ഷൊര്‍ണ്ണൂര്‍ - നിലമ്പൂര്‍ പാതയിലെ പെരിന്തല്‍മണ്ണ - മുതുകുര്‍ശ്ശി റോഡിലെ റെയില്‍വെ ഗെയ്റ്റ് അറ്റകുറ്റപണികള്‍ക്കായി മെയ് എട്ടിന് രാവിലെ എട്ട് മുതല്‍ വൈകുന്നേരം ആറുവരെ അടച്ചിടും.  വാഹനങ്ങള്‍ ചെറുകര - കുന്നക്കാവ് - ഏലംകുളം,  കുന്നക്കാവ് - പാറക്കല്‍മുക്ക് - ചെറുകര എല്‍.സി വഴി പോകണം.

       സാഹിത്യ അക്കാദമിയും മഞ്ചേരി പബ്ലിക്ക് ലൈബ്രററിയും സംയുക്തമായി ഗാന്ധി സ്മൃതി എന്ന പേരില്‍ ഏപ്രില്‍ 28ന് പരിപാടി സംഘടിപ്പിക്കും. മഞ്ചേരി പബ്ലിക്ക് ലൈബ്രററിയില്‍ ഉച്ചയ്ക്ക് 2.30ന് നടക്കുന്ന പരിപാടി പ്രശസ്ത എഴുത്തുകാരന്‍ പി.സുരേന്ദ്രന്‍ ഉദ്ഘാടനം ചെയ്യും. മഹാത്മാഗാന്ധി ജീവിതവും ചിന്തയും എന്ന വിഷയത്തില്‍ ജില്ലാ ലൈബ്രററി കൗണ്‍സില്‍ പ്രസിഡന്റ് കെ.കെ ബാലചന്ദ്രന്‍  സെമിനാര്‍ അവതരിപ്പിച്ച് സംസാരിക്കും.

ഇന്ത്യന്‍ മഹാസമുദ്രത്തില്‍ രൂപം കൊണ്ട ന്യൂനമര്‍ദം ചുഴലിക്കാറ്റായി മാറാനുളള സാധ്യതയുള്ളതിനാല്‍ ജനങ്ങള്‍ ജാഗ്രത പാലിക്കണമെന്ന് ജില്ലാ ഭരണകൂടം അറിയിച്ചു. കടല്‍  പ്രക്ഷുബ്ധമാകാനിടയുള്ളതിനാല്‍ മത്സ്യതൊഴിലാളികള്‍ ജാഗ്രത പുലര്‍ത്തണം. ആഴക്കടലില്‍ മത്സ്യബന്ധനത്തിന് പോയവര്‍ തൊട്ടടുത്ത തീരത്തേക്ക് ഉടന്‍  മടങ്ങണം.

ജില്ലാ ഭരണകൂടത്തിന്റെയും തൊഴില്‍ വകുപ്പിന്റെയും, സ്‌പോര്‍ട്‌സ് കൗണ്‍സിലിന്റെയും  സംയുക്താഭിമുഖ്യത്തില്‍ തൊഴിലാളികള്‍ക്കായുള്ള കായിക മത്സരങ്ങള്‍ മലപ്പുറം  എം.എസ്.പി. എല്‍.പി. സ്‌കൂള്‍  ഗ്രൗണ്ടില്‍ മെയ് ഒന്നാം തീയതി നടക്കും.  അത്‌ലറ്റിക്‌സ്, വോളീബോള്‍, വടംവലി ഇനങ്ങളിലാണ് മത്സരങ്ങള്‍ നടത്തുന്നത്.  അത്‌ലറ്റിക്‌സില്‍ പുരുഷന്‍മാര്‍ക്കും സ്ത്രീകള്‍ക്കും, വോളീബോള്‍, വടംവലി എന്നീ ഇനങ്ങളില്‍ പുരുഷന്‍മാര്‍ക്ക് മാത്രവുമാണ് മത്സരങ്ങള്‍  നടത്തുക.  സ്‌പെഷ്യല്‍ ഐറ്റമായി ഫാന്‍സി ഡ്രസ്സ് മത്സരവും ഉണ്ടായിരിക്കുന്നതാണ്.

