കേരള അഗ്രോ ഇന്‍ഡസ്ട്രീസ് കോര്‍പ്പറേഷന്റെ തൃശൂര്‍ അരിമ്പൂരിലുള്ള പരിശീലന കേന്ദ്രത്തില്‍ ട്രാക്ടര്‍ ഡ്രൈവിംഗ് പരിശീലനത്തിന് അപേക്ഷിക്കാം. എട്ടാം ക്ലാസ് പാസായവരും 18ന് മുകളില്‍ പ്രായമുള്ളവരുമായിരിക്കണം അപേക്ഷകര്‍. കോഴ്‌സ് ഫീസ് 6050 രൂപ. ഈ മാസം 30നകം നേരിട്ട് അപേക്ഷ നല്‍കണം. ഫോണ്‍: 0487 2310983.
                                           (പിഎന്‍പി 3125/18) 

കുവൈറ്റ് എംമ്പസി അറ്റസ്റ്റേഷന്‍ സേവനങ്ങള്‍ക്ക് പുറമെ പുതുതായി കുവൈറ്റിലേക്കുളള വിസാസ്റ്റാമ്പിങ് (സന്ദര്‍ശക വിസ ഒഴികെ) സൗകര്യം നോര്‍ക്ക റൂട്ട്‌സിന്റെ റീജിയണില്‍ ഓഫീസുകളില്‍ ആരംഭിച്ചു.

തിരുവനന്തപുരം, എറണാകുളം, കോഴിക്കോട്  റീജിയണല്‍ ഓഫീസുകളില്‍ തിങ്കള്‍ മുതല്‍ വ്യാഴം വരെയുളള ദിവസങ്ങളില്‍  സേവനം ലഭ്യമാകും.

അറ്റസ്റ്റേഷന്‍, വിസ സ്റ്റാമ്പിങ് ജോലികള്‍ക്ക് പുറമെ കുവൈറ്റിലെ ഗാര്‍ഹിക മേഖലയില്‍ ലഭ്യമായ തൊഴിലവസരങ്ങളിലേക്ക് താല്പര്യമുള്ള വനിതാ ഉദ്യോഗാര്‍ത്ഥികള്‍ക്ക് സുരക്ഷിതവും നിയമപരവുമായ ജോലി നേടുന്നതിനുളള അവസരം നോര്‍ക്ക റൂട്ട്‌സില്‍ ലഭ്യമാണ്.

നവകേരള നിര്‍മിതിക്ക് കൈത്താങ്ങായി പറക്കോട് ബ്ലോക്ക് പഞ്ചായത്തും. സര്‍ക്കാര്‍ ബ്ലോക്ക് പ്രവര്‍ത്തനങ്ങള്‍ക്കായി അനുവദിച്ച 60000 രൂപയും തനത് ഫണ്ടില്‍ നിന്നും 40000 രൂപയും ചേര്‍ത്ത് ഒരു ലക്ഷം രൂപ ബ്ലോക്ക് പഞ്ചായത്ത് പ്രസിഡന്റ് ബീനാ പ്രഭ ജില്ലാ കളക്ടര്‍ പി.ബി നൂഹിന് കൈമാറി. ബ്ലോക്ക് ഡവലപ്‌മെന്റ് ഓഫീസര്‍ ശ്രീലക്ഷ്മി സന്നിഹിതയായിരുന്നു.                                             (പിഎന്‍പി 3124/18)
 

