പ്രളയബാധിതരെ സഹായിക്കാന്‍ വേണ്ടിയുളള ദുരിതാശ്വാസ ഫണ്ട്‌ സമാഹരണത്തിന്റെ ആദ്യഘട്ടം പൂര്‍ത്തീകരിച്ചപ്പോള്‍ തൃശൂര്‍ ജില്ലയില്‍ 57018017 രൂപ ലഭിച്ചു. എഴു താലൂക്കുകളില്‍ നിന്നായി 45818017 രൂപയും വിദ്യാര്‍ത്ഥികളില്‍ നിന്ന്‌ 11200000 രൂപയും ചേര്‍ന്നാണ്‌ മുകളില്‍ പറഞ്ഞ തുക ലഭിച്ചത്‌. മുഖ്യമന്ത്രിയുടെ ദുരിതാശ്വാസനിധിയിലേക്ക്‌ സെപ്‌തംബര്‍ 10 മുതല്‍ 15 വരെ ഫണ്ട്‌ സമാഹരിക്കാനാണ്‌ പരിപാടി. ഇതില്‍ ജില്ലയിലെ താലൂക്കുകളില്‍ നിന്നു മാത്രം ഇന്നലെ (സെപ്‌തംബര്‍ 13) മന്ത്രിമാരായ പ്രൊഫ. സി രവീന്ദ്രനാഥ്‌, അഡ്വ. വി എസ്‌ സുനില്‍കുമാര്‍ എന്നിവര്‍ ചേര്‍ന്നാണ്‌ തുക കൈപ്പറ്റിയത്‌.

പോസ്റ്റ് ബേസിക് ബി.എസ്.സി നഴ്‌സിംഗ് ഡിഗ്രി കോഴ്‌സുകളിലേക്ക് അപേക്ഷിച്ചവരുടെ പ്രവേശനത്തിനുള്ള ഒന്നാംഘട്ട അലോട്ട്‌മെന്റ് www.lbscentre.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചു. അലോട്ട്‌മെന്റ് ലഭിച്ചവര്‍ വെബ്‌സൈറ്റില്‍ നിന്നും പ്രിന്റൗട്ട് എടുത്ത അലോട്ട്‌മെന്റ് മെമ്മോ  ഫെഡറല്‍ ബാങ്കിന്റെ ഏതെങ്കിലും ശാഖയില്‍ ഹാജരാക്കി സെപ്റ്റംബര്‍ 15നകം ഫീസ് അടയ്ക്കണം. ഫീസ് അടയ്ക്കാത്തവരെ ഒഴിവാക്കി രണ്ടാംഘട്ട അലോട്ട്‌മെന്റ് സെപ്റ്റംബര്‍ 17ന് പ്രസിദ്ധീകരിക്കും. ഫോണ്‍: 04712560362, 63, 64, 65.

പി.എന്‍.എക്‌സ്.4052/18

സ്റ്റേറ്റ് ഇന്‍സ്റ്റിറ്റിയൂറ്റ് ഓഫ് മെഡിക്കല്‍ എഡുക്കേഷന്‍ ആന്‍ഡ് ടെക്‌നോളജിയുടെ കീഴിലുളള പോസ്റ്റ് ബേസിക് ബി.എസ്.സി നഴ്‌സിംഗ് കോളേജുകളില്‍  മാനേജ്‌മെന്റ് സീറ്റ് ഒഴിവുകളില്‍ പ്രവേശനത്തിന് സ്‌പോട്ട് അഡ്മിഷന്‍ ഇന്ന് (സെപ്റ്റംബര്‍ 14) മുതല്‍ നടക്കും. കൂടുതല്‍ വിവരങ്ങള്‍ക്ക് വെബ് സൈറ്റ്: www.simet.in(ഫോണ്‍:0471-2743090) പളളുരുത്തി, എറണാകുളം ജില്ല(0484-2231530), മലമ്പുഴ, പാലക്കാട് ജില്ല(ഫോണ്‍: 0491-2815333), മാങ്ങാട്ടുപ്പറമ്പ, കണ്ണൂര്‍ ജില്ല(0460-2200813) എന്നിവിടങ്ങളിലുളള പോസ്റ്റ് ബേസിക് ബി.എസ്.സി നഴ്‌സിംഗ് കോളേജുകളിലാണ് അഡ്മിഷന്‍.

തൃശ്ശൂര്‍ കോര്‍പ്പറേഷന്‍ വൈദ്യുതി വിതരണത്തിനാവശ്യമായ ജോലികള്‍ക്ക് 2018-2019 ലേക്കുളള എസ്റ്റിമേറ്റ് നിരക്കുകള്‍ പുതുക്കി നിശ്ചയിക്കുന്നതിന് സംസ്ഥാന വൈദ്യുതി റെഗുലേറ്ററി കമ്മീഷന് സമര്‍പ്പിച്ച അപേക്ഷ (www.erckerala.org)എന്ന വെബ്‌സൈറ്റില്‍ ലഭിക്കും. അപേക്ഷയിന്‍മേലുളള പൊതുതെളിവെടുപ്പ് 28 ന് രാവിലെ 11 ന് തൃശൂര്‍ രാമനിലയം കോണ്‍ഫറന്‍സ് ഹാളില്‍ നടക്കും.

