പ്രളയക്കെടുതിയെ തുടര്‍ന്ന് സംസ്ഥാനത്തെ സ്റ്റേജ് കാര്യേജ് ബസുകള്‍ക്ക് സര്‍വീസ് നടത്തുന്നതിലും മറ്റു വിധത്തിലും ഉണ്ടായിട്ടുള്ള പ്രശന്ങ്ങള്‍ കണക്കിലെടുത്തും സ്വകാര്യ ബസ് ഉടമകളുടെ സംഘടനകള്‍ ആവശ്യപ്പെട്ടതനുസരിച്ചും 2018 ജൂലൈ ഒന്നു മുതലുള്ള ക്വാര്‍ട്ടറിലെ വാഹന നികുതി പിഴ കൂടാതെ അടയ്ക്കുന്നതിനുള്ള അവസാന തിയതി 30 വരെ ദീര്‍ഘിപ്പിച്ചു. സ്റ്റേജ് ക്യാരേജ് സര്‍വീസ് നടത്തുന്ന സ്വകാര്യ ബസുടമകള്‍ ഈ ആവശ്യം ഉന്നയിച്ച് ഗതാഗത വകുപ്പ് മന്ത്രി ശശീന്ദ്രനെ സമീപിച്ചിരുന്നു.

പി.എന്‍.എക്‌സ്.4043/18

കേരള മീഡിയ അക്കാദമി ഇന്‍സ്റ്റിറ്റ്യൂട്ട് ഓഫ് കമ്മ്യൂണിക്കേഷനിലെ ജേര്‍ണലിസം ആന്റ് കമ്മ്യൂണിക്കേഷന്‍, പബ്ലിക് റിലേഷന്‍സ് ആന്റ് അഡ്വടൈസിംഗ് ബിരുദാനന്തര ഡിപ്ലോമ കോഴ്‌സുകളിലേക്കുള്ള സ്‌പോട്ട് അഡ്മിഷന്‍ സെപ്റ്റംബര്‍ 18ന് നടത്തും. എറണാകുളം കാക്കനാടുള്ള അക്കാദമി ക്യാമ്പസില്‍ രാവിലെ 10 മുതല്‍ നടക്കുന്ന സ്‌പോട്ട് അഡ്മിഷനില്‍ പങ്കെടുക്കാന്‍ ആഗ്രഹിക്കുന്ന വിദ്യാര്‍ത്ഥികള്‍ വിദ്യാഭ്യാസ യോഗ്യത, ജാതി, വയസ് എന്നിവ തെളിയിക്കുന്നതിനുള്ള രേഖകള്‍ സഹിതം എത്തണം.

മദ്യപാനികളല്ലാത്തവരില്‍ കാണുന്ന ക്ഷീണം, വയറിന്റെ വലതുഭാഗത്തുള്ള വേദന/കനം എന്നീ ലക്ഷണങ്ങളോടുകൂടിയ കരള്‍രോഗമുള്ളവര്‍ക്ക് ഗവ. ആയുര്‍വേദ കോളേജിലെ കായചികിത്സാവിഭാഗത്തില്‍ സൗജന്യമായി ഗവേഷണാടിസ്ഥാനത്തില്‍ ചികിത്സ നല്‍കും. തിങ്കള്‍ മുതല്‍ ശനിവരെ രാവിലെ എട്ട് മുതല്‍ വൈകുന്നേരം മൂന്ന് വരെയാണ് സമയം. ഫോണ്‍: 8921570842.

