ഗവ.വനിതാ പോളിടെക്‌നിക് കോളേജില്‍ ഒഴിവുള്ള ഏതാനും സീറ്റുകളിലേക്ക്  വെയിറ്റിങ് ലിസ്റ്റില്‍ ഉള്‍പ്പെട്ടിട്ടുള്ള അപേക്ഷകര്‍ക്കായി ഈ മാസം 17 ന് രാവിലെ  10 മണിക്ക് ഇന്റര്‍വ്യൂ നടത്തുമെന്ന്  പ്രിന്‍സിപ്പാള്‍ അറിയിച്ചു.   
 

കേരള മീഡിയ അക്കാദമി ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷനിലെ ജേര്‍ണലിസം & കമ്യൂണിക്കേഷന്‍, പബ്ലിക് റിലേഷന്‍സ് & അഡ്വര്‍ടൈസിങ്  ബിരുദാനന്തര ഡിപ്ലോമ കോഴ്‌സുകളിലേക്കുള്ള സ്‌പോട്ട് അഡ്മിഷന്‍ ഈ മാസം 18 ന് നടത്തും. എറണാകുളം കാക്കനാട്ടുള്ള അക്കാദമി കാമ്പസില്‍ രാവിലെ 10 മുതല്‍ നടക്കുന്ന  സ്‌പോട്ട് അഡ്മിഷനില്‍ പങ്കെടുക്കാന്‍ താല്‍പര്യമുള്ള വിദ്യാര്‍ത്ഥികള്‍ വിദ്യാഭ്യാസ യോഗ്യത, ജാതി, വയസ്സ് എന്നിവ തെളിയിക്കുന്ന രേഖകള്‍ സഹിതം എത്തണം. 

ഗവ. മെഡിക്കല്‍കോളേജ് മാതൃശിശു സംരക്ഷണകേന്ദ്രം ആര്‍.എസ്.ബി. വൈക്ക് കീഴില്‍ ദിവസവേതനാടിസ്ഥാനത്തില്‍ ലാബ് ടെക്‌നീഷ്യനെയും(ഒരു ഒഴിവ്) എച്ച്.ഡി.എസ്സിന്റെ കീഴില്‍ കരാര്‍ അടിസ്ഥാനത്തില്‍  അനസ്തറ്റിസ്റ്റിനെയും (ഒരു ഒഴിവ്) നിയമിക്കും. ലാബ് ടെക്‌നീഷ്യന്‍ യോഗ്യത- ബി.എസ്‌സി, എം.എല്‍.ടി/ഡി.എം.എല്‍.ടി, അനസ്തറ്റിസ്റ്റ് യോഗ്യത - എം.ഡി ഇന്‍ അനസ്തിയോളജി/ഡിപ്ലോമ ഇന്‍ അനസ്തിയോളജി വിത്ത് എക്‌സ്പീരീയന്‍സ്.  താല്‍പര്യമുളളവര്‍ സര്‍ട്ടിഫിക്കറ്റുകള്‍ സഹിതം ഈ മാസം 17 ന് രാവിലെ 11 മണിക്ക് ഐ.എം.സി.എച്ച് സൂപ്രണ്ട് ഓഫീസില്‍ എത്തണം. 

ഗവ. സ്ഥാപനങ്ങളിലേയും തദ്ദേശ സ്വയംഭരണ സ്ഥാപനങ്ങളിലേയും ജലനിധി പദ്ധതികളിലേയും കേടുവന്ന പമ്പുസെറ്റുകളും പൈപ്പുകളും കേരള അഗ്രോ ഇന്‍ഡസ്ട്രീസ് കോര്‍പ്പറേഷന്‍ (കെയ്‌കോ) കുറഞ്ഞ നിരക്കില്‍ നന്നാക്കി ഉപയോഗ യോഗ്യമാക്കുമെന്ന് കെയ്‌കോ ഡിവിഷണല്‍ എഞ്ചിനീയര്‍ അറിയിച്ചു. കാര്‍ഷിക മേഖലയില്‍ യന്ത്രവല്‍ക്കരണത്തിന് ഗണ്യമായ സംഭാവന നല്‍കിയിട്ടുളള പൊതുമേഖലാ സ്ഥാപനമാണ് കേരള അഗ്രോ ഇന്‍ഡസ്ട്രീസ് കോര്‍പ്പറേഷന്‍.  കോഴിക്കോട്. വയനാട്. ജില്ലകളില്‍പദ്ധതി നടപ്പിലാക്കും. ഫോണ്‍ - 0495 2370676, 7558880459.
 

