വാണിയംകുളം ഗവ. ഐ.ടി.ഐ യില്‍ ഡ്രാഫ്റ്റ്സ്മാന്‍ സിവില്‍, ഫാഷന്‍ ഡിസൈന്‍ ആന്‍ഡ് ടെക്നോളജി ട്രേഡുകളിലെ ഓരോ സീറ്റുകളിലെ ഒഴിവിലേക്ക്  ഓണ്‍ലൈനായി അപേക്ഷ സമര്‍പ്പിച്ചവര്‍ അസല്‍ സര്‍ട്ടിഫിക്കറ്റുകള്‍, അതിന്‍റെ പകര്‍പ്പുകള്‍, ട്രാന്‍സ്ഫര്‍ സര്‍ട്ടിഫിക്കറ്റ് (ഫീസ് - ഡ്രാഫ്റ്റ്സ്മാന്‍ സിവില്‍-1210 രൂപ,  ഫാഷന്‍ ഡിസൈന്‍ ആന്‍ഡ് ടെക്നോളജി 900) സഹിതം സെപ്റ്റംബര്‍ 22 രാവിലെ 10 ന് രക്ഷിതാവിനോടൊപ്പം എത്തണം. ഫോണ്‍ - 9495033442. 

നെഹ്റു യുവ കേന്ദ്രയുടെ ആഭിമുഖ്യത്തില്‍  ഹിന്ദി പക്ഷാചരണ പരിപാടികള്‍ക്ക് തുടക്കമായി .മലമ്പുഴ ഗിരിവികാസില്‍ നടന്ന ചടങ്ങു് സ്റ്റേറ്റ് ബാങ്ക് ഓഫ് ഇന്ത്യ റീജിയണല്‍ മാനേജര്‍ ജി.പ്രേമാനന്ദന്‍ ഉദ്ഘാടനം ചെയ്തു. നെഹ്റു യുവ കേന്ദ്ര  ജില്ലാ  യൂത്ത് കോ-ഓര്‍ഡിനേറ്റര്‍ എം.അനില്‍കുമാര്‍ അധ്യക്ഷനായി.  പരിപാടിയില്‍  എ.ശിവദാസന്‍, പി.രാമദാസ്, എ.കെ ധീരജ് .കെ.വിനോദ് കുമാര്‍ ,  ജി.സുകന്യ, സ്റ്റെഫി ജോണ്‍സണ്‍  പങ്കെടുത്തു.

    പാലക്കാട് താലൂക്ക് വികസന സമിതി ഒക്ടോബര്‍ മാസത്തെ യോഗം ഒക്ടോബര്‍ ആറിന് രാവിലെ 10.30 ന് പാലക്കാട് താലൂക്ക് ഓഫീസ് സമ്മേളന ഹാളില്‍ ചേരും.  യോഗത്തില്‍ ജനപ്രതിനിധികളും ഉദ്യോഗസ്ഥരും പങ്കെടുക്കണമെന്ന് താലൂക്ക് വികസന സമിതി കണ്‍വീനറു കൂടിയായ തഹസില്‍ദാര്‍ അറിയിച്ചു.

    ~ഒറ്റപ്പാലം താലൂക്കിലെ വാരോട് ചാത്തന്‍കണ്ടാര്‍ക്കാവ് ക്ഷേത്രം, ട്രസ്റ്റി നിയമനത്തിന് താല്‍പര്യമുള്ളവര്‍ ഒക്ടോബര്‍ 24 വൈകിട്ട് അഞ്ചിനകം മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്‍റ് കമ്മീഷനര്‍ക്ക് അപേക്ഷ നല്‍കണം. അപേക്ഷാ ഫോറം പാലക്കാട് അസി. കമ്മിഷണര്‍ ഓഫീസില്‍ നിന്നും ഒറ്റപ്പാലം/പെരിന്തല്‍മണ്ണ ഡിവിഷന്‍ ഇന്‍സ്പെക്ടറുടെ ഓഫീസില്‍ നിന്നും മലബാര്‍ ദേവസ്വം ബോര്‍ഡ് വെബ്സൈറ്റില്‍ നിന്നും ലഭിക്കും.  

