പ്രളയത്തെത്തുടര്‍ന്ന് അദ്ധ്യയന ദിവസങ്ങള്‍ നഷ്ടപ്പെട്ട സാഹചര്യത്തില്‍ കോഴ്‌സുകള്‍ സമയബന്ധിതമായി പൂര്‍ത്തിയാക്കുന്നതിന് ശനിയാഴ്ച ഉള്‍പ്പെടെയുള്ള ദിവസങ്ങളില്‍ ആവശ്യമായ ക്രമീകരണങ്ങള്‍ ഏര്‍പ്പെടുത്തി ക്ലാസുകള്‍ നടത്തണമെന്ന് ഉന്നത വിദ്യാഭ്യാസ വകുപ്പ് കോളേജുകള്‍ക്കും സര്‍വ്വകലാശാലകള്‍ക്കും നിര്‍ദ്ദേശം നല്‍കിയതായി ഉന്നതവിദ്യാഭ്യാസ മന്ത്രിയുടെ ഓഫീസ് അറിയിച്ചു.

* 15നും 17നും 25നും മൂന്നുമേഖലകളിലായി ശില്‍പശാല

സംസ്ഥാനത്തെ പട്ടികജാതി പട്ടികവര്‍ഗ സഹകരണ സംഘങ്ങളെ മൂന്നുവര്‍ഷം കൊണ്ട് സ്വയംപര്യാപ്തമാക്കാന്‍ സഹകരണ വകുപ്പ് ആവിഷ്‌കരിച്ച 'പുനര്‍ജനി' പദ്ധതിയുടെ ആദ്യഘട്ടം 2018-19 സാമ്പത്തികവര്‍ഷം ആരംഭിക്കും. ഇതിന്റെ വിശദാംശങ്ങള്‍ ചര്‍ച്ച ചെയ്യാനായി തിരഞ്ഞെടുക്കപ്പെട്ട സംഘം ഭാരവാഹികളെ പങ്കെടുപ്പിച്ച് മൂന്നുമേഖലകളിലായി ശില്‍പശാല നടത്തും. സെപ്റ്റംബര്‍ 15ന് എറണാകുളം ജില്ലാ സഹകരണ ബാങ്ക് ഹാളിലും, 17ന് കോഴിക്കോട് ജില്ലാ സഹകരണ ബാങ്ക് ഹാളിലും 25ന് തിരുവനന്തപുരം സംസ്ഥാന സഹകരണ സംഘം രജിസ്ട്രാര്‍ ഓഫീസിലുമാണ് ശില്‍പശാല. 

നവകേരളം പണിതുയര്‍ത്താന്‍ കിളിമാനൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ കുട്ടികള്‍ ശേഖരിച്ചത് 47, 148 രൂപ. ഹൈസ്‌കൂള്‍, യുപി വിഭാഗങ്ങളില്‍ നിന്നായി  40,660 രൂപയും ഹയര്‍സെക്കന്‍ഡറി വിഭാഗത്തില്‍ നിന്നായി 6,488 രൂപയുമാണ് ദുരിതാശ്വാസ ഫണ്ടിലേക്ക് നല്‍കിയത്.

പ്രളയക്കെടുതിയില്‍നിന്നു കരകയറുന്ന കേരളത്തിന്റെ പുനര്‍നിര്‍മാണത്തിനായി ചിറയിന്‍കീഴ് താലൂക്കിന്റെ സംഭാവന 1.46 കോടി രൂപ. ആറ്റിങ്ങല്‍ മുന്‍സിപ്പല്‍ ടൗണ്‍ ഹാളില്‍ ഇന്നലെ (14 സെപ്റ്റംബര്‍) രാവിലെ പതിനൊന്നു മുതല്‍ രണ്ടുമണിക്കൂര്‍ നീണ്ടുനിന്ന ധനശേഖരണത്തിലൂടെ 1,46,90,453 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്കെത്തി. ടൂറിസം സഹകരണ ദേവസ്വം മന്ത്രി കടകംപള്ളി സുരേന്ദ്രന്റെ നേതൃത്വത്തില്‍ നടന്ന ധനശേഖരണ യജ്ഞത്തില്‍ വന്‍ ജനപങ്കാളിത്തമുണ്ടായി.

