കാലവര്‍ഷക്കെടുതിയില്‍ ഓരോ വകുപ്പുകള്‍ക്കും ഉണ്ടായിട്ടുള്ള നാശനഷ്ടങ്ങള്‍ വിലയിരുത്തുന്നതിനായുള്ള യോഗം 15 ന് രാവിലെ 11 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.  നാശനഷ്ടങ്ങളുടെ വ്യക്തമായ കണക്ക് സഹിതം ഉത്തരവാദപ്പെട്ട ഉദേ്യാഗസ്ഥര്‍ യോഗത്തില്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.
 

    ആര്‍ ടി എ യോഗം സെപ്റ്റംബര്‍ 27 ന് രാവിലെ 11 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.

    തലശ്ശേരി ഗവ.ബ്രണ്ണന്‍ കോളേജില്‍ 2008-2009 അധ്യയന വര്‍ഷം മുതല്‍ 2013-2014 കാലയളവില്‍ പ്രവേശനം നേടിയ വിദ്യാര്‍ഥികളുടെ കോഷന്‍ ഡെപ്പോസിറ്റ് തുക കൈപ്പറ്റാന്‍ ബാക്കിയുള്ള വിദ്യാര്‍ഥികള്‍ സെപ്റ്റംബര്‍ 24 ന് രണ്ട് മണിക്ക് മുമ്പ് തുക കൈപ്പറ്റേണ്ടതാണ്.  അല്ലാത്ത പക്ഷം തുക സര്‍ക്കാരിലേക്ക് തിരിച്ചടക്കുന്നതാണെന്ന് പ്രിന്‍സിപ്പല്‍ അറിയിച്ചു.

    സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ വാഹന വായ്പാ (ഓട്ടോ റിക്ഷ, ഗുഡ്‌സ് കാരിയര്‍, ടാക്‌സി കാര്‍ ഉള്‍പ്പെടെയുള്ള കൊമേഴ്‌സ്യല്‍ വാഹനങ്ങള്‍ വാങ്ങുവാന്‍) പദ്ധതി പ്രകാരം  വായ്പ  അനുവദിക്കുന്നതിന് ജില്ലയിലെ പട്ടികജാതിയില്‍പ്പെട്ട തൊഴില്‍ രഹിതരായ യുവതീ യുവാക്കളില്‍ നിന്നും അപേക്ഷ ക്ഷണിച്ചു. പരമാവധി വായ്പാ തുക പത്ത് ലക്ഷം രൂപ

    ഭാരതീയ ചികിത്സാ വകുപ്പിന്റെ കണ്ണൂര്‍ ജില്ലാ മെഡിക്കല്‍ ഓഫീസര്‍ക്ക് കീഴിലുള്ള സ്ഥാപനങ്ങളില്‍ മെഡിക്കല്‍ ഓഫീസര്‍(ആയുര്‍വേദം) തസ്തികയില്‍ ദിവസവേതനാടിസ്ഥാനത്തില്‍ നിയമനം നടത്തുന്നു. ബി എ എം എസ്, ടി സി എം കൗണ്‍സില്‍  രജിസ്‌ട്രേഷന്‍ സര്‍ട്ടിഫിക്കറ്റ് യോഗ്യതയുള്ള ഉദേ്യാഗാര്‍ത്ഥികള്‍ 25ന് രാവിലെ 10.30 ന് ഭാരതീയ ചികിത്സാ വകുപ്പ് സിവില്‍ സ്റ്റേഷന്‍ അഡീഷണല്‍ ബ്ലോക്കിലുള്ള ഓഫീസില്‍ അസ്സല്‍ സര്‍ട്ടിഫിക്കറ്റുകളുമായി കൂടിക്കാഴ്ചക്ക് ഹാജരാകണം.  ഫോണ്‍: 0497 2700911.

    സാംസ്‌കാരിക വകുപ്പിന്റെ കീഴില്‍ ആറന്‍മുളയില്‍ പ്രവര്‍ത്തിക്കുന്ന വാസ്തുവിദ്യാ ഗുരുകുലം വാസ്തുവിദ്യയില്‍ കറസ്‌പോണ്ടന്‍സ് കോഴ്‌സിന് അപേക്ഷ ക്ഷണിച്ചു.  ഒരു വര്‍ഷത്തെ കോഴ്‌സിന്റെ യോഗ്യത അംഗികൃത സര്‍വകലാശാല ബിരുദമാണ്.   ത്രിവത്സര പോളിടെക്‌നിക് ഡിപ്ലോമ ഉള്ളവരെയും പരിഗണിക്കും.  ആകെ സീറ്റ് 300.  കോഴ്‌സ് ഫീസ് 17,700 രൂപ.   

    സംസ്ഥാനത്തെ ഒ ബി സി വിഭാഗത്തില്‍പ്പെട്ട അരിവാള്‍കോശ വിളര്‍ച്ച രോഗികള്‍ക്ക്/രോഗികളുടെ രക്ഷിതാക്കള്‍ക്ക് സ്വയംതൊഴില്‍ കണ്ടെത്തുന്നതിനുള്ള പദ്ധതിക്ക് പിന്നാക്ക വിഭാഗ വികസന വകുപ്പ് അപേക്ഷ ക്ഷണിച്ചു.  50 വയസ് കവിയാത്തവരും കുടുംബ വാര്‍ഷിക വരുമാനം രണ്ട് ലക്ഷത്തില്‍ അധികരിക്കാത്തവരുമായിരിക്കണം അപേക്ഷകര്‍.  കൂടുതല്‍ വിവരങ്ങള്‍ www.eep.bcdd.kerala.gov.in ലും 0495 2377786 ലും ലഭിക്കും.

    വ്യാജമദ്യത്തിന്റെ ഉല്‍പാദനവും വിതരണവും തടയുന്നതിനും ബോധവല്‍ക്കരണ പ്രവര്‍ത്തനങ്ങള്‍ ശക്തിപ്പെടുത്തുന്നതിനുമായി രൂപംകൊണ്ട ജില്ലാതല ജനകീയ കമ്മിറ്റിയുടെ അവലോകന യോഗം സെപ്റ്റംബര്‍ 15 ന് രാവിലെ 11 മണിക്ക് എ ഡി എമ്മിന്റെ ചേംബറില്‍ ചേരും.

    കാടാച്ചിറ ഇലക്ട്രിക്കല്‍ സെക്ഷന്‍ പരിധിയിലെ ചാല വെസ്റ്റ്, സ്‌ക്വയര്‍ഫീറ്റ് വില്ല, ഹോംഫോര്‍, ചാല ഈസ്റ്റ്, എസ് ഐ റോഡ്, ദിനേശ് ഭാഗങ്ങളില്‍ ഇന്ന് (സെപ്റ്റംബര്‍ 13) രാവിലെ ഏഴര മുതല്‍ വൈകിട്ട് മൂന്ന് മണി വരെ വൈദ്യുതി മുടങ്ങും.
    പാട്യം ഇലക്ട്രിക്കല്‍ സെക്ഷന്‍ പരിധിയിലെ പൂവത്തൂര്‍ പാലം, പുളിയന്‍ പീടിക, മുണ്ടയോട് കോളനി ഭാഗങ്ങളില്‍ ഇന്ന് (സെപ്റ്റംബര്‍ 13) രാവിലെ 10 മണി മുതല്‍ ഒരു മണി വരെ വൈദ്യുതി മുടങ്ങും.