കുടുംബ സംഗമത്തിനായി മാറ്റി വെച്ച ഒരു ലക്ഷം രൂപയുമായാണ് മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള ധന സമാഹരണ ക്യാമ്പിലേക്ക് തിരൂരിലെ കിഴക്കാം കുന്നത്ത് കുടുംബാംഗങ്ങള്‍ എത്തിയത്. തുക കുറഞ്ഞ് പോയെന്ന ആമുഖത്തോടെയാണ് കുടുംബ കാരണവരായ മുഹമ്മദലി എന്ന ബാവ മന്ത്രി കെ ടി ജലീലിന് ചെക്ക് കൈമാറിയത്.  കുടുംബ സംഗമത്തിനായി പിരിച്ചെടുത്ത തുക ദുരിതാശ്വാസ നിധിയിലേക്ക് െൈകെമാറിയ പ്രവൃത്തിയെ  മന്ത്രിയും അഭിനന്ദിച്ചു.

കേന്ദ്ര ന്യൂനപക്ഷ മന്ത്രാലയം ലോകബാങ്കിന്റെ സഹായത്തോടെ ജില്ലയില്‍ നടപ്പാക്കുന്ന നയിമന്‍സില്‍ പദ്ധതിയുടെ ഭാഗമായുള്ള രണ്ടു ദിവസത്തെ ബ്രിഡ്ജ് മെറ്റീരിയല്‍ ശില്‍പ്പശാല മലപ്പുറത്ത് ആരംഭിച്ചു. പദ്ധതി ഗുണഭോക്താക്കളുടെ പഠന നിലവാരം മെച്ചപ്പെടുത്തുന്നതിനും ലളിതമാക്കുന്നതിനും വേണ്ടിയുള്ള മൊഡ്യൂള്‍ തയ്യാറാക്കുന്നതിനാണ് ശില്‍പ്പശാല.  നയി മന്‍സില്‍ പദ്ധതിയില്‍ ഉള്‍പ്പെട്ട ഗുണഭോക്താക്കള്‍ക്ക് പത്താം തരം പഠനവും തൊഴില്‍ പരിശീലനവുമാണ് നല്‍കുന്നത്.

കാലവര്‍ഷക്കെടുതിെയ തുടര്‍ന്നുണ്ടായ നാശ നഷ്ടങ്ങള്‍ വിലയിരുത്തുതിനായി സംസ്ഥാനത്തെത്തിയ ലോകബാങ്ക്, എ.ഡി.ബി സംയുക്ത സംഘം ഇന്ന് (സെപ്തം 14) ജില്ലയിലെത്തും. ഇന്നും നാളെയുമായി ജില്ലയിലെ വിവിധ ദുരിത ബാധിത പ്രദേശങ്ങള്‍ സന്ദര്‍ശിക്കുന്ന സംഘം ജനപ്രതിനിധികളുമായും മുതിര്‍ന്ന ഉദ്യോഗസ്ഥരുമായും സംവദിക്കും. വ്യത്യസ്ത മേഖലകളില്‍ നിന്നുള്ള  എട്ടംഗ വിദഗ്ധസംഘമാണ് ജില്ലയിലെത്തുന്നത്.

മുഖ്യമന്ത്രിയുടെ ദുരിതാശ്വാസ നിധിയിലേക്ക് മലപ്പുറം ജില്ലയിലെ സ്‌കൂളുകളില്‍ നിന്ന് ലഭിച്ചത് രണ്ട് കോടി അമ്പത് ലക്ഷത്തി അന്‍പത്തി ഏഴായിരം രൂപ.  1764 സ്‌കൂളുകളില്‍ നിന്നാണ് ഈ തുക സമാഹരിച്ചത്. സംസ്ഥാനത്ത് ഏറ്റവും തുക വിദ്യാലയങ്ങളില്‍ നിന്ന് സമാഹരിച്ചു എന്നതും ജില്ലയുടെ അഭിമാനകരമായ നേട്ടമായി.
11, 12 തീയതികളിലായാണ് വിദ്യാലയങ്ങളില്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് തുക സ്വരൂപിച്ചത്.  സ്‌കൂളുകളില്‍ നിന്ന് ഏറ്റവും അധികം തുക സമാഹരിച്ചത് മലപ്പുറം ജില്ലയാണ്.

