കുവൈറ്റിലെ  അർദ്ധ സർക്കാർ റിക്രൂട്ട്‌മെന്റ്  കമ്പനിയായ  അൽദുര കമ്പനിയിലേക്ക് മുപ്പതിനും അമ്പതിനും മധ്യേ പ്രായമുള്ള 1000 വനിത ഗാർഹിക തൊഴിലാളികളെ നോർക്ക റൂട്ട്‌സ്  മുഖാന്തരം തിരഞ്ഞെടുക്കുന്നു. ശമ്പളം 110 കെ.ഡി (ഏകദേശം 25,000 രൂപ) . തിരഞ്ഞടുക്കപ്പെടുന്നവർക്ക് വീസ, വിമാന ടിക്കറ്റ് , താമസം, ഭക്ഷണം, എന്നിവ ഉൾപ്പെടെ നോർക്ക റിക്രൂട്ട്‌മെന്റും തികച്ചും സൗജന്യമാണ്. താത്പര്യമുള്ളവർ norkadsw@gmail.com ലേക്ക് വിശദമായ ബയോഡേറ്റ, 2 ഫുൾ സൈസ് ഫോട്ടോ എന്നിവ അയക്കണം. കൂടുതൽ വിവരങ്ങൾ 1800-425-3939 (ടോൾ ഫ്രീ) -ൽ ലഭിക്കും.

പി.എൻ.എക്സ്. 1178/19

തിരഞ്ഞെടുപ്പ് പ്രക്രിയയിൽ പങ്കാളികളായ ഉദ്യോഗസ്ഥരെ മുഖ്യ തിരഞ്ഞെടുപ്പ് ഓഫീസറുടെ നേതൃത്വത്തിൽ അനുമോദിച്ചു. 

മികച്ച രീതിയിൽ വോട്ടെടുപ്പ് നടപടികൾ പൂർത്തിയാക്കാൻ സഹായിച്ച എല്ലാ വകുപ്പ് ഉദ്യോഗസ്ഥർക്കും നന്ദി അറിയിക്കാനാണ് മുഖ്യ തിരഞ്ഞെടുപ്പ് ഓഫീസർ ടീക്കാറാം മീണയുടെ നേതൃത്വത്തിൽ യോഗം ചേർന്നത്. 

സംസ്ഥാന-കേന്ദ്ര വകുപ്പുകളിലെ വിവിധ ഉദ്യോഗസ്ഥരുടെ കൂട്ടായ പ്രവർത്തനവും ഏകോപനവും ജനങ്ങളുടെ സഹകരണവുമാണ് മികച്ച രീതിയിൽ വോട്ടെടുപ്പ് പൂർത്തിയാക്കാനും ഉയർന്ന പോളിംഗ് ശതമാനം ഉറപ്പാക്കാനും സഹായമായതെന്ന് മുഖ്യ തിരഞ്ഞെടുപ്പ് ഓഫീസർ പറഞ്ഞു.

സംസ്ഥാനത്തെ ഒന്നു മുതൽ പന്ത്രണ്ടുവരെ ക്ലാസുകളിൽ പഠിപ്പിക്കുന്ന മുഴുവൻ അധ്യാപകർക്കും കേരള ഇൻഫ്രാസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷൻ (കൈറ്റ്)ന്റെ നേതൃത്വത്തിൽ നാലു ദിവസത്തെ ഐസിടി പരിശീലനം നൽകുന്ന പദ്ധതി തുടങ്ങി. ആദ്യ ബാച്ചിൽ പ്രൈമറി-അപ്പർ പ്രൈമറി വിഭാഗങ്ങളിലെ 23495 അധ്യാപകരാണ് സംസ്ഥാനത്തെ വിവിധ ഭാഗങ്ങളിലുള്ള 800 പരിശീലന കേന്ദ്രങ്ങളിൽ ഇന്നലെ (വെള്ളിയാഴ്ച) പരിശീലനത്തിനെത്തിയത്.

കേരള സർക്കാറിന്റെ കീഴിലുളള സംസ്ഥാന സഹകരണ യൂണിയന്റെ തിരുവനന്തപുരം നെയ്യാർഡാമിലെ കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മ) എം.ബി.എ (ഫുൾടൈം) 2019-21 ബാച്ചിലേക്ക് അഡ്മിഷൻ ഏപ്രിൽ 29ന് കിക്മ ക്യാമ്പസിൽ രാവിലെ 10 മണി മുതൽ നടത്തും. കേരള സർവകലാശാലയുടെയും, എ.ഐ.സി.റ്റി.ഇ.യുടെയും അംഗീകാരത്തോടെ നടത്തുന്ന ദ്വിവത്സര കോഴ്‌സിൽ ഫിനാൻസ്, മാർക്കറ്റിംഗ്, ഹ്യൂമൻ റിസോഴ്‌സ്, സിസ്റ്റം എന്നിവയിൽ ഡ്യൂവൽ സ്‌പെഷ്യലൈസേഷന് അവസരമുണ്ട്.

