മൂലവട്ടം ശ്രീ കുറ്റിക്കാട്ട് ദേവീക്ഷേത്രത്തിലെ പത്താമുദയ മഹോത്സവത്തോടനു ബന്ധിച്ച് ക്ഷേത്രത്തിന്റെ മൂന്നു കിലോമീറ്റര്‍ ചുറ്റളവിലുള്ള പ്രദേശം ഏപ്രില്‍ 29 വരെ ജില്ലാ കളക്ടര്‍ ഉത്സവമേഖലയായി പ്രഖ്യാപിച്ചു. 

ലോക്‌സഭ തിരഞ്ഞെടുപ്പില്‍ വോട്ട് രേഖപ്പെടുത്തിയ കോട്ടയം മണ്ഡലത്തിലെ വോട്ടിംഗ്  യന്ത്രങ്ങള്‍ കോട്ടയം നഗരത്തിലെ വിവിധ സ്‌ട്രോംഗ് റൂമുകളിലേക്ക് മാറ്റി. വോട്ടിംഗ് ദിനത്തില്‍  രാത്രി കളക്ഷന്‍ സെന്ററുകളില്‍ എത്തിച്ച ഇവ സ്‌ട്രോംഗ് റൂമുകളിലാക്കുന്ന നടപടികള്‍ ഇന്നലെ (ഏപ്രില്‍ 24) രാവിലെയാണ് പൂര്‍ത്തിയായത്. 

മുതിര്‍ന്ന പൗരന്‍മാാര്‍ക്കു വേണ്ടി കോട്ടയം ജില്ലയില്‍ പ്രവര്‍ത്തിക്കുന്ന സംഘടനകളുടെ വിവരങ്ങള്‍ സാമൂഹ്യ നീതി വകുപ്പ് ശേഖരിക്കുന്നു. സംഘടനയുടെ  പേര്, മേല്‍വിലാസം, സെക്രട്ടറിയുടേയും പ്രസിഡന്‍റിന്‍റേയും പേര്, ഫോണ്‍ നമ്പര്‍, രജിസ്റ്റര്‍ നമ്പര്‍, പ്രവര്‍ത്തിക്കുന്ന മേഖല എന്നീ വിവരങ്ങള്‍ ഭാരവാഹികള്‍ ജില്ലാ സാമൂഹ്യനീതി ഓഫീസില്‍ ലഭ്യമാക്കണം.

  തിരുവാര്‍പ്പ്, കരൂര്‍, മൂന്നിലവ്, മണിമല ഗ്രാമപഞ്ചായത്തുകളിലും പാമ്പാടി ബ്ലോക്ക് പഞ്ചായത്തിലും അംഗങ്ങളുടെ ഒഴിവുളള വാര്‍ഡുകളില്‍ നടക്കാനിരിക്കുന്ന ഉപതിരഞ്ഞെടുപ്പുമായി ബന്ധപ്പെട്ട്  വോട്ടര്‍പട്ടികയുടെ കരട്  പ്രസിദ്ധീകരിച്ചു. വോട്ടര്‍ പട്ടിക പുതുക്കുന്നതിന്‍റെ ഭാഗമായാണിത്.

വൈദ്യുതി മുടങ്ങും

33 കെ വി പുത്തൂര്‍ സബ് സ്റ്റേഷനില്‍ അറ്റകുറ്റപ്പണി നടക്കുന്നതിനാല്‍ പാനൂര്‍, പാറാട്, പാട്യം സെക്ഷന്‍  പരിധിയില്‍ നാളെ(ഏപ്രില്‍ 26) രാവിലെ എട്ട് മുതല്‍ 12 മണി വരെ വൈദ്യുതി മുടങ്ങും.

കൊളച്ചേരി ഇലക്ട്രിക്കല്‍ സെക്ഷന്‍ പരിധിയില്‍ ഈനമംഗലം, കാരാട്ട്, ചേലേരി സ്‌കൂള്‍, ചേലേരി അമ്പലം, എടക്കേത്തോട്, കൊളച്ചേരി പറമ്പ്, കേളന്‍മുക്ക് ഭാഗങ്ങളില്‍ നാളെ(ഏപ്രില്‍ 26) രാവിലെ എട്ട് മുതല്‍ വൈകീട്ട് അഞ്ച് മണി വരെ വൈദ്യുതി മുടങ്ങും.

ആരോഗ്യ വകുപ്പിന്റെ നേതൃത്വത്തില്‍ ലോക മലമ്പനി ദിനാചരണത്തിന്റെ  ജില്ലാതല ഉദ്ഘാടനവും ബോധവല്‍ക്കരണ സെമിനാറും സംഘടിപ്പിച്ചു.  കണ്ണൂര്‍ ജില്ലാ ആസൂത്രണ സമിതി മിനി കോണ്‍ഫറന്‍സ് ഹാളില്‍ നടന്ന പരിപാടി ഡെപ്യൂട്ടി ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. എം. കെ. ഷാജ് ഉദ്ഘാടനം ചെയ്തു. ജില്ലാ ആര്‍ സി. എച്ച് ഓഫീസര്‍ ഡോ.പി എം ജ്യോതി അദ്ധ്യക്ഷത വഹിച്ചു. 

ലോക രോഗപ്രതിരോധ വാരാചരണം ഏപ്രിൽ 30ന് സമാപിക്കും.  ലോകാരോഗ്യ സംഘടനയുടെ ആഹ്വാനമനുസരിച്ചാണ് വാരാചരണം.  'വാക്‌സിനുകൾ ഫലപ്രദം, നമ്മൾ സുരക്ഷിതരാണ്' എന്നതാണ് ഈ വർഷത്തെ സന്ദേശം.

വാക്‌സിനുകളെക്കുറിച്ചുള്ള അവബോധം ഉയർത്തുക, ആഗോള വ്യാപകമായും പ്രാദേശികമായും കുട്ടികളുടെ ആരോഗ്യത്തിൽ വാക്‌സിനുകൾ വഹിക്കുന്ന പങ്കിനെക്കുറിച്ച് വിദ്യാഭ്യാസം നൽകുക, രോഗ പ്രതിരോധ രംഗത്തുള്ള പുരോഗതിക്ക് പ്രാമുഖ്യം നൽകുക, ആരോഗ്യ സംരക്ഷണത്തിന് യഥാസമയത്തുള്ള രോഗപ്രതിരോധമാണ് ശക്തമായ അടിത്തറയെന്ന് ബോധവൽക്കരണം നൽകുക എന്നിവയാണ് ഉദ്ദേശലക്ഷ്യങ്ങൾ.

പി.എൻ.എക്സ്. 1169/19