കോളേജ് ഓഫ് എന്‍ജിനിയറിംഗ് തിരുവനന്തപുരം (സി.ഇ.റ്റി) ഒഴിവുള്ള ബി.ടെക്/എം.ടെക് സീറ്റുകളിലേക്ക് ഇന്ന് ( സെപ്റ്റംബര്‍ 15) നടത്താന്‍ നിശ്ചയിച്ചിരുന്ന സ്‌പോട്ട് അഡ്മിഷന്‍ സാങ്കേതിക വിദ്യാഭ്യാസ ഡയറക്ടറുടെ നിര്‍ദ്ദേശാനുസരണം 18 ലേക്കു മാറ്റി. അന്നു രാവിലെ ഒന്‍പതു മണി മുതല്‍ 11 വരെ മാത്രമായിരിക്കും രജിസ്‌ട്രേഷന്‍. മറ്റു കോളേജുകളില്‍ പ്രവേശനം നേടിയവര്‍ പ്രിന്‍സിപ്പാളിന്റെ എന്‍.ഒ.സി ഹാജരാക്കിയാല്‍ മാത്രമേ സ്‌പോട്ട് അഡ്മിഷന് പങ്കെടുക്കാന്‍ സാധിക്കൂ. വെബ്‌സൈറ്റ്: www.cet.ac.in

പി.എന്‍.എക്‌സ്.4071/18

കേരള അബ്കാരി തൊഴിലാളി ക്ഷേമനിധി പദ്ധതിയില്‍ അംഗങ്ങളായിട്ടുള്ള വിദേശമദ്യ, ബാര്‍ സ്ഥാപനങ്ങളിലെ തൊഴിലാളികളുടെ മക്കള്‍ക്ക് 2017-18 (നിലവില്‍ തുടര്‍ വിദ്യാഭ്യാസ കോഴ്‌സുകളില്‍ പഠിക്കുന്നവര്‍ക്ക്) അധ്യയന വര്‍ഷത്തേക്ക് സ്‌കോളര്‍ഷിപ്പ്, പ്രൊഫഷണല്‍ കോഴ്‌സുകളില്‍ പഠിക്കുന്ന വിദ്യാര്‍ത്ഥികള്‍ക്കുള്ള ലാപ്‌ടോപ്പ് എന്നിവ വിതരണം ചെയ്യുന്നതിന് അപേക്ഷകള്‍ സമര്‍പ്പിക്കുന്നതിനുള്ള അവസാന തീയതി 29 വൈകിട്ട് അഞ്ച് വരെ ദീര്‍ഘിപ്പിച്ചു. ഫോണ്‍ : തിരുവനന്തപുരം 0471-2460397, എറണാകുളം 0484-2368531, കോഴിക്കോട് 0495-2768094.

പി.എന്‍.എക്‌സ്.4070/18

തദ്ദേശസ്വയംഭരണ വകുപ്പ് എഞ്ചിനീയറിംഗ് വിഭാഗം ചീഫ് എഞ്ചിനീയറുടെ കാര്യാലയത്തില്‍ അമൃത് പദ്ധതിയുമായി ബന്ധപ്പെട്ട് ഒരു വര്‍ഷത്തേക്ക് കരാര്‍ അടിസ്ഥാനത്തില്‍ സിവില്‍ എഞ്ചിനീയര്‍( രണ്ട് ഒഴിവ്), കമ്പ്യൂട്ടര്‍ പ്രോഗ്രാമര്‍( ഒരു ഒഴിവ്), ഡാറ്റാ എന്‍ട്രി ഓപ്പറേറ്റര്‍ (ഒരു ഒഴിവ്)  തസ്തികകളില്‍ 17,18,19,24,25,26,27 തീയതികളില്‍ നടത്താന്‍ നിശ്ചയിച്ചിരുന്ന അഭിമുഖം ചില സാങ്കേതിക കാരണങ്ങളാല്‍ മാറ്റിവച്ചു. വിശദവിവരം പിന്നീട് അറിയിക്കും.

പി.എന്‍.എക്‌സ്.4068/18

പൂജപ്പുര എല്‍.ബി.എസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ഫോര്‍ വുമണ്‍ ഒന്നാം വര്‍ഷ ബി.ടെക് കോഴ്‌സുകളില്‍ ഒഴിവുള്ള സീറ്റുകളിലേക്ക് (സി.എസ്.ഇ, ഇ.സി.ഇ, സി.ഇ, എ.ഇ & ഐ, ഐ.ടി) സ്‌പോട്ട് അഡ്മിഷന്‍ 17ന് രാവിലെ 11ന് കോളേജില്‍ നടത്തും. എന്‍ട്രന്‍സ് പരീക്ഷ പാസായ എല്ലാ വിദ്യാര്‍ത്ഥികള്‍ക്കും വിദ്യാഭ്യാസ യോഗ്യതയുടെ അസല്‍ സര്‍ട്ടിഫിക്കറ്റ്, ടി.സി, ഫീസ് എന്നിവയുമായി സ്‌പോട്ട് അഡ്മിഷനില്‍ പങ്കെടുക്കാം. വെബ്‌സൈറ്റ്: www.lbsitw.ac.in ഫോണ്‍: 0471 2349232, 9447347193, 9447076711 എന്നീ ഫോണ്‍ നമ്പറിലോ ബന്ധപ്പെടണം.

