ഖാദി ഗ്രാമവ്യവസായ ബോര്‍ഡ് സംഘടിപ്പിച്ച ഓണം-ബക്രീദ് സ്വര്‍ണസമ്മാന പദ്ധതിയുടെ ജില്ലാതല സമ്മാനം 674608, 693360 എന്നീ കൂപ്പണുകള്‍ക്ക് ലഭിച്ചു. സമ്മാനാര്‍ഹര്‍ കൂപ്പണുമായി തിരുവനന്തപുരം ഖാദി ബോര്‍ഡ് ഓഫീസിലോ പത്തനംതിട്ട ജില്ലാ ഖാദി ഗ്രാമവ്യവസായ ഓഫീസിലോ ബന്ധപ്പെടണം. ഫോണ്‍: 0468 2362070. 

        (പിഎന്‍പി 4042/18)

പ്രളയദുരിതാശ്വാസ പ്രവര്‍ത്തനങ്ങളുടെ ഭാഗമായി വള്ളിക്കോട് ഗ്രാമപഞ്ചായത്തില്‍ ജനപ്രതിനിധികളുടെയും കുടുംബശ്രീ പ്രവര്‍ത്തകരുടെയും പഞ്ചായത്ത് ജീവനക്കാരുടെയും യുവജനങ്ങളുടെയും സഹകരണത്തോടെ മുഖ്യമന്ത്രിയുടെ ദുരിതാശ്വാസ നിധിയിലേക്ക് 454878 രൂപ സമാഹരിച്ചു. ഗ്രാമപഞ്ചായത്തിലെ 15 വാര്‍ഡുകളിലും ധനസമാഹരണം നടന്നതായി പ്രസിഡന്റ് ലിസിമോള്‍ ജോസഫ് അറിയിച്ചു. 

        (പിഎന്‍പി 4041/18)

സംസ്ഥാന മനുഷ്യാവകാശ കമ്മീഷന്‍ അംഗം കെ.മോഹന്‍കുമാര്‍ ഒക്‌ടോബര്‍ 26ന് പത്തനംതിട്ട ഗവണ്‍മെന്റ് ഗസ്റ്റ് ഹൗസില്‍ സിറ്റിംഗ് നടത്തും.               (പിഎന്‍പി 3039/18)

അടൂരുള്ള കെല്‍ട്രോണ്‍ നോളഡ്ജ് സെന്ററില്‍ ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍ (ആറ് മാസം), വേഡ് പ്രോസസിംഗ് ആന്‍ഡ് ഡാറ്റാ എന്‍ട്രി (മൂന്ന് മാസം), ഡിപ്ലോമ ഇന്‍ കംപ്യൂട്ടര്‍ ഹാര്‍ഡ്‌വെയര്‍ ആന്‍ഡ് നെറ്റ്‌വര്‍ക്ക് മെയിന്റനന്‍സ് വിത്ത് ലാപ്‌ടോപ്പ് ടെക്‌നോളജീസ് എന്നീ കോഴ്‌സുകളിലേക്ക് അപേക്ഷ ക്ഷണിച്ചു. ഈ മാസം 29 വരെ അപേക്ഷിക്കാം. ഫോണ്‍: 04734 229998, 9526229998.                          (പിഎന്‍പി 3038/18)

ജില്ലയിലെ അന്ത്യോദയ അന്നയോജന വിഭാഗം കാര്‍ഡുടമകള്‍ക്ക് ഈ മാസത്തില്‍ (സെപ്റ്റംബര്‍) ഒരു കി.ഗ്രാം പഞ്ചസാര 21 രൂപ നിരക്കിലും പൊതു വിഭാഗം (എന്‍.പി.എന്‍.എസ്), പൊതുവിഭാഗം സബ്സിഡി  എന്‍.പി(എസ്) കാര്‍ഡുടമകള്‍ക്ക് അഞ്ച് കി.ഗ്രാം അരി ഒരു രൂപ നിരക്കിലും വിതരണം ചെയ്യും. സെപ്റ്റംബര്‍ 30 നകം കാര്‍ഡുടമകള്‍ ആനുകൂല്യം കൈപ്പറ്റേണ്ടാതാണെന്ന് ജില്ലാ സപ്ലൈ ഓഫീസര്‍ അറിയിച്ചു.