മഞ്ചേരി എല്‍.ബി..എസ് സെന്ററില്‍ ഗസ്റ്റ് ലക്ചര്‍ തസ്തികകളിലേക്ക് പാനല്‍ രൂപീകരിക്കുന്നതിന് അപേക്ഷ ക്ഷണിച്ചു.  ഒരു വര്‍ഷം പ്രവര്‍ത്തി പരിചയമുളള ഒന്നാം ക്ലാസ് എം.സി.എ ഇലക്‌ട്രോണിക്/ കമ്പ്യൂട്ടര്‍ എന്‍ജിനീയറിങ്ങ് ബിരുദം/ ഡിപ്ലോമ/ യോഗ്യതയുള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍  ഏപ്രില്‍ 30ന് രാവിലെ 11 ന്  അസ്സല്‍ സര്‍ട്ടിഫിക്കറ്റും സാക്ഷ്യപ്പെടുത്തിയ പകര്‍പ്പും സഹിതം  ഹാജരാകണം. ഫോണ്‍ : 0483 - 2764674.

കഴിഞ്ഞ ദിവസം നിലമ്പൂരില്‍ മരം വീണ് മരിച്ച ആദിവാസികളുടെ ബന്ധുക്കള്‍ക്ക് ദുരന്ത നിവാരണ ഫണ്ടില്‍ നിന്ന് നാല് ലക്ഷം വീതം നല്‍കുമെന്ന് ജില്ലാ കലക്ടര്‍ അറിയിച്ചു. അതിനുള്ള നടപടികള്‍ സ്വീകരിച്ചു വരികയാണ്. പരിക്കേറ്റ് ആശുപത്രിിയില്‍ കഴിയുന്നവര്‍ക്കും ആവശ്യമായ സാമ്പത്തിക സഹായം നല്‍കും. ദുരന്തത്തില്‍ മൂന്ന് പേരാണ് മരിച്ചത്. രണ്ട് പേര്‍ ആശുപത്രിയില്‍ ചികില്‍സയിലാണ്.  

ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റ് മറവി രോഗം: ഒരു ആമുഖം എന്ന വിഷയത്തില്‍ ഇന്ന് (ഏപ്രില്‍ 27) ഓണ്‍ലൈന്‍ സെമിനാര്‍ സംഘടിപ്പിക്കും. ആലപ്പുഴ ഗവണ്‍മെന്റ് മെഡിക്കല്‍ കോളേജ് ന്യൂറോളജി വിഭാഗം മുന്‍ മേധാവി  ഡോ. റോബര്‍ട്ട് മാത്യു സെമിനാര്‍ നയിക്കും. 

യൂണിവേഴ്‌സിറ്റി അസിസ്റ്റന്റ് പരീക്ഷയ്ക്ക് തയ്യാറെടുക്കുന്ന ഉദ്യോഗാര്‍ത്ഥികള്‍ക്കായി കോട്ടയം ജില്ലാ എംപ്ലോയ്‌മെന്റ് എക്‌സ്‌ചേഞ്ച് 30 ദിവസം നീണ്ടു നില്‍ക്കുന്ന സൗജന്യ  പരീക്ഷാപരിശീലനം    സംഘടിപ്പിക്കുന്നു. പി.എസ്.സിക്ക് അപേക്ഷ നല്‍കിയിട്ടുള്ളവരെയാണ് പരിഗണിക്കുന്നത്. 

ജില്ലാ ഭക്ഷ്യസുരക്ഷാ അസിസ്റ്റന്റ് കമ്മീഷണര്‍ ഓഫീസിന്റെ ആവശ്യത്തിന് ഡ്രൈവര്‍ ഉള്‍പ്പെടെ വാഹനം കരാര്‍ അടിസ്ഥാനത്തില്‍ നല്‍കുന്നതിന് വാഹന ഉടമകളില്‍ നിന്ന് ദര്‍ഘാസ് ക്ഷണിച്ചു. മെയ് ആറ് ഉച്ചയ്ക്ക് രണ്ടു വരെ സമര്‍പ്പിക്കാം. വിശദവിവരങ്ങള്‍ 0481 2564677 എന്ന നമ്പരില്‍ ലഭിക്കും.