ആശുപത്രികള്‍, ക്ലിനുക്കുകള്‍, ചില്ലറ / മൊത്ത മരുന്നു വ്യാപാരികള്‍ എന്നിവിടങ്ങില്‍ 2018 സെപ്‌തംബര്‍ 7 ലെ വിവിധ ഗസ്റ്റ്‌ വിജ്ഞാനപ്രകാരം നിരോധിച്ച മരുന്നുകളുടെ വില്‍പ്പന / രോഗികള്‍ക്കുളള വിതരണം എന്നിവ നിര്‍ത്തിവെയ്‌ക്കണമെന്ന്‌ അസിസ്റ്റ്‌ ഡ്രഗ്‌സ്‌ കണ്‍ട്രോളര്‍ അറിയിച്ചു. നിരോധിച്ച മരുന്നുകളുടെ ലിസ്റ്റ്‌ www.dckerala.gov.in എന്ന വെബ്‌ സൈറ്റില്‍ ലഭിക്കും. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2362591.

നാഷണല്‍ ആയുഷ്‌ മിഷന്‍ ആഭിമുഖ്യത്തില്‍ ഭാരതീയ ചികിത്സാ വകുപ്പിലെ ഡോക്‌ടര്‍മാര്‍ക്കുളള പ്രളയാനന്തര മാനസികാരോഗ്യ പരിശീലന പരിപാടി സാന്ത്വനം സംഘടിപ്പിച്ചു. ഭാരതീയ ചികിത്സാ വകുപ്പ്‌ ജില്ലാ മെഡിക്കല്‍ ഓഫീസര്‍ ഡോ. ഷിബു എസ്‌ ഉദ്‌ഘാടനം ചെയ്‌തു. പ്രളയദുരിത പ്രദേശങ്ങളിലെ മാനസികാരോഗ്യ പ്രശ്‌നങ്ങള്‍ എല്ലാ വൈദ്യ ശാസ്‌ത്രവിഭാഗങ്ങളിലെ ഡോക്‌ടര്‍മാരും ഒരുമിച്ച്‌ പരിഹരിക്കണമെന്ന്‌ ഡോ. ഷിബു എസ്‌ അഭിപ്രായപ്പെട്ടു. ആയുഷ്‌ മിഷന്‍ ജില്ലാ പ്രോഗ്രാം ഓഫീസര്‍ ഡോ. എന്‍ വി ശ്രീവത്സ്‌ അദ്ധ്യക്ഷത വഹിച്ചു. കോട്ടക്കല്‍ ഗവണ്‍മെന്റ്‌ മാനസികാശുപത്രി സൂപ്രണ്ട്‌ ഡോ.

പകര്‍ച്ചവ്യാധികള്‍ തടയുന്നതിനായി പ്രഗതി ആരോഗ്യബോധവല്‍ക്കരണ വാഹനപ്രചരണ യാത്ര ആരംഭിച്ചു. യാത്രയുടെ ഫ്‌ളാഗ്‌ ഓഫ്‌ ജില്ലാ മെഡിക്കല്‍ ഓഫീസില്‍ ജില്ലാ കളക്‌ടര്‍ ടി വി അനുപമ നിര്‍വഹിച്ചു. പകര്‍ച്ചവ്യാധികളെ തടയുന്നതിനുളള പ്രവര്‍ത്തനങ്ങളില്‍ ആരോഗ്യവകുപ്പിനും ജനങ്ങള്‍ക്കും തുല്യ ഉത്തരവാദിത്വമാണെന്നും ആരോഗ്യസന്ദേശങ്ങള്‍ ജനങ്ങളിലേക്കു എത്തിക്കുന്നതിനുളള നല്ല ചുവടുവെയ്‌പ്പാണു വീഡിയോ പ്രദര്‍ശന യാത്ര എന്നും ജില്ലാ കളക്‌ടര്‍ പറഞ്ഞു.

