പത്തനംതിട്ട എല്‍എ (ജനറല്‍) ആഫീസിലേക്ക് പ്രതിമാസ വാടകയില്‍ (ഡ്രൈവര്‍ ഉള്‍പ്പെടെ) വാഹനം ആവശ്യമുണ്ട്. ഈ മാസം 24ന് വൈകിട്ട് മൂന്ന് വരെ ക്വട്ടേഷന്‍ സ്വീകരിക്കും.          (പിഎന്‍പി 2857/18)

റാന്നി ഗവണ്‍മെന്റ്  ഐടിഐയില്‍ ഇലക്‌ട്രോണിക് മെക്കാനിക്ക് ട്രേഡില്‍ ഗസ്റ്റ് ഇന്‍സ്ട്രക്ടറുടെ ഒഴിവിലേക്ക് അപേക്ഷിക്കാം. ഇലക്‌ട്രോണിക്‌സ് ട്രേഡില്‍ എന്‍ജിനീയറിംഗ് ഡിഗ്രി/ഡിപ്ലോമ/എന്‍ടിസിയും മൂന്ന് വര്‍ഷത്തെ പ്രവൃത്തിപരിചയവും എന്‍എസിയും രണ്ട് വര്‍ഷത്തെ പ്രവൃത്തിപരിചയവുമാണ് യോഗ്യത. താത്പര്യമുള്ളവര്‍ അസല്‍ സര്‍ട്ടിഫിക്കറ്റുകള്‍ സഹിതം നാളെ (15) രാവിലെ 10ന് നടക്കുന്ന ഇന്റര്‍വ്യൂവിന് ഹാജരാകണം. ഫോണ്‍: 04735 221085.          (പിഎന്‍പി 2856/18)

മല്ലപ്പള്ളി കെല്‍ട്രോണ്‍ നോളജ് സെന്ററില്‍ ഈ മാസം 17ന് ആരംഭിക്കുന്ന ഓട്ടോകാഡ് 2ഡി, 3ഡി, 3ഡിഎസ് മാക്‌സ്, മീഡിയ ഡിസൈനിംഗ് കോഴ്‌സുകളിലേക്ക് അപേക്ഷ ക്ഷണിച്ചു. ഫോണ്‍: 0469 2785525.           (പിഎന്‍പി 2855/18) 

ശിശുക്ഷേമ സമിതി വാര്‍ഷിക പൊതുയോഗം ഈ മാസം 17ന് ജില്ലാ കളക്ടറുടെ ചേംബറില്‍ ചേരും.                            (പിഎന്‍പി 2854/18)

    സംസ്ഥാനത്തെ സര്‍ക്കാര്‍, എയ്ഡഡ്‌സ്‌കൂളുകളില്‍ ഒന്നുമുതല്‍ പത്തുവരെ ക്ലാസുകളില്‍ പഠിക്കുന്ന പിന്നോക്ക സമുദായങ്ങളില്‍ പെട്ട (ഒ ബി സി) വിദ്യാര്‍ത്ഥികളില്‍ നിന്നും ഈ അധ്യയനവര്‍ഷത്തെ ഒ ബി സി പ്രീ മെട്രിക് സ്‌കോളര്‍ഷിപ്പിനുള്ള അപേക്ഷ ക്ഷണിച്ചു. സെപ്റ്റംബര്‍ 25 വരെ സ്‌കൂളുകളില്‍ അപേക്ഷകള്‍ സ്വീകരിക്കും. ലഭിക്കുന്ന അപേക്ഷകള്‍ സ്‌കൂള്‍ അധികൃതര്‍ സെപ്റ്റംബര്‍ 30 നകം ഓണ്‍ലൈനായി സമര്‍പ്പിക്കണം. അപേക്ഷിക്കുന്ന വിദ്യാര്‍ത്ഥികള്‍ മുന്‍വര്‍ഷത്തെ പരീക്ഷയില്‍ 80 ശതമാനത്തില്‍ കുറയാത്ത മാര്‍ക്ക് നേടിയവരാകണം. വാര്‍ഷിക വരുമാനം രണ്ടര ലക്ഷം രൂപയില്‍ അധികമാകാന്‍ പാടില്ല.