പി.എന്‍.എക്‌സ്.4041/18

ശബരിമല മാസപൂജയ്ക്കായി ഈ മാസം 16ന് നട തുറക്കുമ്പോള്‍ തീര്‍ത്ഥാടകര്‍ എത്തുന്ന സ്വകാര്യ വാഹനങ്ങള്‍ നിലയ്ക്കല്‍ ബേസ് ക്യാമ്പ് വരെ മാത്രം അനുവദിക്കാന്‍ തീരുമാനം. തീര്‍ത്ഥാടന ഒരുക്കം വിലയിരുത്തുന്നതിന് ദേവസ്വം ബോര്‍ഡ് പ്രസിഡന്റ് എ. പത്മകുമാറിന്റെ അധ്യക്ഷതയില്‍ പമ്പയില്‍ നടന്ന യോഗത്തിലാണ് തീരുമാനം. നിലയ്ക്കലില്‍ നിന്ന് തീര്‍ത്ഥാടകര്‍ കെ. എസ്. ആര്‍. ടി. സി ബസില്‍ പമ്പയിലേക്കും തിരിച്ചും യാത്ര ചെയ്യണം. ടൂ വീലര്‍ ഉള്‍പ്പെടെ എല്ലാ സ്വകാര്യ വാഹനങ്ങളും നിലയ്ക്കലില്‍ പാര്‍ക്ക് ചെയ്യേണ്ടി വരും. കന്നിമാസ പൂജയ്‌ക്കെത്തുന്ന തീര്‍ത്ഥാടകര്‍ക്ക് അന്നദാനം ഉള്‍പ്പെടെ സൗകര്യം ഏര്‍പ്പെടുത്തും. 

കേരള നിയമസഭയുടെ പാര്‍ലമെന്ററി പരിശീലന കേന്ദ്രം നടത്തുന്ന പാര്‍ലമെന്ററി പ്രാക്ടീസ് ആന്റ് പ്രൊസീജ്യര്‍ സര്‍ട്ടിഫിക്കറ്റ് കോഴ്സ് ഫലം പ്രസിദ്ധീകരിച്ചതായി സ്പീക്കര്‍ പി. ശ്രീരാമകൃഷ്ണന്‍ വാര്‍ത്താസമ്മേളനത്തില്‍ അറിയിച്ചു. 

എറണാകുളം ചോറ്റാനിക്കര സ്വദേശി ശ്രീജിത്ത് എം. നായര്‍ 400 ല്‍ 345 മാര്‍ക്കോടെ ഒന്നാം റാങ്കിന് അര്‍ഹനായി. കോട്ടയം കാഞ്ഞിരപ്പള്ളി സ്വദേശി നെല്‍സണ്‍ ജെ. എളൂക്കുന്നേല്‍ 339 മാര്‍ക്ക് നേടി രണ്ടാം റാങ്കിനും തിരുവനന്തപുരം പൂവാര്‍ സ്വദേശി അനുജ ഗ്ലോറീസ് എസ്.എല്‍ 322 മാര്‍ക്ക് നേടി മൂന്നാം റാങ്കിനും അര്‍ഹരായി.

മികച്ച മാധ്യമ പ്രവര്‍ത്തകര്‍ക്ക് കേരള നിയമസഭ നല്‍കുന്ന ഈ വര്‍ഷത്തെ  മാധ്യമ അവാര്‍ഡുകള്‍ സ്പീക്കര്‍ പി. ശ്രീരാമകൃഷ്ണന്‍ വാര്‍ത്താ സമ്മേളനത്തില്‍ പ്രഖ്യാപിച്ചു. മലയാള ഭാഷയുടെയും സംസ്‌കാരത്തിന്റെയും പരിപോഷണത്തിന് ശക്തിപകരുന്ന മാധ്യമ സൃഷ്ടികള്‍ക്കായി ആര്‍. ശങ്കരനാരായണന്‍തമ്പി നിയമസഭാ മാധ്യമ അവാര്‍ഡ്, പൊതു സമൂഹത്തെ സ്വാധീനിക്കുകയും സമൂഹത്തില്‍ ഏറെ ചര്‍ച്ചചെയ്യപ്പെടുകയും ചെയ്ത അന്വേഷണാത്മക മാധ്യമസൃഷ്ടികള്‍ക്കായി ഇ.കെ. നായനാര്‍ നിയമസഭാ മാധ്യമ അവാര്‍ഡ്, നിയമസഭാ നടപടികളുടെ മികച്ച റിപ്പോര്‍ട്ടിങ്ങിനുള്ള ജി. കാര്‍ത്തികേയന്‍ നിയമസഭാ മാധ്യമ അവാര്‍ഡ് എന്നിങ്ങനെ 

