ജില്ലയില്‍ സ്ഥിര താമസക്കാരായ പെന്‍ഷനും മറ്റ് ആനുകൂല്യങ്ങള്‍ ലഭിക്കാത്ത സാമ്പത്തിക ബുദ്ധിമുട്ട് ഉള്ളവരുമായ വിമുക്തഭടന്‍മാര്‍ക്കും അവരുടെ വിധവകള്‍ക്കും പ്രായം, വരുമാന പരിധി, സേവനകാലം എന്നിവയ്ക്ക് വിധേയമായി 2018ലെ സൈനിക ബോര്‍ഡ് മീറ്റിംഗിനോടനുബന്ധിച്ച് സാമ്പത്തിക സഹായം അനുവദിക്കുന്നതിലേക്ക് അപേക്ഷ ക്ഷണിച്ചു. അപേക്ഷ വരുമാന സര്‍ട്ടിഫിക്കറ്റ്, വിമുക്തഭട തിരിച്ചറിയല്‍ കാര്‍ഡ് , ഡിസ്ചാര്‍ജ്ജ്ബുക്ക് എന്നിവയുടെ പകര്‍പ്പ് സഹിതം ഒക്ടോബര്‍ 10 നകം ജില്ലാ സൈനിക ക്ഷേമ ഓഫീസില്‍ സമര്‍പ്പിക്കണം. ഫോണ്‍ 04862 222904.

ചെങ്ങന്നൂര്‍ സെന്‍ട്രല്‍ ഹാച്ചറിയില്‍ മുട്ടക്കോഴി വളര്‍ത്തലില്‍ ഒക്ടോബര്‍ എട്ട് മുതല്‍ 10 വരെയും കാട വളര്‍ത്തലില്‍ 11നും ഇറച്ചിക്കോഴി വളര്‍ത്തലില്‍ 15 മുതല്‍ 17 വരെയും പശു വളര്‍ത്തലില്‍ 22 മുതല്‍ 24 വരെയും പരിശീലനം നല്‍കും. താല്‍പര്യമുള്ള കര്‍ഷകര്‍ സെന്‍്ടല്‍ ഹാച്ചറി പരിശീലന വിഭാഗവുമായി ബന്ധപ്പെട്ട് മുന്‍കൂട്ടി പേര് രജിസ്റ്റര്‍ ചെയ്ത് നമ്പര്‍ വാങ്ങണം. പരിശീലനം സൗജന്യമാണ്. കൂടുതല്‍ വിവരങ്ങള്‍ക്ക് ഫോണ്‍ 0479 2457778.

റീജിയണല്‍ ട്രാന്‍സ്‌പോര്‍ട്ട് അതോറിറ്റി യോഗം ഒക്ടോബര്‍ നാലിന് 11 മണിക്ക് കലക്ട്രേറ്റ് കോണ്‍ഫറന്‍സ് ഹാളില്‍ ചേരുമെന്ന് സെക്രട്ടറി അറിയിച്ചു.

പ്രളയത്തിലും പ്രക്യതി ദുരന്തങ്ങളിലും കേരളത്തിന്‌ കൈത്താങ്ങായി സഹായിച്ച ലോകത്തിനു നന്ദി അിറയിക്കുന്നതിന്‌ ഇടുക്കി ജില്ലാ ഭരണകൂടത്തിന്റെ ആഭിമുഖത്തില്‍ സെപ്‌തംബര്‍ 29 ന്‌ തൊടുപുഴയില്‍ സംഘടിപ്പിക്കുന്ന ബിഗ്‌ സല്യൂട്ട്‌ പരിപാടിയുടെ വിജയിത്തിനായി വിപുലമായ സംഘാടക സമിതിയായി. 

.

ബ്ലോക്ക തലത്തില്‍ നടന്ന ധനസമാഹരണ പരിപാടിയിലാണ് പള്ളിവാസല്‍ പഞ്ചായത്തിലെ എട്ടാംവാര്‍ഡില്‍ പരേതനായ പള്ളിക്കുഴിയില്‍ പരമേശ്വരന്‍ നായരുടെ അഞ്ചു മക്കള്‍ ചേര്‍ന്ന് വീടു നിര്‍മ്മിക്കാനായി സ്ഥലം വിട്ടു നല്‍കുന്നതിനുള്ള രേഖകള്‍ മന്ത്രി എം എം മണിക്ക് കൈമാറിയത്. സുധാകരന്‍, ഗോപാലകൃഷ്ണന്‍,ചന്ദ്രന്‍,ശിവന്‍, അനില്‍കുമാര്‍ എന്നിവരാണ് രേഖകള്‍ കൈമാറിയത്. ഒരാള്‍ക്ക് നാലുസെന്റ് എന്ന കണക്കില്‍ അഞ്ചുപേര്‍ക്കായി 20 സെന്റ് സ്ഥലമാണ് നല്‍കിയത്. കുടുംബവിഹിതത്തിലുള്ള പള്ളിവാസല്‍ ആഡിറ്റിലെ സ്ഥലമാണ് ഇവര്‍ സര്‍ക്കാരിനു നല്‍കിയത്.