ആലപ്പുഴ ഇൻഡസ്ട്രിയൽ ട്രൈബ്യുണൽ & ഇ.ഐ കോർട്ട് ജഡ്ജ് എം.ബി.പ്രജിത്ത് മെയ് 2,3,9,10,16,17,23,24,30,31 തീയതികളിൽ എറണാകുളം ലേബർ കോടതിയിലും, 14ന് മൂവാറ്റുപുഴ കച്ചേരിത്താഴം കോർട്ട് കോപ്ലെക്‌സിലുളള ഓൾഡ് ഫാമിലി കോർട്ട് ഹാളിലും, 28ന് പത്തനംതിട്ട ജില്ലാ മീഡിയേഷൻ സെന്ററിലും, മറ്റ് പ്രവൃത്തി ദിവസങ്ങളിൽ ആസ്ഥാനത്തും തൊഴിൽ തർക്ക, എംപ്ലോയീസ് ഇൻഷുറൻസ്, എംപ്ലോയീസ് കോമ്പൻസേഷൻ കേസുകൾ വിചാരണ ചെയ്യും.

പി.എൻ.എക്സ്. 1180/19

നോര്‍ക്ക റൂട്ട്‌സിന്റെ തിരുവനന്തപുരം സര്‍ട്ടിഫിക്കറ്റ് ആതെന്റിക്കേഷന്‍ സെന്ററില്‍ മെയ് ആറ്, ഏഴ് തീയതികളില്‍ സര്‍ട്ടിഫിക്കറ്റ് സാക്ഷ്യപ്പെടുത്തല്‍ ഉണ്ടായിരിക്കുന്നതല്ലെന്ന് സെന്റര്‍ മാനേജര്‍ അറിയിച്ചു.

       പ്രൈമറി അധ്യാപകര്‍ക്ക്  അവധിക്കാല പരിശീലനത്തിനു മുന്നോടിയായുള്ള ശില്പശാല ആരംഭിച്ചു. ഇരവിപേരൂര്‍ സെന്റ് ജോണ്‍സ് ഹയര്‍ സെക്കന്‍ഡറി സ്‌കൂളില്‍ ആരംഭിച്ച യു.പിതല ശില്പശാല വിദ്യാഭ്യാസ ഉപഡയറക്ടര്‍ പി.എ ശാന്തമ്മ ഉദ്ഘാടനം ചെയ്തു. സമഗ്രശിക്ഷ കേരളയുടെ ജില്ലാ പ്രോജക്ട് ഓഫീസര്‍ ഡോ.ആര്‍. വിജയമോഹനന്‍ അധ്യക്ഷത വഹിച്ചു. എല്‍.പിതല റിസോഴ്‌സ് ഗ്രൂപ്പ് ശില്പശാല അടൂര്‍ ബി.ആര്‍.സിയില്‍ ആരംഭിച്ചു. 

ഇന്ന് 102-ാം ജന്മദിനം ആഘോഷിക്കുന്ന ഡോ. ഫിലിപ്പോസ് മാര്‍ ക്രിസോസ്റ്റം വലിയ തിരുമേനിക്ക് മുഖ്യമന്ത്രി പിണറായി വിജയന്‍ ഫോണിലൂടെ പിറന്നാള്‍ ആശംസകള്‍ നേര്‍ന്നു. ഇനിയും ജന്മദിനങ്ങള്‍ ആഘോഷിക്കാന്‍ വലിയ തിരുമേനിക്ക് അവസരം ഉണ്ടാകട്ടേയെന്ന് മുഖ്യമന്ത്രി ആശംസിച്ചു. പിറന്നാള്‍ ആശംസകള്‍ക്ക് വലിയ തിരുമേനി നന്ദി അറിയിച്ചു. 

       പ്രൈമറി അധ്യാപകര്‍ക്കു വേണ്ടിയുള്ള അവധിക്കാല പരിശീലനത്തിനു മുന്നോടിയായുള്ള ശില്പശാല ആരംഭിച്ചു. ഇരവിപേരൂര്‍ സെന്റ്‌ജോണ്‍സ് ഹയര്‍സെക്കന്ററി സ്‌കൂളില്‍ ആരംഭിച്ച യു.പിതല ശില്പശാല വിദ്യാഭ്യാസ ഉപഡയറക്ടര്‍ പി.എ ശാന്തമ്മ ഉദ്ഘാടനം ചെയ്തു. സമഗ്രശിക്ഷ കേരളയുടെ ജില്ലാ പ്രോജക്ട് ഓഫീസര്‍ ഡോ.ആര്‍. വിജയമോഹനന്‍ അധ്യക്ഷത വഹിച്ചു. എല്‍.പി തല റിസോഴ്‌സ് ഗ്രൂപ്പ് ശില്പശാല അടൂര്‍ ബി.ആര്‍.സിയില്‍ ആരംഭിച്ചു. 

ബംഗാള്‍ ഉള്‍ക്കടലില്‍ തെക്ക് കിഴക്കന്‍ ശ്രീലങ്കയോട് ചേര്‍ന്നുള്ള സമുദ്ര ഭാഗത്ത് ഏപ്രില്‍ ഇന്ന് (27) ന്യൂനമര്‍ദം രൂപപ്പെടാനും അടുത്ത 36 മണിക്കൂറില്‍ തീവ്ര ന്യൂനമര്‍ദമായി പരിണമിക്കാനുമുള്ള സാധ്യത കേന്ദ്ര കാലാവസ്ഥാ നിരീക്ഷണ കേന്ദ്രം പ്രവചിച്ചു. ചുഴലിക്കാറ്റായി മാറാന്‍ സാധ്യതയുള്ള ന്യൂനമര്‍ദം തമിഴ്‌നാട് തീരത്ത് നാശം വിതയ്ക്കാനുള്ള സാധ്യതയുണ്ട്. ഏപ്രില്‍ 30ന്  തമിഴ്‌നാട് തീരത്ത് പതിക്കുന്നതിനും കേരളത്തിലും കര്‍ണാടക തീരത്തും ശക്തമായ മഴ പെയ്യുന്നതിനും സാധ്യതയുണ്ട്.