ജില്ലയില്‍ ഇന്നലെ വൈകീട്ട് മുതല്‍ ഇന്ന് വൈകീട്ട് വരെ സംശയാസ്പദമായ മൂന്ന് കേസുകള്‍ കൂടി റിപ്പോര്‍ട്ട് ചെയ്തു. നരിപ്പറ്റ, കണ്ണാടിക്കല്‍, വയലട എന്നിവിടങ്ങളില്‍ നിന്നാണ് പുതിയ കേസുകള്‍. നിലവില്‍ സംശയാസ്പദമായ കേസുകളുടെ ആകെ എണ്ണം 325 ആണ്. ഇതുവരെ ആകെ 147 കേസുകള്‍ സ്ഥിരീകരിച്ചു. സ്ഥിരീകരിച്ച കേസുകളില്‍ 8 മരണവും സംശയാസ്പദമായ കേസുകളില്‍ ആകെ 12 മരണവുമാണ് ഇതുവരെ റിപ്പോര്‍ട്ട് ചെയ്തത്.    

മുഖ്യമന്ത്രിയുടെ ദുരിതാശ്വാസ നിധിയിലേക്ക് ജില്ലയില്‍ നടത്തുന്ന വിഭവസമാഹരണത്തിന്റെ മൂന്നാംദിവസം താമരശ്ശേരിയിലും മികച്ച പ്രതികരണം. വടകരയില്‍ ആരംഭിച്ച വിഭവസമാഹരണ യജ്ഞം നാളെ ( സപ്തംബര്‍ 15) കൊയിലാണ്ടിയില്‍ അവസാനിക്കും. കൊയിലാണ്ടി ടൗണ്‍ഹാളില്‍ രാവിലെ 10 മുതല്‍ 12 വരെയാണ് പരിപാടി നടക്കുക. സംഭാവന നല്‍കാന്‍ ആഗ്രഹിക്കുന്നവര്‍ക്ക്, തുക എത്ര ചെറുതാണെങ്കിലും ചെക്ക് അല്ലെങ്കില്‍ ഡ്രാഫ്റ്റ് രൂപത്തില്‍ നല്‍കാവുന്നതാണെന്ന് ജില്ലാ കലക്ടര്‍ അറിയിച്ചു.
        

കോഴിക്കോട്ട് നിന്ന് കിലോമീറ്ററുകള്‍ താണ്ടി ഭിന്നശേഷിക്കാരായ റിയാസും അഫിയാദും താമരശേരിയിലെത്തി മന്ത്രിക്ക് കൈമാറിയ 1000 രൂപക്ക് സ്വര്‍ണത്തിന്റെ തിളക്കമാണ്. നവകേരള നിര്‍മ്മാണത്തിനായി തങ്ങളുടെ വകയായി സംഭാവന നല്‍കാന്‍ കോഴിക്കോട് പാലാഴിയില്‍ നിന്നാണ് രക്ഷിതാക്കള്‍ക്കും ശാന്തി സ്പെഷ്യല്‍ അയല്‍ക്കൂട്ടം ഭാരവാഹികള്‍ക്കുമൊപ്പം ഇരുവരും താമരശേരി വിഭവസമാഹരണ കേന്ദ്രത്തിലെത്തിയത്. 

 തെരുവോരങ്ങളില്‍ കലാപരിപാടികള്‍ അവതരിപ്പിച്ചു നേടിയ തുകയുമായി കേരള പുനരുദ്ധാരണത്തിന് സഹായവുമായി കലാകാര•ാരുടെ കൂട്ടായ്മ. സ്വകാര്യ ചാനല്‍ പരിപാടിയിലെ  കലാപരിപാടികള്‍ അവതരിപ്പിച്ച കോഴിക്കോട്, മലപ്പുറം, തൃശൂര്‍, പാലക്കാട് ജില്ലകളിലെ പ്രൊഫഷണല്‍ കലാകാര•ാരും 28,732 രൂപയാണ് സംഭാവന ചെയ്തത്.