പ്രളയം നാശംവിതച്ച കേരളത്തെ പുന:സൃഷ്ടിക്കുന്നതിനായി സംസ്ഥാനത്താകെ മന്ത്രിമാരുടെ നേതൃത്വത്തില്‍ നടക്കുന്ന ധനസമാഹരണ യജ്ഞത്തില്‍ വെള്ളരിക്കുണ്ട് താലൂക്കില്‍ നിന്നു ലഭിച്ചത് 33,42,723 രൂപ. പരപ്പ ബ്ലോക്ക് പഞ്ചായത്തില്‍ റവന്യുമന്ത്രി ഇ.ചന്ദ്രശേഖരന്‍ നേതൃത്തില്‍ നടന്ന ധനസമാഹരണത്തില്‍ 500 രൂപ മുതല്‍ അഞ്ചര ലക്ഷം രൂപ ലഭിച്ചു. 

പ്രളയം ദുരന്തംവിതച്ച കേരളത്തിന്റെ പുന:സൃഷ്ടിക്ക് ആവശ്യമായവരുന്ന പണം വളരെ വലുതാന്നെന്നു റവന്യുമന്ത്രി ഇ.ചന്ദ്രശേഖരന്‍ പറഞ്ഞു. നാശനഷ്ടം സംഭവിച്ചവര്‍ക്ക് ചെറിയരീതിയില്‍ ആശ്വാസധനംസഹായം നല്‍കണമെങ്കില്‍ത്തന്നെ ആയിരക്കണക്കിനു കോടി രൂപ ആവശ്യമായിവരുമെന്നും അദ്ദേഹം പറഞ്ഞു.
വെള്ളരിക്കുണ്ട് താലൂക്കിലെ ധനസമാഹരണ യജ്ഞം പരപ്പ ബ്ലോക്ക് പഞ്ചായത്തില്‍ ഉദ്ഘാടനം ചെയ്യുകയായിരുന്നു അദ്ദേഹം.

മന്ത്രി ഇ.ചന്ദ്രശേഖരന്റെ നേതൃത്വത്തില്‍ കാസര്‍കോട് താലൂക്കില്‍ നടന്ന ധനസമാഹരണ യജ്ഞത്തില്‍ ലഭിച്ചത്  51,31,404 രൂപ. താലൂക്ക് ഓഫീസ് അങ്കണത്തില്‍ നടന്ന സമാഹരണത്തില്‍ കാസര്‍കോട് പ്രസ് ക്ലബ് ആണ് ആദ്യതുക മന്ത്രിക്ക് കൈമാറിയത്. പ്രസ് ക്ലബ് പ്രസിഡന്റ് ടി.എ ഷാഫി, ട്രഷറര്‍ പത്‌മേഷ്, മുതിര്‍ന്ന മാധ്യമപ്രവര്‍ത്തകര്‍ സണ്ണിജോസഫ് എന്നിവര്‍ ചേര്‍ന്ന് 1,03000 രൂപയാണ് കാസര്‍കോട്ടെ മാധ്യമപ്രവര്‍ത്തകരുടെ സംഭാവനയായി നല്‍കിയത്. രണ്ടാമതായി ചെങ്ങമനാട് ഗ്രാമപഞ്ചായത്തിന്റെ ഏഴു ലക്ഷം രൂപയും ജില്ലയിലെബസ് ഉടമകളുടെ ഒരു ദിവസത്തെ കളക്ഷന്‍ തുകയായ 22,14,664 രൂപയും നല്‍കി.