പ്രളയക്കെടുതിയുമായി ബന്ധപ്പെട്ട് ജില്ലയിലെ ദുരിതാശ്വാസ ക്യാമ്പുകളില്‍ ഇനി ബാക്കിയുള്ളത് 114 പേര്‍. തിരുവല്ല താലൂക്കിലെ ഒരു ക്യാമ്പില്‍ 17 കുടുംബങ്ങളിലെ 44 പേരും കോഴഞ്ചേരി താലൂക്കിലെ ഒരു ക്യാമ്പില്‍ 27 കുടുംബങ്ങളിലെ 70 പേരുമാണ് കഴിയുന്നത്.                          (പിഎന്‍പി 2868/18) 

ശബരിമലയില്‍ ഈമാസം 16ന് ആരംഭിക്കുന്ന കന്നിമാസ പൂജ മുതല്‍ നിലയ്ക്കല്‍ ബെയ്സ് ക്യാമ്പ് വരെ മാത്രമേ സ്വകാര്യ വാഹനങ്ങള്‍ അനുവദിക്കുകയുള്ളു. ടുവീലറിനും, ത്രീവീലറിനും ഫോര്‍വീലറിനും ഇതു ബാധകമാണ്. നിലയ്ക്കല്‍ നിന്നും കെഎസ്ആര്‍ടിസിയുടെ ചെയിന്‍ സര്‍വീസില്‍ തീര്‍ഥാടകരെ പമ്പയില്‍ എത്തിക്കും.

                          (പിഎന്‍പി 2867/18)

കോഴഞ്ചേരി ഗവണ്‍മെന്റ് ഹൈസ്‌കൂള്‍ കോംപൗണ്ടിലുള്ള ആറ് തേക്ക് മരങ്ങളുടെ വില്‍പ്പനയ്ക്കുള്ള ടെന്‍ഡര്‍ ക്ഷണിച്ചു. ടെന്‍ഡര്‍ സ്വീകരിക്കുന്ന അവസാന തീയതി ഈ മാസം 19. ഫോണ്‍:9446565413.          (പിഎന്‍പി 2864/18)

ജില്ലയിലെ പ്രളയബാധിത പ്രദേശങ്ങളില്‍ ഡിജിപി ലോക്‌നാഥ് ബെഹ്‌റ സന്ദര്‍ശനം നടത്തുകയും ഉന്നത പോലീസ് ഉദേ്യാഗസ്ഥരുടെ യോഗം ചേര്‍ന്ന് ആവശ്യമായ നിര്‍ദേശങ്ങള്‍ നല്‍കുകയും ചെയ്തു. ജില്ലയിലെ പ്രളയബാധിത മേഖലകളില്‍ വിതരണം ചെയ്യുന്നതിനായി കേരളത്തിലെ വിവിധ പോലീസ് യൂണിറ്റുകള്‍ ശേഖരിച്ച ജീവന്‍രക്ഷാ മരുന്നുകള്‍ തിരുവല്ലയില്‍ നടന്ന ചടങ്ങില്‍ ഇന്‍ഡ്യന്‍ ഇന്‍സ്റ്റിറ്റ്യൂട്ട് ഓഫ് എമര്‍ജന്‍സി മെഡിക്കല്‍ സര്‍വീസ് ടീം മാനേജര്‍ മിഥുന്‍രാജിന് ഡിജിപി കൈമാറി. ജില്ലാ പോലീസ് മേധാവി ടി.നാരായണന്‍, തിരുവല്ല ഡിവൈഎസ്പി സന്തോഷ്‌കുമാര്‍ തുടങ്ങിയവര്‍ പങ്കെടുത്തു. 

       (പിഎന്‍പി 2862/18)