മാലിന്യനിക്ഷേപവും കയ്യേറ്റങ്ങളും മൂലം നീരൊഴുക്ക്‌ കുറയുകയും ജീര്‍ണാവസ്ഥയിലാവുകയും ചെയ്‌ത കേച്ചേരിപുഴയുടെ പുനരുജ്ജീവനത്തിന്‌ സമഗ്രപദ്ധതി ഒരുങ്ങുന്നു. ജനപ്രതിനിധികളുടെയും, ഉദ്യോഗസ്ഥരുടെയും, സന്നദ്ധപ്രവര്‍ത്തകരുടെയും പൊതുജനങ്ങളുടെയും പങ്കാളിത്തത്തോടെ ജനകീയ സംരംഭമായി കേച്ചേരിപ്പുഴയെ വീണ്ടെടുക്കുന്ന പ്രവൃത്തികളുമായി മുന്നോട്ടുപോകാന്‍ പി.കെ. ബിജു എം.പിയുടെ അധ്യക്ഷതയില്‍ മുളങ്കുന്നത്തുകാവ്‌ കിലയില്‍ ചേര്‍ന്ന അവലോകന യോഗം തീരുമാനിച്ചു. കേച്ചേരിപ്പുഴയുടെ ഗതിവഴികളും നദീതടവും വീണ്ടെടുക്കല്‍, മാലിന്യനിക്ഷേപം തടയല്‍ മാലിന്യ സംസ്‌ക്കരണം, ശുചീകരണം എന്നീ പ്രവര്‍ത്തികള്‍ ഉള്‍പ്പെട്ടതാണ്‌ പുനരുജ്ജീവന യജ്ഞം.

കൃഷിയുടെ പുനരുജ്ജീവനത്തിന്‌ ഈ ഒക്‌ടോബറില്‍ തന്നെ കേന്ദ്രത്തിന്റെയും അന്താരാഷ്‌ട്ര ഏജന്‍സികളുടെയും സഹായത്താല്‍ പുതിയ പദ്ധതി കൊണ്ടുവരുമെന്നും എല്ലാ കൃഷികളേയും നിര്‍ബന്ധമായി ഇന്‍ഷ്വൂറന്‍സ്‌ പരിധിയില്‍ കൊണ്ടുവരുമെന്നും കൃഷി വകുപ്പു മന്ത്രി അഡ്വ. വി എസ്‌ സുനില്‍കുമാര്‍ പറഞ്ഞു. ചാലക്കുടി ജൂബിലി മെമ്മോറിയില്‍ ഹാളില്‍ കാര്‍ഷിക പ്രകൃതിക്ഷോഭ ദുരിതാശ്വാസത്തിന്റെ ആദ്യഗഡു വിതരണം ചെയ്‌ത്‌ സംസാരിക്കുകയായിരുന്നു മന്ത്രി.

പ്രളയാനന്തരം ദുരന്തനിവാരണപ്രവര്‍ത്തനങ്ങളുടെ ഭാഗമായി കാക്കനാട് കമ്യൂണിറ്റി ഹാള്‍, സിവില്‍ സ്‌റ്റേഷന്‍, കെബിപിഎസ് എന്നിവിടങ്ങളില്‍ കിറ്റുകള്‍ തയ്യാറാക്കുന്നതിന് പങ്കെടുത്ത സന്നദ്ധപ്രവര്‍ത്തകര്‍ക്കുള്ള ഡ്യൂട്ടി സര്‍ട്ടിഫിക്കറ്റ് തിങ്കളാഴ്ച മുതല്‍ കളക്ടറേറ്റ് ഇന്‍സ്‌പെക്ഷന്‍ സെക്ഷനില്‍ നിന്ന് ലഭിക്കും

