ്പ് ഓഫീസറായ  ജില്ല കളക്ടർ അറിയിച്ചു

ആലപ്പുഴ:  സ്ത്രീസൗഹൃദം അന്വർഥമാക്കി ജില്ലയിലെ പിങ്ക് പോളിങ് ബൂത്തുകൾ. ഒമ്പതു നിയമസഭ മണ്ഡലങ്ങളിലുമായി 45 സ്ത്രീസൗഹൃദ ബൂത്തുകളാണ് ഈ തിരഞ്ഞെടുപ്പിൽ ഒരുക്കിയിരുന്നത്. പ്രിസൈഡിംഗ് ഓഫീസർ, പൊലീസ് ഉൾപ്പെടെ പോളിങ് ജോലിക്കെത്തിയവരെല്ലാം  വനിതകളായിരുന്നു. ചില സൗഹൃദ ബൂത്തുകളിൽ രാഷ്ട്രീയ പാർട്ടികളുടെ ഏജന്റുമാരായെത്തിയതും വനിതകളായിരുന്നുവെന്നത് കൗതുകമായി. 

ആലപ്പുഴ: വോട്ട് ചെയ്യാൻ എത്തിയവർക്ക് വ്യത്യസ്തമായ അനുഭവമാണ് മാതൃക പോളിങ് സ്റ്റേഷനുകളിൽ ഒരുക്കിയിരുന്നത്. ചെങ്ങന്നൂർ നിയോജക മണ്ഡലത്തിലെ മാന്നാർ നായർ സമാജം സ്‌കൂൾ,  കുട്ടംപേരൂർ ശ്രീ കാർത്തിയായനി വിലാസം ഹൈസ്‌കൂൾ, ഗവ. യു.പി. ഗേൾസ് സ്‌കൂൾ കിഴക്കേനട, ജൂനിയർ ബേസിക്ക് സ്‌കൂൾ തോനക്കാട്, ജൂനിയർ ബേസിക്ക് സ്‌കൂൾ ഉൾപ്പടെ ജില്ലയിൽ  45 കേന്ദ്രങ്ങളിലാണ് മാതൃക ബൂത്തുകൾ സജ്ജമാക്കിയിരുന്നത്. ഓരോ നിയോജകമണ്ഡലത്തിലും അഞ്ചു വീതം ബൂത്തുകളെയാണ് ഇത്തരത്തിൽ മാതൃക ബൂത്തുകളാക്കിയത്.

ആലപ്പുഴ:ആലപ്പുഴ ലോക്സഭ മണ്ഡലത്തിൽ പല ബൂത്തുകളിലും വോട്ട് രേഖപ്പെടുത്താൻ നീണ്ട നിര തന്നെയായിരുന്നു കണ്ടത് .എന്നാൽ തിരക്കിന്റെ ബുദ്ധിമുട്ടുകൾ വോട്ടർമാരെ  അറിയിക്കാതെ നിയന്ത്രണം ഏറ്റെടുത്തത് തിരഞ്ഞെടുപ്പ് ഡ്യൂട്ടിക്കായി പ്രത്യേകം നിയോഗിച്ചിരുന്ന സ്പെഷ്യൽ പോലീസ് കേഡറ്റുകളായിരുന്നു.

നിയോജക മണ്ഡലം ആകെ വോട്ടര്‍  പോള്‍ ചെയ്തത് ആകെ

പുരുഷ വോട്ടര്‍ ആകെ

സ്ത്രീ വോട്ടര്‍ ശതമാനം

മാനന്തവാടി            

186397 151998 92910 93487 81.54

സുല്‍ത്താന്‍ ബത്തേരി

212838 174041 104972 107866 81.77

കല്‍പ്പറ്റ

194942 157347 95784 99158 80.71

തിരുവമ്പാടി

170289 137127 84658 85630

80.58

ഏറനാട്

171026 137201 86692 84334 80.22

നിലമ്പൂര്‍

207801 160799 101960 105841 77.38

വണ്ടൂര്‍

214526 165950 106035 108491 77.35