 എംപ്ലോയബിലിറ്റി സെന്‍റര്‍ മുഖേന സ്വകാര്യ സ്ഥാപനങ്ങളില്‍ ഫിനാന്‍സ്, ഐ.ടി, മാര്‍ക്കറ്റിങ്, എച്ച്.ആര്‍, ബി.ഡി ടെലികോളിങ്, ആട്ടോമൊബൈല്‍സ്, അക്കൗണ്ട്സ്, ടെക്നീഷ്യന്‍ ഒഴിവുകളിലേക്ക് മിനി ജോബ് ഫെസ്റ്റ്  നടത്തും താത്പര്യമുളളവര്‍  ബയോഡാറ്റയും സര്‍ട്ടിഫിക്കറ്റുകളുടെ പകര്‍പ്പും സഹിതം സെപ്റ്റംബര്‍ 21ന്  രാവിലെ ഒമ്പതിന് കോങ്ങാട് കെ.പി.ആര്‍.പി സ്ക്കൂളില്‍ എത്തണം.  പ്രായം 40 ന് താഴെ. പ്രവേശനം സൗജന്യം. ഫോണ്‍ - 04912505435.

കേരള ഖാദി ഗ്രാമ വ്യവസായ ബോര്‍ഡിന്‍റെ ആഭിമുഖ്യത്തില്‍ ഗാന്ധി ജയന്തി വാരാഘോഷത്തോടനുബന്ധിച്ച്  'മഹാത്മാഗാന്ധിയും ഖാദിയും സ്വാതന്ത്ര സമരവും' വിഷയത്തില്‍ 8,9,10 ക്ലാസുകളിലെ വിദ്യാര്‍ത്ഥികള്‍ക്ക് ജില്ലാ ഖാദി ഗ്രാമ വ്യസായ ഓഫീസ് പരിസരത്ത് സെപ്റ്റംബര്‍ 27 ന് രാവിലെ 11 ന് ക്വിസ് മത്സരം നടത്തും. 

മലമ്പുഴ ഐ.ടി.ഐയില്‍ സര്‍വ്വെയര്‍ ട്രേഡില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നതിനുളള അഭിമുഖം ഇന്ന് (സെപ്റ്റംബര്‍ 19) രാവിലെ 10 ന് നടക്കും.  ബന്ധപ്പെട്ട ട്രേഡില്‍ എന്‍.ടി.സിയും മൂന്ന് വര്‍ഷത്തെ പ്രവൃത്തിപരിചയവും അല്ലെങ്കില്‍ എന്‍.എ.സി യും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ ബന്ധപ്പെട്ട എഞ്ചിനീയറിങ് ബ്രാഞ്ചില്‍ മൂന്ന് വര്‍ഷ ഡിപ്ലൊമയോ, ഡിഗ്രിയോ ഉളളവര്‍ക്കും കൂടിക്കാഴ്ചയില്‍ പങ്കെടുക്കാവുന്നതാണ്.  താത്പ്പര്യമുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.

ഭാരതീയ ചികിത്സാ വകുപ്പിന്‍റെ ജില്ലാ മെഡിക്കല്‍ ഓഫീസില്‍ 59 ദിവസത്തേക്ക് ദിവസവേതനാടിസ്ഥാനത്തില്‍ ഓഫീസ് അറ്റഡന്‍റ് തസ്തികയില്‍ താല്‍ക്കാലിക നിയമനം. അപേക്ഷകര്‍ 18 നും 40 ഇടയില്‍ പ്രായമുള്ള ഏഴാം തരം പാസായ എഴുത്തും വായനയും അറിയുന്നവരായിരിക്കണം. ഉദ്യോഗാര്‍ഥികള്‍ പേര്, വയസ്, ജനനതിയതി, വിദ്യാഭ്യാസ യോഗ്യത, തൊഴില്‍ പരിചയം, വിലാസം, ടെലിഫോണ്‍ നമ്പര്‍ സഹിതമുള്ള ബയോഡാറ്റയും അസല്‍ സര്‍ട്ടിഫിക്കറ്റുമായി സെപ്റ്റംബര്‍ 24 ന് രാവിലെ 10.30 ന് ജില്ലാ മെഡിക്കല്‍ ഓഫീസില്‍ (ആരോഗ്യം) അഭിമുഖത്തിന് എത്തണമെന്ന് ഭാരതീയ ചികിത്സാ വകുപ്പ് ജില്ലാ മെഡിക്കല്‍ ഓഫീസര്‍ അറിയിച്ചു.