വിജയദശമി ദിവസം രാവിലെ ഇലവുംതിട്ട സരസകവി മൂലൂര്‍ സ്മാരകത്തില്‍ വിദ്യാരംഭ ചടങ്ങുകള്‍ നടക്കും. ഏഴാച്ചേരി രാമചന്ദ്രന്‍, ഫാ. മാത്യു ഡാനിയേല്‍ തുടങ്ങിയവര്‍ കുഞ്ഞുങ്ങളെ എഴുത്തിനിരുത്തും. വിദ്യാരംഭ ചടങ്ങുകള്‍ക്കു ശേഷം കവിയരങ്ങും നടക്കും. കുട്ടികളുടെ പേരുകള്‍ നേരത്തെ രജിസ്റ്റര്‍ ചെയ്യാം. ഫോണ്‍: 9447017264.

      (പിഎന്‍പി 2888/18)

കോന്നി സിഎഫ്ആര്‍ഡിയുടെ കീഴിലുള്ള കോളേജ് ഓഫ് ഇന്‍ഡിജനസ് ഫുഡ് ടെക്‌നോളജിയില്‍ 2018-20 വര്‍ഷത്തെ എം.എസ്.സി ഫുഡ് ടെക്‌നോളജി ആന്‍ഡ് ക്വാളിറ്റി അഷ്വറന്‍സ് കോഴ്‌സില്‍ മെറിറ്റ് അടിസ്ഥാനത്തില്‍ ഒരു സീറ്റ് ഒഴിവുണ്ട്. താത്പര്യമുള്ളവര്‍ എം.ജി.യൂണിവേഴ്‌സിറ്റിയുടെ www.cap.mgu.ac.in എന്ന പോര്‍ട്ടലില്‍ ഇന്ന് (15) വൈകിട്ട് അഞ്ചിനകം രജിസ്റ്റര്‍ ചെയ്യണം.          (പിഎന്‍പി 2886/18) 

എ. പി. ജെ അബ്ദുള്‍ കലാം സാങ്കേതിക സര്‍വകലാശാല വൈസ് ചാന്‍സലറെ തിരഞ്ഞെടുക്കുന്നതിനുള്ള മൂന്നംഗ സെര്‍ച്ച് കമ്മിറ്റിയുടെ കാലാവധി ഒരു മാസം കൂടി നീട്ടി ഗവര്‍ണര്‍ വിജ്ഞാപനമിറക്കി. ഈ മാസം 18നകം ശുപാര്‍ശ സമര്‍പ്പിക്കാനായിരുന്നു നേരത്തെ നിര്‍ദ്ദേശിച്ചിരുന്നത്.

പി.എന്‍.എക്‌സ്.4076/18

എറണാകുളം ജില്ലയിലെ എടയാറിലുള്ള എടയാര്‍ സിങ്കില്‍ സൂക്ഷിച്ചിരിക്കുന്ന രാസ പദാര്‍ത്ഥങ്ങള്‍ വില്‍ക്കുന്നതിന്  സംസ്ഥാന മലിനീകരണ നിയന്ത്രണ ബോര്‍ഡ് ക്ഷണിച്ച ടെണ്ടറിന്റെ കാലാവധി സെപ്റ്റംബര്‍ 29 വരെ ദീര്‍ഘിപ്പിച്ചു. വെബ്‌സൈറ്റ് www.keralapcb.nic.in

പി.എന്‍.എക്‌സ്.4075/18

തിരുവനന്തപുരം ഗവ.ആയുര്‍വേദ കോളേജ് ബാലചികില്‍സാ വിഭാഗത്തിന്റെ നേതൃത്വത്തില്‍ കുട്ടികളിലെ ബ്രോങ്കിയല്‍ ആസ്ത്മയ്ക്കു സൗജന്യ ചികില്‍സ നല്‍കും. ശ്വാസകോശ വികാസത്തിനുള്ള സ്‌പൈറോമെട്രി പരിശോധന, യോഗാഭ്യാസ പരിശീലനം, മരുന്നുകള്‍ എന്നിവ ലഭിക്കും. ഫോണ്‍: 04712350938, 9495992148.

പി.എന്‍.എക്‌സ്.4074/18

പത്തനംതിട്ട ജില്ലയിലെ റാന്നി പെരിനാട് ഗ്രാമപഞ്ചായത്തിലെ നാല് അംഗങ്ങളെ സംസ്ഥാന തിരഞ്ഞെടുപ്പ് കമ്മീഷണര്‍ വി. ഭാസ്‌കരന്‍ അയോഗ്യരാക്കി.  ഗ്രാമപഞ്ചായത്ത് അംഗങ്ങളായ സി.ആര്‍.മോഹനന്‍, ഉഷാകുമാരി രാധാകൃഷ്ണന്‍, എല്‍. വി. മാത്യു, രാജന്‍ വെട്ടിക്കല്‍ എന്നിവരെയാണ് കൂറുമാറ്റ  നിരോധന നിയമപ്രകാരം അയോഗ്യരാക്കിയത്.  നിലവില്‍ അംഗങ്ങളായി തുടരുന്നതിനും തദ്ദേശസ്വയംഭരണ സ്ഥാപനങ്ങളിലേക്ക് മത്സരിക്കുന്നതിനും 2018 സെപ്തംബര്‍ 12 മുതല്‍ ആറ് വര്‍ഷത്തേക്കാണ് വിലക്ക് ഏര്‍പ്പെടുത്തിയിട്ടുള്ളത്.

തിരുവനന്തപുരം ആയുര്‍വേദ കോളേജ് സ്ത്രീകളുടെയും കുട്ടികളുടെയും ആശുപത്രിയിലെ ആശുപത്രി വികസന സമിതി മുഖേന മന:ശാസ്ത്രജ്ഞ (സ്ത്രീ) തസ്തികയിലേയ്ക്ക് ആഴ്ചയില്‍ അഞ്ചു ദിവസം പ്രതിദിന വേതനാടിസ്ഥാനത്തില്‍ താത്കാലികമായി നിയമനം നടത്തും.