തിരുവന്തപുരത്തെ റീജിയണല്‍ കാന്‍സര്‍ സെന്ററില്‍ സ്റ്റാഫ് നേഴ്‌സ് തസ്തികയിലേക്ക്  അപേക്ഷിച്ചിട്ടുളളവര്‍ക്കുളള ഒ.എം.ആര്‍  പരീക്ഷ സെപ്റ്റംബര്‍ 30 ന് തിരുവനന്തപുരം, എറണാകുളം, കോഴിക്കോട് ജില്ലകളിലെ വിവിധ പരീക്ഷാ കേന്ദ്രങ്ങളില്‍ നടത്തും. അര്‍ഹതപ്പെട്ടവര്‍ക്കുളള ഹാള്‍ടിക്കറ്റ് www.lbskerala.com  എന്ന വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യാം. കൂടുതല്‍ വിവരങ്ങള്‍ക്ക് 0471 2560311, 2560312, 2560313.

പി.എന്‍.എക്‌സ്.4049/18

എറണാകുളം ജില്ലയിലെ എടയാറിലുള്ള എടയാര്‍ സിങ്കില്‍ സൂക്ഷിച്ചിരിക്കുന്ന രാസ പദാര്‍ത്ഥങ്ങള്‍ വില്‍ക്കുന്നതിന്  സംസ്ഥാന മലിനീകരണ നിയന്ത്രണ ബോര്‍ഡ് ക്ഷണിച്ച ടെണ്ടറിന്റെ കാലാവധി സെപ്റ്റംബര്‍ 29 വരെ ദീര്‍ഘിപ്പിച്ചു. വെബ്‌സൈറ്റ് www.keralapcb.nic.in

പി.എന്‍.എക്‌സ്.4048/18

സമുദ്ര മത്സ്യകൂട് കൃഷിക്കും ഓരു മത്സ്യകൂട് കൃഷിക്കും അനുയോജ്യമായ വളയോട് മത്സ്യക്കുഞ്ഞുങ്ങള്‍ വിഴിഞ്ഞം സമുദ്ര മത്സ്യ ഗവേഷണകേന്ദ്രത്തില്‍ ലഭിക്കും. താത്പര്യമുള്ള തിരുവനന്തപുരം, കൊല്ലം ജില്ലയിലുള്ള മത്സ്യകര്‍ഷകര്‍ ഡോ. പി.എസ്.സ്വാതിലക്ഷ്മി പ്രധാന ശാസ്ത്രജ്ഞ, കേന്ദ്ര സമുദ്ര മത്സ്യ ഗവേഷണ കേന്ദ്രം എന്ന വിലാസത്തിലോ, ഓഫീസിലോ 0471 2480224, 9482033580  എന്നീ നമ്പറുകളിലോ ബന്ധപ്പെടണം.

പി.എന്‍.എക്‌സ്.4047/18

കേന്ദ്ര വനിത ശിശുവികസന മന്ത്രാലയം കുട്ടികളുമായി ബന്ധപ്പെട്ട് നല്‍കിവരുന്ന നാഷണല്‍ ചൈല്‍ഡ് അവാര്‍ഡ്, നാഷണല്‍ ചൈല്‍ഡ് വെല്‍ഫെയര്‍ അവാര്‍ഡ് എന്നിവയ്ക്ക് 2018 വര്‍ഷത്തേക്ക് പരിഗണിക്കപ്പെടുന്നതിന് അപേക്ഷ /നോമിനേഷനുകള്‍ സമര്‍പ്പിക്കുന്നതിനുളള തീയതി നീട്ടി. അപേക്ഷ /നോമിനേഷനുകള്‍ കേന്ദ്ര വനിത ശിശുവികസനമന്ത്രാലയത്തിന്റെ  www.ncawcd.nic.in എന്ന വെബ്‌സൈറ്റിലൂടെ ഓണ്‍ലൈന്‍ ആയി സമര്‍പ്പിക്കുന്നതിനുളള അവസാന തീയതി സെപ്റ്റംബര്‍ 30 വരെയാണ് ദീര്‍ഘിപ്പിച്ചത്.മാര്‍ഗ്ഗനിര്‍ദ്ദേശങ്ങള്‍, മറ്റു വിശദവിവരങ്ങള്‍ എന്നിവ വെബ്‌സൈറ്റില്‍ ലഭ്യമാണ്.