സംക്ഷിപ്ത വോട്ടര്‍ പട്ടിക പുതുക്കലുമായി ബന്ധപ്പെട്ട് സ്വീപ്പ് ജില്ലാ കോര്‍ കമ്മിറ്റി യോഗം ഈ മാസം 24ന് രാവിലെ 10.30ന് ജില്ലാ കളക്ടറുടെ അധ്യക്ഷതയില്‍ കളക്ടറുടെ ചേംബറില്‍ ചേരും.                  (പിഎന്‍പി 2985/18)

പ്രളയക്കെടുതിയില്‍പ്പെട്ടവരെ സഹായിക്കുന്നതിന് മുഖ്യമന്ത്രിയുടെ ദുരിതാശ്വാസ നിധിയിലേക്ക് കലഞ്ഞൂര്‍ പഞ്ചായത്തില്‍ നിന്നും ശേഖരിച്ചത് 4.26 ലക്ഷം രൂപ. ധനശേഖരണത്തിന് മുന്നോടിയായി എല്ലാ വാര്‍ഡുകളിലും പ്രതേ്യകം ഗ്രാമസഭാ യോഗങ്ങള്‍ ചേര്‍ന്നിരുന്നു. വന്‍ ജനപങ്കാളിത്തത്തോടെയാണ് വീടുവീടാന്തരമുള്ള ധനസമാഹരണം നടത്തിയത്. 

                (പിഎന്‍പി 2983/18)

പത്തനംതിട്ട എക്‌സൈസ് ഡിവിഷനിലെ കോന്നി, പത്തനംതിട്ട, തിരുവല്ല, അടൂര്‍, മല്ലപ്പള്ളി റേഞ്ചുകളിലെ 2018-19 കാലയളവില്‍ വില്‍പ്പന പോകാത്തതും ലൈസന്‍സ് റദ്ദ് ചെയ്യപ്പെട്ടതുമായ 50 കള്ളുഷാപ്പുകളുടെ പുനര്‍വില്‍പ്പന ഈ മാസം 27ന് ഉച്ചയ്ക്ക് ശേഷം മൂന്നിന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. ഫോണ്‍: 0468 2222873. 

        (പിഎന്‍പി 2982/18)

ജില്ലാ ആസൂത്രണ സമിതിയോഗം ഈ മാസം 28ന് ഉച്ചയ്ക്ക് ശേഷം മൂന്നിന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ ചേരും.          (പിഎന്‍പി 2981/18) 

പ്രളയദുരിതബാധിത മേഖലകളില്‍ ലോട്ടറി വില്‍പ്പന നടത്തിയ ഭാഗ്യക്കുറി ക്ഷേമനിധി അംഗങ്ങള്‍ക്ക് കെഎന്‍-226, എന്‍ആര്‍-82, കെആര്‍-359, ആര്‍എന്‍-353, ഡബ്ല്യു-474, എസ്എസ്-120, എകെ-358 എന്നീ ടിക്കറ്റുകള്‍ പ്രളയം മൂലം വില്‍ക്കാന്‍ സാധിക്കാത്തവിധം കേടുപാട് സംഭവിച്ചിട്ടുണ്ടെങ്കില്‍ അതിന്റെ വിശദാംശങ്ങള്‍ ഒക്‌ടോബര്‍ മൂന്നിനകം ജില്ലാ ഭാഗ്യക്കുറി ക്ഷേമനിധി ഓഫീസില്‍ അറിയിക്കണം.          (പിഎന്‍പി 2979/18)

പ്രളയക്കെടുതിയോടനുബന്ധിച്ച് ജില്ലയിലെ ദുരിതാശ്വാസ ക്യാമ്പുകളില്‍ ഇനിയുള്ളത് 114 പേര്‍. തിരുവല്ല താലൂക്കിലെ ഒരു ക്യാമ്പില്‍ 17 കുടുംബങ്ങളില്‍പ്പെട്ട 44 പേരും കോഴഞ്ചേരി താലൂക്കിലെ ഒരു ക്യാമ്പില്‍ 27 കുടുംബങ്ങളിലെ 70 പേരുമാണ് കഴിയുന്നത്. 

        (പിഎന്‍പി 2978/18) 

മെഴുവേലി ഗവണ്‍മെന്റ് വനിതാ ഐടിഐയില്‍ ഫാഷന്‍ ഡിസൈന്‍ ടെക്‌നോളജി കോഴ്‌സിലേക്ക് ഈ മാസം 24ന് സ്‌പോട്ട് അഡ്മിഷന്‍ നടത്തും. എസ്എസ്എല്‍സി പാസായ വനിതകള്‍ക്ക് പങ്കെടുക്കാം. പ്രായപരിധിയില്ല. താത്പര്യമുള്ളവര്‍ രാവിലെ 10ന് ഹാജരാകണം. ഫോണ്‍: 0468 2259952.                    (പിഎന്‍പി 2977/18)