ജില്ലയില്‍ സ്റ്റേഷനറി ഉപയോഗിക്കുന്ന എല്ലാ സര്‍ക്കാര്‍ ഓഫീസുകളും സ്റ്റേഷനറി സാധനങ്ങളുടെ ഒരു വര്‍ഷത്തെ ആവശ്യകത ഒക്‌ടോബര്‍ അഞ്ചിന് മുമ്പ് വെബ്‌സൈറ്റില്‍ രേഖപ്പെടുത്തണമെന്ന് ജില്ലാ സ്റ്റേഷനറി ഓഫീസര്‍ അറിയിച്ചു. http://emist.keltron.in എന്ന  വിലാസത്തില്‍ ലോഗിന്‍ ചെയ്ത് TERMS സോഫ്റ്റ് വെയറില്‍ രജിസ്റ്റര്‍ ചെയ്തിട്ടുള്ള ഓഫീസുകള്‍ ജില്ലാ സ്റ്റേഷനറി ഓഫീസര്‍ അംഗീകരിച്ചിട്ടുള്ള പ്രൊഫൈലുകളില്‍ task centre എന്ന ലിങ്കുവഴിയാണ് സ്റ്റേഷനറി ആവശ്യകത രേഖപ്പെടുത്തേണ്ടത്.
                                                      (പിഎന്‍പി 3063/18) 

പ്രളയത്തിന്റെ പശ്ചാത്തലത്തില്‍ വായ്പകള്‍ നല്‍കുന്ന കാര്യത്തില്‍ ബാങ്കുകള്‍ കൂടുതല്‍ ഉദാരമായ സമീപനം സ്വീകരിക്കണമെന്ന് ആന്റോ ആന്റണി എംപി പറഞ്ഞു. കുമ്പഴ ഹോട്ടല്‍ ഹില്‍പാര്‍ക്കില്‍ ചേര്‍ന്ന ജില്ലാ ബാങ്കിംഗ് അവലോകന സമിതിയോഗം ഉദ്ഘാടനം ചെയ്യുകയായിരുന്നു എംപി. വ്യാപാരികള്‍ ഉള്‍പ്പെടെയുള്ളവര്‍ക്ക് ജീവനോപാധികള്‍ തിരിച്ചുപിടിക്കുന്നതിന് ബാങ്കുകളുടെ സഹായം അനിവാര്യമാണെന്നും എംപി പറഞ്ഞു.

    എസ്എല്‍ഐ പദ്ധതിയില്‍ അംഗമാകുന്നതിന് 2017 സെപ്തംബര്‍ 30 വരെ ജില്ലാ ഇന്‍ഷ്വറന്‍സ് ഓഫീസില്‍ അപേക്ഷ നല്‍കിയവരുടെ പാസ്ബുക്കും പോളിസി സര്‍ട്ടിഫിക്കറ്റും തയാറായിട്ടുണ്ട്. ഗ്രൂപ്പ് ഇന്‍ഷുറന്‍സ് പദ്ധതിയില്‍ 120031801550 വരെ അക്കൗണ്ട് നമ്പര്‍ ലഭിച്ചിട്ടുള്ളവരുടെ പാസ്ബുക്കും തയാറായി. ഇതുവരെയും പാസ്ബുക്ക് കൈപ്പറ്റാത്ത ജീവനക്കാര്‍ ജില്ലാ ഇന്‍ഷുറന്‍സ് ഓഫീസില്‍ നേരിട്ടെത്തി  പാസ്ബുക്ക് കൈപ്പറ്റണം. ഫോണ്‍: 0468 2270857.                                       (പിഎന്‍പി 3060/18

    പൊതുമരാമത്ത് വകുപ്പിന്റെ തിരുവല്ല നിരത്ത് ഉപവിഭാഗത്തിലെ ആവശ്യത്തിനായി വാഹനം ഡ്രൈവര്‍ സഹിതം വാടകയ്ക്ക് ആവശ്യമുണ്ട്. ഒക്‌ടോബര്‍ നാല് വരെ ടെന്‍ഡര്‍ സ്വീകരിക്കും. ഫോണ്‍: 0469 2633454.                              (പിഎന്‍പി 3059/18)

   ഭാരതീയ ചികിത്സാ വകുപ്പ് തിരുവനന്തപുരം ജില്ലയില്‍ നഴ്‌സ് ഗ്രേഡ്-2 (ആയുര്‍വേദം) തസ്തികയില്‍ ഉണ്ടാകാനിടയുളള അവധി ഒഴിവുകളിലേയ്ക്ക് ദിവസവേതനാടിസ്ഥാനത്തില്‍ താത്ക്കാലിക നിയമനം നടത്തുന്നതിന് ഗവ. അംഗീകൃത ആയുര്‍വേദ നഴ്‌സസ് ട്രയിനിംഗ് കോഴ്‌സ് (ആയുര്‍വേദം) പാസായവരെ തിരഞ്ഞെടുക്കുന്നു. ഒക്‌ടോബര്‍ അഞ്ചിന് രാവിലെ 10നും രണ്ടിനുമിടക്ക് തിരുവനന്തപുരം ഗവ. ആയുര്‍വേദ കോളേജിന് സമീപത്തെ ആരോഗ്യഭവന്‍ ബില്‍ഡിംഗിലെ ജില്ലാ മെഡിക്കല്‍ ഓഫീസര്‍ (ഭാരതീയ ചികിത്സാ വകുപ്പ്) മുമ്പാകെ  അസ്സല്‍ സര്‍ട്ടിഫിക്കറ്റുകളുമായി ഇന്റര്‍വ്യൂവിനെത്തണം. കൂടുതല്‍ വിവരങ്ങള്‍ക്ക് 0471-2320988 

  പി.എന്‍.എക്‌സ്.4230/18