കേരള സംസ്ഥാന ഫാര്‍മസി കൗണ്‍സില്‍ ഇലക്ഷന്‍  ഡിസംബര്‍ ഒമ്പതിന് നടക്കും. നാമ നിര്‍ദ്ദേശ പട്ടിക ഒക്‌ടോബര്‍ ഒന്നു മുതല്‍ അഞ്ചു വരെ നല്‍കാം. നാമ നിര്‍ദ്ദേശ പട്ടികയുടെ സൂക്ഷ്മ പരിശോധന ആറിന് ഉച്ചക്ക് 12 മണി വരെ നടക്കും. നാമ നിര്‍ദ്ദേശ പട്ടിക എട്ടിന് ഉച്ചക്ക് 12 മണി വരെ പിന്‍വലിക്കാം. അന്തിമ സ്ഥാനാര്‍ത്ഥി പട്ടിക എട്ടിന് വൈകിട്ട് 5 ന് പ്രസിദ്ധീകരിക്കും. വോട്ടെടുപ്പ് ഡിസംബര്‍ ഒമ്പതിന് രാവിലെ 8 മണി മുതല്‍ വൈകുന്നേരം 4 മണി വരെ നടക്കും.   

പി.എന്‍.എക്‌സ്.4268/18

    കഴിഞ്ഞ മെയ് മാസത്തില്‍ എം.ജി യൂണിവേഴ്‌സിറ്റി നടത്തിയ എം.എസ്.സി ഫുഡ് ടെക്‌നോളജി പരീക്ഷാഫലം പ്രസിദ്ധീകരിച്ചു. കോന്നി ഫുഡ് ടെക്‌നോളജി കോളജിലെ ജ്യോതി രാജ് ഒന്നാം റാങ്കും പാര്‍വതി പ്രേംരാജ് രണ്ടാം റാങ്കും നേടിയപ്പോള്‍ മൂന്നാം റാങ്ക് ദേവികാ ലാലും ആഷ്‌ന ഷാജഹാനും പങ്കിട്ടു. ഇതേ കോളജിലെ ജിസ്മി ജോണ്‍സണ്‍ നാലാം റാങ്ക് കരസ്ഥമാക്കി. ഇവിടെ നിന്നും പരീക്ഷയെഴുതിയ എല്ലാ വിദ്യാര്‍ഥികളും പാസായി. റാങ്ക് ജേതാക്കളെ സിഎഫ്ആര്‍ഡി ചീഫ് എക്‌സിക്യൂട്ടീവ് ഓഫീസര്‍ എം.എസ്.ജയ അനുമോദിച്ചു.                                          (പിഎന്‍പി 3122/18)

സംസ്ഥാനത്ത് സ്റ്റേജ് കാര്യേജുകളായി സര്‍വീസ് നടത്തുന്ന ബസ്സുകള്‍ പെര്‍മിറ്റ് പ്രകാരം ഉപയോഗിക്കാവുന്ന കാലാവധി 20 വര്‍ഷമായി ദീര്‍ഘിപ്പിക്കാന്‍ ഗതാഗതവകുപ്പുമന്ത്രി എ.കെ. ശശീന്ദ്രന്‍ ഉത്തരവിട്ടു. നിലവില്‍ സംസ്ഥാനത്തെ സ്റ്റേജ് കാര്യേജുകള്‍ക്ക് പെര്‍മിറ്റ് പ്രകാരം 15 വര്‍ഷമാണ് കാലാവധി. ഇതിനെതിരെ കേരളത്തിലെ ബസ്സുടമ സംഘടനകള്‍ ഗതാഗതവകുപ്പുമന്ത്രിക്ക് നിവേദനം നല്‍കിയിരുന്നു. 

സെക്രട്ടേറിയറ്റിലെ പൊതുഭരണം, നിയമം, ധനകാര്യം ഉള്‍പ്പെടെയുള്ള വകുപ്പുകളിലെ ശമ്പളബില്ലുകള്‍ ഒക്‌ടോബര്‍ മുതല്‍ ജീവനക്കാരുടെ പഞ്ചിംഗ് റിപ്പോര്‍ട്ടിന്റെ (ബയോമെട്രിക് അറ്റന്‍ഡന്‍സ് മാനേജ്‌മെന്റ് സിസ്റ്റം) അടിസ്ഥാനത്തില്‍ തയാറാക്കും.