കാക്കനാട്: പ്രളയദുരന്തബാധിതര്‍ക്കുള്ള അടിയന്തരധനസഹായവിതരണം ജില്ലയിലെ 1,54,760 കുടുംബങ്ങളുടെ ബാങ്ക് അക്കൗണ്ടുകളില്‍ എത്തിയതായി ജില്ലാ കളക്ടര്‍ അറിയിച്ചു.  ആലുവ താലൂക്കില്‍ 31599, കണയന്നൂര്‍ 19787, കൊച്ചി 7381, കോതമംഗലം 2038, കുന്നത്തുനാട് 9712, മൂവാറ്റുപുഴ 8411, പറവൂര്‍ 76982 വീതം പേര്‍ക്കാണ് ധനസഹായം ലഭ്യമാക്കിയത്.  ഇരട്ടിപ്പ്, അനര്‍ഹര്‍ ഉള്‍പ്പെട്ടതായുള്ള പരാതി, ബാങ്ക് അക്കൗണ്ട് വിവരം ലഭ്യമാക്കാതെയുള്ള അപേക്ഷകള്‍ എന്നിവ അടിയന്തരമായി പരിശോധിച്ച് ശേഷിക്കുന്നവര്‍ക്കും ഉടന്‍ സഹായം നല്‍കുമെന്നും കളക്ടര്‍ അറിയിച്ചു.      

മിനിമം വേതന ഉപദേശക സമിതി-തെളിവെടുപ്പ്

കൊച്ചി:  ഗാര്‍മെന്റ് മേക്കിംഗ് ഇന്‍സസ്ട്രീസ്, റൈസ് മില്‍, ഫ്‌ളോര്‍ മില്‍ & ദാല്‍ മില്‍, ബ്ലോക്ക് റബ്ബര്‍ ഫാക്ടറി  എന്നീ തൊഴില്‍ മേഖലകളില്‍ തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനായി മിനിമം വേതന ഉപദേശക സമിതിയുടെ തെളിവെടുപ്പ് സപ്തംബര്‍ 17 -ന് യഥാക്രമം രാവിലെ 10.30 നും, 11.30 നും, 12.30 നും എറണാകുളം ഗവണ്‍മെന്റ് ഗസ്റ്റ് ഹൗസ് കോണ്‍ഫറന്‍സ് ഹാളില്‍ നടത്തും. തെളിവെടുപ്പ് യോഗങ്ങളില്‍ ജില്ലയിലെ ഈ മേഖലയില്‍ പ്രവര്‍ത്തിച്ച് വരുന്ന തൊഴിലാളി / തൊഴിലുടമ പ്രതിനിധികള്‍ പങ്കെടുക്കണമെന്ന്  ജില്ലാ ലേബര്‍ ഓഫീസര്‍ (ഇ) അഭ്യര്‍ത്ഥിച്ചു.

കാക്കനാട്: ജില്ലയിലെ വിവിധ സംഭരണകേന്ദ്രങ്ങളില്‍ ശേഷിക്കുന്ന ദുരിതാശ്വാസ വസ്തുക്കള്‍ പറവൂര്‍ താലൂക്കിലെ ദുരന്തബാധിതരായ ബി.പി.എല്‍. കുടുംബങ്ങള്‍ക്കു നല്‍കാന്‍ ജില്ലാ കളക്ടര്‍ മുഹമ്മദ് വൈ സഫീറുള്ള ഉത്തരവിട്ടു.  ആദ്യം എത്തുന്നവര്‍ക്ക് ആദ്യം എന്ന ക്രമത്തില്‍ ഇന്നും നാളെയുമാണ് (സെപ്റ്റംബര്‍ 15, 16) വിതരണം.  പറവൂര്‍ താലൂക്കിലെ 13 വില്ലേജുകളില്‍ രണ്ടു സെന്ററുകള്‍ വീതം വിതരണകേന്ദ്രങ്ങളായി തെരഞ്ഞെടുത്തിട്ടുണ്ട്.   തെരഞ്ഞെടുത്ത 26 സ്‌കൂളുകള്‍വഴിയാണ് വിതരണം.