പ്രളയത്തില്‍ വീടുകള്‍ക്ക് സംഭവിച്ച നഷ്ടം സംബന്ധിച്ച കണക്കെടുപ്പ് സെപ്റ്റംബര്‍ 19നകം പൂര്‍ത്തിയാക്കണമെന്ന് ജില്ലാ കലക്ടര്‍ അമിത് മീണ നിര്‍ദേശിച്ചു. കലക്ടറേറ്റില്‍ ചേര്‍ന്ന അവലയോകന യോഗത്തിലാണ് കലക്ടര്‍ നിര്‍ദേശം നല്‍കിയത്. തദ്ദേശസ്വയംഭരണ വകുപ്പ് ജീവനക്കാരുടെ നേതൃത്വത്തിലാണ് കണക്കെടുപ്പ് പൂര്‍ത്തിയാക്കുന്നത്. സ്ഥലം സന്ദര്‍ശിച്ച ശേഷമാണ് കണക്കെടുക്കുക. സ്ഥലം സന്ദര്‍ശിക്കാതെയോ തെറ്റായോ അപേക്ഷ സ്വീകരിച്ചാല്‍ ഉദ്യോഗസ്ഥര്‍ക്കെതിരെ കര്‍ശന നടപടി സ്വീകരിക്കുമെന്ന് കലക്ടര്‍ അറിയിച്ചു.

മഹാപ്രളയം നല്‍കിയ കണ്ണീര്‍ തോര്‍ന്നിട്ടില്ലെങ്കിലും ദുരിതാശ്വാസ ധനസമാഹരണത്തില്‍ നിറകണ്‍ ചിരിയാകുകയാണ് വൈക്കം നിയോജക മണ്ഡലം.

വൈക്കം: വൈക്കം സത്യാഗ്രഹ മെമ്മോറിയല്‍ ഹാളില്‍ നടന്ന സംസ്ഥാന സര്‍ക്കാരിന്റെ ധനസമാഹരണ വേദിയില്‍ ആദ്യത്തെ സംഭാവന രണ്ടു കുഞ്ഞുകുടുക്കകള്‍ ആയിരുന്നു. അഞ്ചു വയസുകാരന്‍ സാരംഗിന്റേയും ആറു വയസുകാരി ഉമയുടേയും.വൈക്കം അക്കരപ്പാടം ലക്ഷ്മണന്‍ തറ വീട്ടില്‍ ഷിന്റുവിന്റെ മകനാണ് സാരംഗ് .പുതിയ കേരളം സൃഷ്ടിക്കാന്‍ തന്റെ കുഞ്ഞുസമ്പാദ്യവുമായി കാലേക്കൂട്ടി അച്ഛനൊപ്പം സത്യഗ്രഹ ഹാളില്‍ സാരംഗ് എത്തിയിരുന്നു. സാരംഗി ന്റെ സഹായം അറിഞ്ഞ്  കൂട്ടുകാരി ഉമയും തന്റെ കുഞ്ഞു കുടുക്ക മന്ത്രിക്ക് നല്‍കാന്‍ കൊടുത്തയച്ചിരുന്നു.

 വൈക്കം: വീട്ടുപകരണങ്ങള്‍ നഷ്ടപ്പെട്ടവരെ സഹായിക്കുന്നതിനായി കുടുംബശ്രീ മുഖേന ഒരു ലക്ഷം രൂപ വരെ  വായ്പ ലഭ്യമാക്കുമെന്ന് ധനകാര്യ കയര്‍ വകുപ്പ് മന്ത്രി ഡോ. ടി..എം. തോമസ് ഐസക്.  അടുത്ത ശനി, ഞായര്‍ ദിവസങ്ങളിലെ കുടുംബശ്രീ യോഗത്തില്‍ ഇവരെ കണ്ടെത്തി അവശ്യം വേണ്ട സാധനങ്ങളുടെ ലിസ്റ്റ് തയ്യാറാക്കണം. ഈ മാസം തന്നെ ബാങ്കുകളുമായി ബന്ധപ്പെട്ട് വായ്പ തുക ലഭ്യമാക്കും. കുട്ടനാട് പോലെ തന്നെ പ്രളയത്തില്‍ തകര്‍ന്നു  പോയ പ്രദേശമാണ് വൈക്കം ഉള്‍പ്പെടെയുള്ള അപ്പര്‍ കുട്ടനാട്.

മുഖ്യമന്ത്രിയുടെ ദുരിതാശ്വസ നിധിയിലേക്ക് ഒരു ഗ്രാമ പഞ്ചായത്ത് നല്‍കുന്ന ഏറ്റവും ഉയര്‍ന്ന സംഖ്യ താനാളൂര്‍ ഗ്രാമപഞ്ചായത്തിന്റേത്. തനത് ഫണ്ടില്‍ നിന്ന് കാല്‍ക്കോടി രൂപയാണ് താനാളൂര്‍ പഞ്ചായത്ത് രണ്ടുഘട്ടങ്ങളിലായി ദുരിതാശ്വാസ നിധിയിലേക്ക് കൈമാറിയത്.

മുഖ്യമന്ത്രിയുടെ ദുരിതാശ്വാസനിധിയിലേക്ക് മന്ത്രിമാരുടെ നേതൃത്വത്തില്‍ നടത്തുന്ന പ്രളയധനസമാഹരണത്തില്‍ ആദ്യദിനം സമാഹരിച്ചത്  1,21,91,317      രൂപ. ജില്ലയുടെ ധനസമാഹരണ ചുമതലയുള്ള ധനകാര്യ-കയര്‍ വകുപ്പു മന്ത്രി ഡോ. തോമസ് ഐസക്, വനം വന്യജീവി മൃഗസംരക്ഷണ വകുപ്പു മന്ത്രി അഡ്വ. കെ. രാജു എന്നിവരുടെ നേതൃത്വത്തില്‍ നിയോജകമണ്ഡലങ്ങളില്‍ നടത്തിയ ധനസമാഹരണപരിപാടിയിലാണ് തുക ലഭിച്ചത്.