        ഉരുള്‍പൊട്ടലും മണ്ണിടിച്ചിലും പ്രളയക്കെടുതിയിലും ജില്ലയിലുണ്ടായ
നാശനഷ്ടങ്ങള്‍ വിലയിരുത്തുന്നതിന് എത്തിയ ലോകബാങ്ക് -ഏഷ്യന്‍
ഡെവലപ്‌മെന്റ് ബാങ്ക് പ്രതിനിധികള്‍ക്ക് ജില്ലയിലുണ്ടായ പ്രകൃതി
ദുരന്തത്തിന്റെ വ്യാപ്തി ബോധ്യമായി. കഴിഞ്ഞ രണ്ട് ദിവസങ്ങളിലായി
ജില്ലയിലെ വിവിധ പ്രദേശങ്ങളില്‍ സന്ദര്‍ശനം നടത്തിയ സംഘം റോഡ് ഗതാഗതം,
ഭവനം, കൃഷി, പൊതുനിര്‍മ്മിതികള്‍, അടിസ്ഥാന സൗകര്യങ്ങള്‍, ജീവനോപാധികള്‍
എന്നിവക്ക് നേരിട്ട വ്യാപകമായ നാശനഷ്ടങ്ങള്‍ നേരിട്ട് ബോധ്യമായതായി
വെളിപ്പെടുത്തി. ജില്ലയിലെ സന്ദര്‍ശനത്തിന് ശേഷം ഇടുക്കി ഗവ.

        തൊടുപുഴ താലൂക്കില്‍ മണക്കാട് വില്ലേജില്‍ പാര്‍വ്വതി ഫുഡ്‌സ് എന്ന
സ്ഥാപനത്തില്‍  നിന്നും വില്‍പ്പന നികുതി കുടിശ്ശിക വസൂലാക്കുന്നതിനായി
ജപ്തി ചെയ്ത ജംഗമവസ്തുക്കള്‍ സെപ്തംബര്‍ 26ന് രാവിലെ 11ന് മണക്കാട്
വില്ലേജ് ഓഫീസില്‍ പരസ്യമായി ലേലം ചെയ്ത് വില്‍പ്പന നടത്തും. കൂടുതല്‍
വിവരങ്ങള്‍ക്ക് മണക്കാട് വില്ലേജ് ഓഫീസുമായി ബന്ധപ്പെടണം.

        വണ്ടിപ്പെരിയാര്‍ സര്‍ക്കാര്‍ പോളിടെക്‌നിക് കോളേജില്‍ ഒഴിവുള്ള
സീറ്റുകളില്‍ ഇലക്ട്രോണിക്‌സ് എഞ്ചിനീയറിംഗ്, കമ്പ്യൂട്ടര്‍
എഞ്ചിനീയറിംഗ് പ്രവേശനത്തിനുള്ള സ്‌പോട്ട് അഡ്മിഷന്‍ സെപ്തംബര്‍ 15ന്
നടക്കും. രജിസ്‌ട്രേഷന്‍ രാവിലെ 10 മുതല്‍ 12 വരെ. പ്രവേശന നടപടികള്‍
1.30ന് ആരംഭിക്കും. പ്രവേശനം ആഗ്രഹിക്കുന്ന വിദ്യാര്‍ത്ഥികള്‍ അഡ്മിഷന്‍
സമയത്ത് ഒറിജിനല്‍ സര്‍ട്ടിഫിക്കറ്റും കോഴ്‌സ് ഫീസും നല്‍കണം.  കൂടുതല്‍
വിവരങ്ങള്‍ക്ക്  ംംം.ുീഹ്യമറാശശൈീി.ീൃഴ എന്ന വെബ്‌സൈറ്റ് സന്ദര്‍ശിക്കണം.
ഫോണ്‍ 04869 253710.

        എസ്.സി. ഇ.ആര്‍. ടി കേരള യൂണിസെഫുമായി ചേര്‍ന്ന് പ്രളയബാധിത
പ്രദേശങ്ങളിലെ സ്‌കൂളുകളില്‍ നടപ്പാക്കുന്ന പ്രത്യേക കൗണ്‍സലിംഗ്
പരിപാടിക്ക് ജില്ലയില്‍ തുടക്കമായി. ജില്ലയിലെ തിരഞ്ഞെടുത്ത 50 അധ്യാപകരെ
പങ്കെടുപ്പിച്ചുകൊണ്ടുള്ള 'ട്രെയിനിങ് ഫോര്‍ ട്രെയിനെര്‍സ്' എന്ന
പരിപാടിക്കാണ് തൊടുപുഴയില്‍ തുടക്കം കുറിച്ചത്. തൊടുപുഴ മുനിസിപ്പല്‍
ചെയര്‍പേഴ്സണ്‍ മിനി മധു പരിപാടി ഉദ്ഘാടനം ചെയ്തു. ഇടുക്കി വിദ്യാഭ്യാസ
ജില്ലാ ഉപഡയറക്ടര്‍ ദീപ മാര്‍ട്ടിന്‍, പൊതുവിദ്യാഭ്യാസ സംരക്ഷണ യജ്ഞം
ജില്ലാ കോര്‍ഡിനേറ്റര്‍ കെ എ ബിനുമോന്‍, ഇടുക്കി  ഡയറ്റ് പ്രിന്‍സിപ്പല്‍