സേവനത്തിലിരിക്കെ അംഗവൈകല്യം സംഭവിച്ച പട്ടാളക്കാരുടെ ക്ഷേമ താല്‍പര്യാര്‍ത്ഥം പൂനെയില്‍ ഡിസംബറില്‍ നടക്കുന്ന വികലാംഗ സൈനികരുടെ മേളയില്‍ പങ്കെടുക്കാനവസരം. താല്‍പര്യമുള്ളവര്‍ സെപ്റ്റംബര്‍ 29 ന് വൈകുന്നേരം അഞ്ച് മണിക്ക് മുമ്പായി ജില്ലാ സൈനിക ക്ഷേമ ഓഫീസില്‍ പേര് രജിസ്റ്റര്‍ ചെയ്യേണ്ടതാണ്. പൂനെയിലേക്ക് പോകുന്നവര്‍ക്ക്  സഹായിയായി ഒരാളെ കൂടെ കൊണ്ടുപോകാവുന്നതാണെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍: 0497 2700069.

     ഭൂജല വകുപ്പിന്റെ റിഗ്ഗ് ഉപയോഗിച്ച് കുഴല്‍ കിണറുകള്‍ ഫ്‌ളഷ് ചെയ്ത് കൊടുക്കും.  5,515 രൂപയാണ്  ഫ്‌ളഷ് ചെയ്യുന്നതിനുള്ള ചെലവ്.  കുഴല്‍ കിണറിന്റെ കാര്യക്ഷമതയും വെത്തിന്റെ ഗുണനിലവാരവും വര്‍ധിപ്പിക്കുന്നതിനാണ് ഫ്‌ളഷ് ചെയ്യുന്നത്.  പത്ത് വര്‍ഷത്തിലൊരിക്കലാണ് ഇത് ചെയ്യുന്നത്.  വിശദ വിവരങ്ങള്‍ ഭൂജല വകുപ്പിന്റെ ജില്ലാ ഓഫീസില്‍ ലഭിക്കും.  ഫോണ്‍: 0497 2709892, 9495722284.

     പയ്യന്നൂര്‍ മണ്ഡലത്തില്‍ ഫിഷറീസ് വകുപ്പില്‍ നിന്നും 46 ലക്ഷം രൂപയുടെ റോഡ് പ്രവൃത്തിക്ക് ഭരണാനുമതിയായതായി സി. കൃഷ്ണന്‍ എം എല്‍ എ അറിയിച്ചു. രാമന്തളി ഗ്രാമപഞ്ചായത്തിലെ പരുത്തിക്കാട് - കരിങ്കോലി - ഭഗവതി ക്ഷേത്രം റോഡിന്റെ നിലവാരം ഉയര്‍ത്തുന്നതിനാണ് ഫണ്ട് അനുവദിച്ചിട്ടുള്ളത്. സാങ്കേതിക നടപടികള്‍ പൂര്‍ത്തീകരിച്ച് റോഡ് പ്രവൃത്തി എത്രയും പെട്ടെന്ന് നടത്തണമെന്ന് എം എല്‍ എ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശം നല്‍കി.

    കല്ല്യാശ്ശേരി ബ്ലോക്ക് പഞ്ചായത്ത് പരിധിയിലെ ചെറുതാഴം, ഏഴോം, മാട്ടൂല്‍, മാടായി ഗ്രാമപഞ്ചായത്തുകളിലെ അങ്കണവാടികളില്‍ തീം അനുസരിച്ച് കഥാചിത്രം ക്ലാസ്‌റൂമുകളുടെ ചുമരില്‍ വരയ്ക്കുന്നതിന് ചതുരശ്ര അടി നിരക്കില്‍  ദര്‍ഘാസ് ക്ഷണിച്ചു.    ഒക്‌ടോബര്‍ നാലിന് ഉച്ചക്ക് രണ്ട് മണി വരെ ദര്‍ഘാസുകള്‍ സ്വീകരിക്കും.  

     കണ്ണൂര്‍ ഗവ.എഞ്ചിനീയറിങ്ങ് കോളേജിലെ ഇലക്ട്രിക്കല്‍ & ഇലക്‌ട്രോണിക്‌സ് എഞ്ചിനീയറിങ്ങ് ലാബില്‍ ഉപഭോക്ത സാധനങ്ങള്‍ വിതരണം ചെയ്യുന്നതിനും മെക്കാനിക്കല്‍ എഞ്ചിനീയറിങ്ങ് ലാബില്‍ ഫാബ്രിക്കേഷന്‍ ജോലി ചെയ്യുന്നതിനും ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ ഒക്‌ടോബര്‍ മൂന്നിന് രാവിലെ 10 മണി വരെ സ്വീകരിക്കും.  ഫോണ്‍: 0497 2780226.