പി.എന്‍.എക്‌സ്.4067/18

കേന്ദ്ര സര്‍ക്കാരിന്റെ ആരോഗ്യ കുടുംബക്ഷേമ വകുപ്പ് മന്ത്രാലയം ഡ്രഗ്‌സ് ടെക്‌നിക്കല്‍ അഡ്‌വൈസറി ബോര്‍ഡിന്റെ ശുപാര്‍ശയനുസരിച്ച് 328 ഇനം കോംബിനേഷന്‍ മരുന്നുകളുടെ ഉത്പാദനം, വില്‍പ്പന, വിതരണം, ഉപയോഗം എന്നിവ നിരോധിച്ച് ഉത്തരവായി. ഗസറ്റ് വിജ്ഞാപനങ്ങള്‍ www.dc.kerala.gov.in എന്ന വെബ്‌സൈറ്റിലും ഡ്രഗ്‌സ് കണ്‍ട്രോള്‍ വകുപ്പിന്റെ എല്ലാ/മേഖലാ ഓഫീസുകളിലും ലഭിക്കും.

സംസ്ഥാനത്തെ ചില്ലറ/മൊത്ത മരുന്നു വ്യാപാര സ്ഥാപനങ്ങള്‍, ആശുപത്രി ഫാര്‍മസികള്‍, ആശുപത്രികള്‍, ക്ലിനിക്കുകള്‍ എന്നിവ ഉത്തരവ് പാലിക്കണമെന്ന് സംസ്ഥാന ഡ്രഗ്‌സ് കണ്‍്രേടാളര്‍ അറിയിച്ചു. 

കഴക്കൂട്ടം ഗവ. (വനിത) ഐ.ടി.ഐയില്‍ ജൂലൈ 2014, 2015, 2016, 2017, 2018 വര്‍ഷങ്ങളില്‍ പഠനം പൂര്‍ത്തിയാക്കിയ ട്രെയിനികളുടെ കോഷന്‍ ഡിപ്പോസിറ്റും സെക്യൂരിറ്റി ഡിപ്പോസിറ്റും ഒക്‌ടോബര്‍ 10നകം ട്രെയിനികള്‍ രേഖകള്‍ സഹിതം ഐ.ടി.ഐയില്‍ നേരിട്ടെത്തി കൈപ്പറ്റണം.

പി.എന്‍.എക്‌സ്.4064/18

കേരള ഡെന്റല്‍ കൗണ്‍സിലിന്റെ ആഭിമുഖ്യത്തില്‍ സൗജന്യ തുടര്‍ വിദ്യാഭ്യാസ പരിപാടി സംഘടിപ്പിക്കും. ആദ്യ പരിപാടി കോട്ടയം ഗവണ്‍മെന്റ് ഡെന്റല്‍ കോളേജില്‍ 30ന് രാവിലെ ഒന്‍പത് മുതല്‍ നടക്കും. കോണ്‍ ബീം കമ്പ്യൂട്ടഡ് ടോമോഗ്രഫി എന്ന വിഷയത്തില്‍ ഏകദിന ശില്‍പശാലയാണ് നടക്കുക. പങ്കെടുക്കാന്‍ താത്പര്യമുള്ളവര്‍ 9633534454, 7907411361, 8129392121 എന്നീ നമ്പറുകളില്‍ ബന്ധപ്പെടണം.

പി.എന്‍.എക്‌സ്.4063/18

പ്രളയം ജില്ലയില്‍ ഏറ്റവും കൂടുതല്‍ നാശം വിതച്ചത്‌ ചാലക്കുടിയിലും സമീപപ്രദേശങ്ങളിലുമാണ്‌. ചാലക്കുടി പുഴ പരിധിവിട്ടൊഴുക്കിയ പ്രളയജലത്തില്‍ അതുവരെ സമ്പാദിച്ചതും സ്വരൂപിച്ചതും ഒഴുകിയും നശിച്ചും പോകുന്നത്‌ നോക്കി നില്‍ക്കേണ്ടി വന്നവര്‍, കൃഷിയും കൃഷിപ്പണിയും മുഖ്യ ജീവനോപാധിയായ ഇവര്‍ക്ക്‌ നഷ്‌ടപ്പെട്ടതെല്ലാം തിരിച്ചു നല്‍കാനുളള ശ്രമത്തിലാണ്‌ സംസ്ഥാന സര്‍ക്കാര്‍. പുനരധിവാസ പുനര്‍നിര്‍മ്മാണ പ്രവര്‍ത്തനങ്ങളുമായി റവന്യൂ ഉള്‍പ്പെടെയുളള എല്ലാ വകുപ്പുകളും രാപ്പകലില്ലാതെ പരിശ്രമത്തിലാണ്‌. ഈ സാഹചര്യത്തിലാണ്‌ കൃഷികാര്‍ക്ക്‌ തുണയായി കൃഷി വകുപ്പ്‌ ഉദ്യോഗസ്ഥരും രംഗത്ത്‌ വരുന്നത്‌.