സംസ്ഥാനത്താകെ ദുരിതം വിതച്ച പ്രളയത്തില്‍ നഷ്ടങ്ങളുടെ കണക്കു മാത്രമേ കാരശ്ശേരി പഞ്ചായത്തിനുള്ളൂ. പ്രളയത്തോടൊപ്പം പൊട്ടിപ്പുറപ്പെട്ട ഉരുള്‍പ്പൊട്ടലും ഏറ്റവും കൂടുതല്‍ ബാധിച്ചതും മലയോര മേഖലയില്‍ പെടുന്ന കാരശ്ശേരിയില്‍ തന്നെ. 23 തവണയായി അനുഭവപ്പെട്ട ഉരുള്‍പൊട്ടലിനും നാടിന് നാശം വിതച്ച് പോയ പ്രളയത്തിനും മുഖം കൊടുക്കാതെ നവകേരള നിര്‍മ്മിതിയ്ക്കായി തങ്ങളെക്കൊണ്ട് ആവുന്ന വിധം സഹായിക്കുകയാണ് പഞ്ചായത്ത്. ഇതിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തത് 11 ലക്ഷം രൂപ. 

നവകേരള നിര്‍മ്മിതിയ്ക്കു വേണ്ടി മുഖ്യമന്ത്രിയുടെ ദുരിതാശ്വാസ നിധിയിലേക്ക് മന്ത്രിമാരുടെയും ജനപ്രതിനിധികളുടെയും ഉദ്യോഗസ്ഥരുടേയും നേതൃത്വത്തില്‍ നടക്കുന്ന വിഭവ സമാഹരണത്തില്‍ മുക്കത്ത് നിന്നും ലഭിച്ചത് 65,24000 രൂപ. മുക്കം സര്‍വീസ് സഹകരണ ബാങ്ക് ഓഡിറ്റോറിയത്തില്‍ നടന്ന വിഭവസമാഹരണത്തില്‍ വിദ്യാര്‍ത്ഥികളും വനിതകളും മത സാമൂഹിക, സാംസ്‌കാരിക സംഘടനകളും തുക തൊഴില്‍ എക്സൈസ് വകുപ്പ് മന്ത്രി ടി. പി. രാമകൃഷണന് കൈമാറി.

മൂന്ന് ദിവസങ്ങളായി നടക്കുന്ന വിഭവസമാഹരണത്തില്‍ നല്ല നിലയിലാണ് ജനങ്ങള്‍ പ്രതികരിക്കുന്നതെന്ന് തൊഴില്‍-എക്സൈസ് മന്ത്രി ടി പി രാമകൃഷ്ണന്‍ പറഞ്ഞു. ശേഖരിക്കുന്ന തുകയുടെ കണക്ക് അതാത് ദിവസം പ്രസിദ്ധീകരിക്കുന്നുണ്ട്. ജനങ്ങള്‍ തരാനുള്ള ഒരു അവസരമുണ്ടാക്കുകയെന്നതാണ് ഇതിലൂടെ ലക്ഷ്യമിടുന്നത്. തുടര്‍ന്നും ഫണ്ട് സ്വീകരിക്കാനുള്ള നടപടികളുണ്ടാകും. കരിഞ്ചോലമലയിലെ ഉരുള്‍പൊട്ടി ദുരിതത്തിലായ കുടുംബങ്ങളുടെ പുനരധിവാസത്തിന് സര്‍ക്കാര്‍ ആവശ്യമായ എല്ലാ നടപടികളും സ്വീകരിച്ചിട്ടുണ്ടെന്ന് മന്ത്രി ടി പി രാമകൃഷ്ണന്‍ പറഞ്ഞു. ഇനിയും ആവശ്യമായ സഹായങ്ങള്‍ ലഭ്യമാക്കുമെന്നും മന്ത്രി അറിയിച്ചു. 

