സാങ്കേതിക വിദ്യാഭ്യാസവകുപ്പിന്റെ സ്ഥാപനമായ നെടുമങ്ങാട് മഞ്ച സർക്കാർ ടെക്‌നിക്കൽ ഹൈസ്‌കൂളിൽ എട്ടാം ക്ലാസ് പ്രവേശനത്തിന് അപേക്ഷ ക്ഷണിച്ചു. ഏഴാം ക്ലാസ് പാസ്സായവർക്ക് അപേക്ഷിക്കാം. അപേക്ഷഫോറം സ്‌കൂളിൽ ലഭിക്കും. മേയ് രണ്ടിനകം അപേക്ഷ നൽകണം. പ്രവേശന പരീക്ഷ മേയ് മൂന്നിന് നടക്കും. കമ്പ്യൂട്ടറുകൾ ഉള്ള ഐടിലാബ്, കായികക്ഷമത വർദ്ധിപ്പിക്കാൻ മൾട്ടി ജിം സൗകര്യമുള്ള ഫിസിക്കൽ എഡ്യൂക്കേഷൻ ലാബ് എന്നിവ സ്‌കൂളിലുണ്ട്. കൂടാതെ പത്താം ക്ലാസ് വിജയിക്കുന്നവർക്ക് രണ്ട് സാങ്കേതിക വിദ്യാഭ്യാസ സർട്ടിഫിക്കറ്റുകൾ ലഭിക്കും. വിശദവിവരങ്ങൾക്ക് 8606251157, 9400006460. 

പി.എൻ.എക്സ്. 1172/19

കേരള സംസ്ഥാന കാർഷിക യന്ത്രവൽക്കരണ മിഷന്റെ നേതൃത്വത്തിൽ സംസ്ഥാനത്തുടനീളമുള്ള കാർഷികയന്ത്രങ്ങളുടെ കണക്കെടുപ്പും രജിസ്‌ട്രേഷനും നടത്തുന്നു.  എല്ലാ കാർഷികയന്ത്ര ഉടമകളും മറ്റ് ഇതര ഏജൻസികളും അവരുടെ പരിധിയിലുള്ള കൃഷിഭവനുകളിൽ മേയ് 31ന് മുമ്പായി യന്ത്രങ്ങളുടെ വിവരങ്ങൾ നിശ്ചിത രജിസ്‌ട്രേഷൻ ഫോറത്തിൽ രേഖപ്പെടുത്തി നൽകണമെന്ന് കാർഷികവികസന കർഷകക്ഷേമ ഡയറക്ടർ അറിയിച്ചു.  മാതൃകാഫോറം കൃഷിഭവനുകളിൽ ലഭ്യമാണ്.

പി.എൻ.എക്സ്. 1171/19

ആലപ്പുഴ: ആലപ്പുഴ ജനറൽ ആശുപത്രി കോൺഫറൻസ് ഹാളിൽ ഏപ്രിൽ 30ന്  ചൊവ്വാഴ്ച രാവിലെ 10.30 ന് 'രക്ഷാകർതൃത്വം' എന്ന വിഷയത്തെ ആസ്പദമാക്കി മാതാപിതാക്കൾക്ക്  വിദഗ്ദ്ധർ ക്ലാസ്സ് എടുക്കും. ജില്ലയിൽ നിന്ന്   താല്പര്യമുള്ള എല്ലാ മാതാപിതാക്കളും പങ്കെടുക്കണമെന്ന്  സൂപ്രണ്ട് അറിയിച്ചു.

ആലപ്പുഴ: എടത്വ സെന്റ് ജോർജ് ഫൊറോനാ പള്ളിയിലെ  ഈ വർഷത്തെ പെരുന്നാളിനോടനുബന്ധിച്ച് സുരക്ഷാ ക്രമീകരണങ്ങളുമായി ബന്ധപ്പെട്ട് ഏപ്രിൽ 27ന് വൈകുന്നേരം മൂന്നുമണിക്ക് എടത്വ സെന്റ് ജോർജ് ഫൊറോനാ പള്ളി കോൺഫ്രൻസ് ഹാളിൽ ആലോചനാ യോഗം എ.ഡി.എമ്മിന്റെ അധ്യക്ഷതയിൽ ചേരും.  