    ജില്ലയിലെ 2017 വര്‍ഷത്തെ വാര്‍ഷിക റിട്ടേണുകള്‍ സമര്‍പ്പിക്കാത്ത ട്രേഡ് യൂണിയനുകള്‍ ഗസറ്റഡ് ഓഫീസര്‍ സാക്ഷ്യപ്പെടുത്തിയ നിയമാവലിയുടെയും രജിസ്‌ട്രേഷന്‍ സര്‍ട്ടിഫിക്കറ്റിന്റെയും പകര്‍പ്പുകള്‍ സഹിതം ജില്ലാ ലേബര്‍ ഓഫീസര്‍ സമര്‍പ്പിക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു.  ഫോണ്‍ 0483 2734814.

മലപ്പുറം നഗരസഭയില്‍ വിവിധ റിപ്പോര്‍ട്ടുകളുടെ അടിസ്ഥാനത്തില്‍ തടഞ്ഞ് വെച്ച സാമൂഹ്യ സുരക്ഷാ പെന്‍ഷനുകള്‍ പുന:സ്ഥാപിക്കുന്നതുമായി ബന്ധപ്പെട്ട് സെപ്തംബര്‍ 15, 16 തിയ്യതികളില്‍ നഗരസഭാ കാര്യാലയത്തില്‍ നടത്താന്‍ നിശ്ചയിച്ചിരുന്ന അദാലത്ത് താല്‍ക്കാലികമായി മാറ്റിവെച്ചു.

സര്‍ക്കാര്‍ /എയ്ഡഡ് സ്‌കൂളുകളില്‍ ഒന്നു മുതല്‍ പത്തുവരെ ക്ലാസ്സുകളില്‍ പഠിക്കുന്ന പിന്നാക്ക സമുദായങ്ങളില്‍പ്പെട്ട വിദ്യാര്‍ഥികളില്‍ നിന്നും ഒ.ബി.സി പ്രീടമെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു.  സെപ്തംബര്‍ 25 വരെ വിദ്യാലയങ്ങളില്‍ അപേക്ഷ സ്വീകരിക്കും. വിദ്യാഭ്യാസ ആനുകൂല്യം ലഭിക്കുന്ന മൈനോറിറ്റി വിഭാഗങ്ങള്‍, ഒ.ഇ.സി, ഒ.ബി.സി വിഭാഗങ്ങള്‍ അപേക്ഷിക്കേണ്ടതില്ല.  വാര്‍ഷിക വരുമാനം 2.5 ലക്ഷത്തില്‍ കൂടാന്‍ പാടില്ല.  അപേക്ഷകര്‍ മുന്‍ വര്‍ഷ പരീക്ഷയില്‍ 80 ശതമാനത്തില്‍ കൂടുതല്‍ മാര്‍ക്ക് നേടിയവരായിരിക്കണം.  കൂടുതല്‍ വിവരങ്ങള്‍ www.scholarship.itschool.gov.in ല്‍ ലഭിക്കും.  

മലപ്പുറം ഗവണ്‍മെന്റ് കോളേജില്‍ ബി.എ. അറബിക്, ബി.എസ്.സി. ഫിസിക്‌സ്  വിഭാഗങ്ങളില്‍ എസ്.സി. വിഭാഗങ്ങള്‍ക്ക് സീറ്റുകള്‍ ഒഴിവുണ്ട്. ക്യാപ് രജിസ്‌ട്രേഷന്‍ നിലനില്‍ക്കുന്ന വിദ്യാര്‍ത്ഥികള്‍ സെപ്തംബര്‍ 15ന് രാവിലെ  11 നകം സര്‍ട്ടിഫിക്കറ്റുകള്‍ സഹിതം കോളേജില്‍ എത്തണം.