പ്രകൃതിക്ഷോഭത്തില്‍ ഉള്ളുലഞ്ഞിട്ടും മുഖ്യമന്ത്രിയുടെ ദുരിതാശ്വാസ നിധിയിലേക്ക് സഹായം നല്‍കാന്‍ കൈകോര്‍ത്ത് മലയോര ജനത. പ്രകൃതിക്ഷോഭത്തിലും മഴക്കെടുതിയിലും ജില്ലയില്‍ കുടുതല്‍ മരണവും നാശനഷ്ടങ്ങളും നേരിട്ട താലൂക്കാണ് താമരശേരി. ദുരന്തത്തില്‍പ്പെട്ടവര്‍ക്ക് ക്യാമ്പുകളിലും വസ്ത്രങ്ങളും വീട്ടുപകരണങ്ങളുമടക്കം വലിയസഹായങ്ങളാണ് ഇവിടുത്തെ ജനം നല്‍കിയത്. വ്യാഴാഴ്ച താമരശേരി റെസ്റ്റ്ഹൗസില്‍ തൊഴില്‍-എക്സൈസ് വകുപ്പ് മന്ത്രി ടി പി രാമകൃഷ്ണന്റെ നേതൃത്വത്തില്‍ നടന്ന മുഖ്യമന്ത്രിയുടെ ദുരിതാശ്വാസനിധിയിലേക്കുള്ള ധനസമാഹരണത്തിനും നല്ല പിന്തുണയാണ് ലഭിച്ചത്.

മാനന്തവാടി ഗവ.എഞ്ചിനീയറിംഗ് കോളജില്‍ ഒഴിവുള്ളതും ഒഴിവു വരുന്നതുമായ ഒന്നാം വര്‍ഷ ബി.ടെക് സീറ്റുകളിലേക്ക് സെപ്തംബര്‍ 18ന് സ്‌പോട്ട് അഡ്മിഷന്‍ നടത്തും.  റാങ്ക് ലിസ്റ്റില്‍ ഉള്‍പ്പെട്ടവര്‍ രേഖകളുമായി ഉച്ചയ്ക്ക് 12നകം രജിസ്റ്റര്‍ ചെയ്യണം.   വിവരങ്ങള്‍ക്ക് www.gecwyd.ac.in.

ആലപ്പുഴ: വിദ്യാഭ്യാസ വകുപ്പിൽ യു.പി. സ്‌കൂൾ അസിസ്റ്റന്റ് മലയാളം മീഡിയം  (കാറ്റഗറി നമ്പർ 386/4) തസ്തികയുടെ മാറ്റിവെച്ച ഓഗസ്റ്റ് 16,17,18 തീയതികളിലെ അഭിമുഖം സെപ്റ്റംബർ 17,18, 19 തീയതികളിൽ കേരള പബ്ലിക് സർവ്വീസ് കമ്മീഷൻ തിരുവന്തപുരം ആസ്ഥാനത്ത് നടത്തും. എസ്.എം.എസ്. പ്രൊഫൈൽ സന്ദേശം നൽകിയിട്ടുണ്ട്. ഉദ്യോഗാർഥികൾ ബന്ധപ്പെട്ട പ്രമാണങ്ങളുടെ അസൽ ഒ.റ്റി.ആർ വെരിഫിക്കേഷൻ സർട്ടിഫിക്കറ്റ് എന്നിവ സഹിതം നിശ്ചിത സമയത്തും തീയതിയിലും തിരുവനന്തപുരം കേരള പബ്ലിക് സർവ്വീസ് കമ്മീഷന്റെ ഓഫീസിൽ ഹാജരാകണം.

ആലപ്പുഴ: വിദ്യാഭ്യാസ വകുപ്പിൽ എച്ച്.എസ്.എ (നാച്വറൽ സയൻസ്) (മലയാളം മീഡിയം- തസ്തികമാറ്റം വഴി)  (കാറ്റഗറി നമ്പർ 262/17) തസ്തികയുടെ തിരഞ്ഞെടുപ്പിനായി ഒ.റ്റി.ആർ. വെരിഫിക്കേഷൻ പൂർത്തിയാക്കിയവർക്ക് കേരള പബ്ലിക് സർവ്വീസ് കമ്മീഷൻ കോഴിക്കോട് മേഖല ഓഫീസിൽ  സെപ്റ്റംബർ 19ന് അഭിമുഖം നടത്തും. എസ്.എം.എസ്. പ്രൊഫൈൽ സന്ദേശം നൽകിയിട്ടുണ്ട്. ഉദ്യോഗാർഥികൾ ബന്ധപ്പെട്ട പ്രമാണങ്ങളുടെ അസൽ ഒ .റ്റി.ആർ വെരിഫിക്കേഷൻ സർട്ടിഫിക്കറ്റ് എന്നിവ സഹിതം നിശ്ചിത സമയത്തും തീയതിയിലും നിശ്ചിത  ഓഫീസിൽ ഹാജരാകണം.