ആലപ്പുഴ: സാമൂഹ്യനീതി ഓഫീസിൽ 2019  മെയ് 15 മുതൽ 2020 മാർച്ച് 31 വരെയുള്ള കാലയളവിലേക്ക് ഓഫീസ് ആവശ്യത്തിനായി ടാക്‌സി പെർമിറ്റുള്ള കാർ /ജീപ്പ് വാടകയ്ക്ക് നൽകാൻ സന്നദ്ധരായ സ്വന്തമായി വാഹനമുള്ള വ്യക്തികൾ/സ്ഥാപനങ്ങൾ എന്നിവരിൽ നിന്ന് മുദ്രവെച്ച് ടെണ്ടർ ക്ഷണിച്ചു. ഏഴു വർഷത്തിൽ കുറഞ്ഞ പഴക്കമുള്ള വാഹന ഉടമകളിൽ നിന്നും ലഭിക്കുന്ന ടെണ്ടറുകളാണ് പരിഗണിക്കുന്നത്. മെയ് രണ്ട് രാവിലെ 11 വരെ ടെണ്ടർ സ്വീകരിക്കും. കൂടുതൽ വിവരത്തിന് ഫോൺ -0477 2253870.

ആലപ്പുഴ: പൊള്ളേത്തൈ ഗവൺമെന്റ് ഹൈസ്‌കൂളിന്റെ പഴയ കെട്ടിടം പൊളിച്ചുനീക്കുന്നതിന് ഏപ്രിൽ 30ന് ഉച്ചകഴിഞ്ഞ് രണ്ടുമണിക്ക് ലേല നടപടികൾ നടക്കും. ലേലം കൊള്ളുന്നവർ മുഴുവൻ തുകയും അടച്ച് അഞ്ചു ദിവസത്തിനകം കെട്ടിടം പൊളിച്ചുമാറ്റണം. വിശദവിവരത്തിന് ഫോൺ:04782861501.

ആലപ്പുഴ: ലോക്സഭാ തിരഞ്ഞെടുപ്പിൽ ആലപ്പുഴ മണ്ഡലത്തിൽ ഏറ്റവും കൂടുതൽ പോളിങ് ശതമാനം ചേർത്തലയിലും (84.95 ശതമാനം) ഏറ്റവും കുറവ് കായംകുളം (76.55 ശതമാനം) നിയോജക മണ്ഡലത്തിലുമാണ്. ഓരോ നിയോജക മണ്ഡലത്തിലേയും പോളിങ് ശതമാനവും ഏറ്റവും കൂടുതലും കുറവും വോട്ട് രേഖപ്പെടുത്തിയ ബൂത്തുകളുടെ പേരും ശതമാനവും ചുവടെ ചേർക്കുന്നു.

ലോക്‌സഭാ തിരഞ്ഞെടുപ്പില്‍ കോട്ടയം മണ്ഡലത്തില്‍ വോട്ട് ചെയ്തത് 907562 പേര്‍. ഇതില്‍ 456665 പേര്‍ പുരുഷന്‍മാരും 450894 പേര്‍ സ്ത്രീകളും  മൂന്ന് പേര്‍ ഇതരലിംഗ വിഭാഗത്തില്‍പ്പെട്ടവരാണ്. ആകെ 1205376 വോട്ടര്‍മാരുളള മണ്ഡലത്തില്‍ തിരഞ്ഞെടുപ്പ് കമ്മീഷന്റെ അന്തിമ കണക്കു പ്രകാരം 75.29 ആണ്  പോളിംഗ് ശതമാനം. 

ലോക്‌സഭാ തിരഞ്ഞെടുപ്പില്‍ കോട്ടയം മണ്ഡലത്തില്‍ വോട്ട് ചെയ്തത് 907562 പേര്‍. ഇതില്‍ 456665 പേര്‍ പുരുഷന്‍മാരും 450894 പേര്‍ സ്ത്രീകളും  മൂന്ന് പേര്‍ ഇതരലിംഗ വിഭാഗത്തില്‍പ്പെട്ടവരാണ്. ആകെ 1205376 വോട്ടര്‍മാരുളള മണ്ഡലത്തില്‍ തിരഞ്ഞെടുപ്പ് കമ്മീഷന്റെ അന്തിമ കണക്കു പ്രകാരം 75.29 ആണ്  പോളിംഗ് ശതമാനം. 

കോട്ടയം എംപ്ലോയ്‌മെന്റ് എക്‌സ്‌ചേഞ്ചിന്റെ ഭാഗമായ എംപ്ലോയബിലിറ്റി സെന്ററില്‍ ജില്ലയിലെ പ്രമുഖ  സ്വകാര്യ സ്ഥാപനത്തിലെ  ടെലി കോളര്‍ തസ്തികയിലെ ഒഴിവുകളിലേക്കുള്ള അഭിമുഖം ഏപ്രില്‍ 26ന് നടക്കും. ബിരുദമാണ് അടിസ്ഥാന യോഗ്യത. 22 നും 30നും ഇടയില്‍ പ്രായമുള്ളവര്‍ ബയോ ഡാറ്റയുമായി  26ന് രാവിലെ 10.30ന് കോട്ടയം കളക്ടറേറ്റിലെ എംപ്ലോയബിലിറ്റി സെന്ററില്‍ എത്തണം.