     ജില്ലയിലെ വിദ്യാഭ്യാസ ഗവേഷണ പ്രവര്‍ത്തനങ്ങള്‍ക്ക് നേതൃത്വം വഹിക്കുന്ന സ്ഥാപനമായ ജില്ലാ വിദ്യാഭ്യാസ പരിശീലന കേന്ദ്രത്തിന്റെ(ഡയറ്റ്) പാലയാട് കേമ്പസില്‍ ചെടികളും ചെടിച്ചട്ടികളും സാമൂഹ്യദ്രോഹികള്‍ നശിപ്പിച്ചതായി അധികൃതര്‍ ധര്‍മ്മടം പൊലീസില്‍  പരാതി നല്‍കി.  ഇതിനു മുമ്പും ഇത്തരം സംഭവം ഉണ്ടായതായി ഡയറ്റ് അധികൃതര്‍ പറഞ്ഞു.

    ക്ഷീര വികസന വകുപ്പിന്റെയും പാറക്കടവ് ക്ഷീരോല്‍പാദക സഹകരണ സംഘത്തിന്റെയും സംയുക്താഭിമുഖ്യത്തില്‍ പാല്‍ ഗുണ നിലവാര ബോധവല്‍ക്കരണ പരിപാടി സംഘടിപ്പിക്കുന്നു. പാറക്കടവ് വയോജന കേന്ദ്രത്തില്‍ സെപ്റ്റംബര്‍ 25 ന് കല്ല്യാശ്ശേരി ഗ്രാമ പഞ്ചായത്ത് പ്രസിഡന്റ് ഇ പി ഓമന പരിപാടി ഉദ്ഘാടനം ചെയ്യും.  വിവിധ വിഷയങ്ങളിലുള്ള ക്ലാസുകളും പരിപാടിയുടെ ഭാഗമായി നടക്കും.

    മട്ടന്നൂര്‍ എംപ്ലോയ്മെന്റ് എക്സ്ചേഞ്ചിന്റെ ആഭിമുഖ്യത്തില്‍ സൗജന്യ മത്സര പരീക്ഷാ പരിശീലനം ആരംഭിച്ചു. 25 ദിവസം നീണ്ടുനില്‍ക്കുന്ന പരിപാടിയില്‍ പങ്കെടുക്കാന്‍ താല്‍പര്യമുള്ള ഉദ്യോഗാര്‍ത്ഥികള്‍ പ്രവൃത്തി ദിവസങ്ങളില്‍ രാവിലെ 10 ന് അസ്സല്‍ സര്‍ട്ടിഫിക്കറ്റുകള്‍ സഹിതം എത്തേണ്ടതാണ്. ഫോണ്‍: 0490 2474700

     കണ്ണൂര്‍ ഗവ.ഐ ടി ഐ യും ഐ എം സി യും ചേര്‍ന്ന് നടത്തുന്ന തൊഴിലധിഷ്ഠിത ഫയര്‍ & സേഫ്റ്റി ഡിപ്ലോമ കോഴ്‌സിന് അപേക്ഷ ക്ഷണിച്ചു.  ഒക്‌ടോബര്‍ മൂന്ന് വരെ അപേക്ഷകള്‍ സ്വീകരിക്കും.  ഫോണ്‍: 8921503040. 

    2017-18 വര്‍ഷത്തില്‍ മികച്ച പ്രവര്‍ത്തനം നടത്തിയ യൂത്ത് ക്ലബ്ബിന് നെഹ്റു യുവ കേന്ദ്ര ജില്ലാ-സംസ്ഥാന - ദേശീയ തലത്തില്‍ അവാര്‍ഡുകള്‍ നല്‍കുന്നു. ജില്ലാ തല അവാര്‍ഡിന് കണ്ണൂര്‍ നെഹ്റു യുവ കേന്ദ്രത്തില്‍ അഫിലിയേറ്റ് ചെയ്ത യൂത്ത് ക്ലബ്ബുകളില്‍ നിന്നും നിശ്ചിത ഫോറത്തില്‍ അപേക്ഷ ക്ഷണിച്ചു.