    ഫിഷറീസ് വകുപ്പിന്റെ കീഴില്‍ സാഫ് (സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍ വുമണ്‍ ) - ന്റെ നേത്യത്വത്തില്‍ തീരനൈപുണ്യ പദ്ധതിയിലൂടെ മത്സ്യമേഖലയിലെ അഭ്യസ്ത വിദ്യരായ വനിതകള്‍ക്ക് 60 ദിവസത്തെ സൗജന്യ തൊഴില്‍ പരിശീലനം നല്‍കുന്നു.  പ്ലസ് ടു പാസായ 18 നും 35 നും ഇടയില്‍ പ്രായമുള്ള വനിതകളാണ് അപേക്ഷിക്കേണ്ടത്. പരിശീലനം പൂര്‍ത്തിയാക്കുന്നവര്‍ക്ക് 2500 രൂപ വീതം സ്റ്റൈപന്റും നല്‍കും.

    ജില്ലാ ആസൂത്രണ സമിതി യോഗം സെപ്റ്റംബര്‍ 18 ന് രാവിലെ 11 മണിക്ക് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ ചേരും.

    മട്ടന്നൂര്‍ ഇലക്ട്രിക്കല്‍ സെക്ഷന്‍ പരിധിയിലെ വെള്ളിയാംപറമ്പ്, വാച്ചാക്കില്‍, കുളത്തൂര്‍, മട്ടന്നൂര്‍ കോളേജ് ഭാഗങ്ങളില്‍ ഇന്ന് (സെപ്റ്റംബര്‍ 14) രാവിലെ എട്ട് മണി മുതല്‍ വൈകിട്ട് ആറ് മണി വരെ വൈദ്യുതി മുടങ്ങും.
    കാടാച്ചിറ ഇലക്ട്രിക്കല്‍ സെക്ഷന്‍ പരിധിയിലെ ആഡൂര്‍, ആഡൂര്‍ കനാല്‍, കോവിലകം, ആഡൂര്‍ വായനശാല, കാടാച്ചിറ എച്ച് എസ്, കാടാച്ചിറ രജിസ്ട്രാര്‍ ഓഫീസ് ഭാഗങ്ങളില്‍ ഇന്ന് (സെപ്റ്റംബര്‍ 14) രാവിലെ ഏഴര മുതല്‍ വൈകിട്ട് മൂന്ന് മണി വരെ വൈദ്യുതി മുടങ്ങും.

    പയ്യന്നൂര്‍ ഗവ. റസിഡന്റ് വനിതാ പോളിടെക്‌നിക് കോളേജിലെ ഒന്നാംവര്‍ഷ പ്രവേശനത്തിന് ഇന്‍സ്ട്രുമെന്റേഷന്‍ എഞ്ചിനീയറിങ് ഡിപ്ലോമ കോഴ്‌സില്‍ ഒഴിവുള്ള മൂന്ന് സീറ്റുകളിലേക്കും കമ്പ്യൂട്ടര്‍ എഞ്ചിനീയറിങ് ഡിപ്ലോമ കോഴ്‌സില്‍ ഒഴിവുള്ള ഒരു സീറ്റിലേക്കുമുള്ള സ്‌പോട്ട് അഡ്മിഷന്‍ സെപ്റ്റംബര്‍ 15 ന് കോളേജില്‍ നടക്കും. കേരളത്തിലെ ഏതെങ്കിലും പോളിടെക്‌നിക് കോളേജില്‍  അപേക്ഷ സമര്‍പ്പിച്ച് റാങ്ക് ലിസ്റ്റില്‍ പേരുള്ള മുഴുവന്‍ വിദ്യാര്‍ഥിനികള്‍ക്കും പങ്കെടുക്കാം.