* മത്സ്യബന്ധനത്തിനു പോയിട്ടുള്ളവർ 28നു മുൻപ് തിരിച്ചെത്താൻ നിർദേശം

*എട്ട് ജില്ലകളിൽ യെല്ലോ അലർട്ട്

      നെടുമങ്ങാട് മഞ്ച ടെക്‌നിക്കല്‍ ഹൈസ്‌കൂളില്‍ 2019 - 2020 അധ്യയന വര്‍ഷത്തേക്കുള്ള എട്ടാം ക്ലാസ് പ്രവേശനത്തിന് അപേക്ഷ ക്ഷണിച്ചു. ഏഴാം ക്ലാസ് പാസായ വിദ്യാര്‍ഥികള്‍ക്ക് അപേക്ഷിക്കാം. മേയ് രണ്ടാണ് അപേക്ഷ സമര്‍പ്പിക്കാനുള്ള അവസാന തീയതി. അപേക്ഷാ ഫോം സ്‌കൂളില്‍ ലഭിക്കും. മേയ് മൂന്നിനാണ് പ്രവേശന പരീക്ഷ.

60 കംപ്യൂട്ടറുകളുള്ള ഐ.ടി. ലാബ്, കായിക ക്ഷമത വര്‍ധിപ്പിക്കാന്‍ മള്‍ട്ടി ജിം സൗകര്യത്തോടെ ഫിസിക്കല്‍ എഡ്യൂക്കേഷന്‍ ലാബ് എന്നിവ സ്‌കൂളില്‍ ലഭ്യമാണ്.  കൂടുതല്‍ വിവരങ്ങള്‍ക്ക് 8606251157, 9400006460.
(പി.ആര്‍.പി. 525/2019)

കേരള ക്ലിനിക്കല്‍ സ്ഥാപനങ്ങളുടെ രജിസ്‌ട്രേഷന്‍ നിയമ പ്രകാരം തിരുവനന്തപുരം ജില്ലയിലെ സര്‍ക്കാര്‍, സ്വകാര്യ മെഡിക്കല്‍ ലബോറട്ടറികളുടെ രജിസ്‌ട്രേഷന്‍ നടപടികള്‍ തുടങ്ങുന്നതിന്റെ ഭാഗമായി ഇതേക്കുറിച്ച് അവബോധം നല്‍കുന്നതിനുള്ള യോഗം 29 ന് ഉച്ചകഴിഞ്ഞ് 2.30ന് ജില്ലാ മെഡിക്കല്‍ ഓഫിസ് കോമ്പൗണ്ടിലെ സ്റ്റേറ്റ് ന്യൂട്രീഷ്യന്‍ ഹാളില്‍ ചേരുമെന്ന് ജില്ലാ മെഡിക്കല്‍ ഓഫിസര്‍ അറിയിച്ചു. ജില്ലയിലെ സ്വകാര്യ ലബോറട്ടറി സംഘടനകളുടെ പ്രതിനിധികള്‍ യോഗത്തില്‍ പങ്കെടുക്കണമെന്നും അറിയിപ്പില്‍ പറയുന്നു.
(പി.ആര്‍.പി. 524/2019)

* മത്സ്യബന്ധനത്തിനു പോയിട്ടുള്ളവര്‍ 28നു മുന്‍പ് തിരിച്ചെത്താന്‍ നിര്‍ദേശം

ഇന്ത്യന്‍ മഹാ സമുദ്രത്തിന്റെ ഭൂമധ്യരേഖാ പ്രദേശത്ത് രൂപംകൊണ്ട ന്യൂനമര്‍ദം ചുഴലിക്കാറ്റായി രൂപപ്പെട്ട് ഏപ്രില്‍ 30ന് തമിഴ്‌നാട്, ആന്ധ്ര തീരത്തെത്താന്‍ സാധ്യതയുണ്ടെന്നു കാലാവസ്ഥാ നിരീക്ഷണ കേന്ദ്രം. ന്യൂനമര്‍ദത്തിന്റെ പ്രഭാവത്തെത്തുടര്‍ന്ന് കേരള തീരത്ത് ശക്തമായ കാറ്റ് വീശാന്‍ സാധ്യതയുള്ളതിനാല്‍ മത്സ്യത്തൊഴിലാളികള്‍ കടലില്‍ പോകരുതെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി.