കോഴിക്കോട് നോര്‍ക്ക റൂട്ട്സ് സര്‍ട്ടിഫിക്കറ്റ് ഓതന്റിക്കേഷന്‍ സെന്ററില്‍ നടത്തിക്കൊണ്ടിരിക്കുന്ന എച്ച് ആര്‍ ഡി അറ്റസ്റ്റേഷന്‍ കണ്ണൂര്‍ ജില്ലാ പഞ്ചായത്ത് മിനി കോണ്‍ഫറന്‍സ്  ഹാളില്‍ സെപ്റ്റംബര്‍ 27 വ്യാഴാഴ്ച രാവിലെ ഒന്‍പത് മണി മുതല്‍ 12.30 മണി വരെ നടത്തുന്നതാണ്. അറ്റസ്റ്റേഷന് വരുന്നവര്‍ ഓണ്‍ലൈനില്‍ രജിസ്റ്റര്‍ ചെയ്ത് അതില്‍ നിന്നും എടുത്ത പ്രിന്റഡ് അപേക്ഷയുമായി വരേണ്ടതാണ്. അപേക്ഷയില്‍ ഓഫീസ് കണ്ണൂര്‍ എന്നും  തീയ്യതി 27/09/18 എന്നും ആയിരിക്കണം. ഈ ദിവസം കോഴിക്കോട് നോര്‍ക്ക റൂട്ട്സിന്റെ സര്‍ട്ടിഫിക്കറ്റ് അറ്റസ്റ്റേഷന്‍ സെന്ററില്‍ സര്‍ട്ടിഫിക്കറ്റ് അറ്റസ്റ്റേഷന്‍ ഉണ്ടായിരിക്കുന്നതല്ല.

    ഉത്തര കേരളത്തിലെ നെല്ല് ജനിതക സംരക്ഷകരുടെ സംഗമം സെപ്റ്റംബര്‍ 27ന് രാവിലെ 11.30ന് പിലിക്കോട് ഉത്തരമേഖല കാര്‍ഷിക ഗവേഷണ കേന്ദ്രത്തില്‍ എം. രാജഗോപാല്‍ എം.എല്‍.എ ഉദ്ഘാടനം ചെയ്യും. നെല്ല് ഗവേഷണ പദ്ധതി പ്രിന്‍സിപ്പല്‍ ഇന്‍വെസ്റ്റിഗേറ്റര്‍ ഡോ. ടി. വനജ പദ്ധതി വിശദീകരിക്കും. പിലിക്കോട് ഗ്രാമപഞ്ചായത്ത് പ്രസിഡന്റ് ടി.വി. ശ്രീധരന്‍ അധ്യക്ഷത വഹിക്കും. കേരളത്തിലെ ആദ്യത്തെ പൈതൃക വിത്ത് ഗ്രാമമായി പ്രഖ്യാപിച്ച പിലിക്കോടിനുള്ള നാടന്‍ നെല്ലിനങ്ങളുടെ രണ്ടാംഘട്ട വിത്ത് വിതരണോദ്ഘാടനവും ചടങ്ങില്‍ നടക്കും.

    കണ്ണൂര്‍ ഡിവിഷന്‍ പോസ്റ്റ് ഓഫീസസ് സൂപ്രണ്ടായി ജി.പി. ജോസഫിന്‍ സില്‍വിയ ചുമതലയേറ്റു.

    ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് അഡീഷനല്‍ ഡയറക്ടറായി സ്ഥാനക്കയറ്റം ലഭിച്ചുപോവുന്ന കണ്ണൂര്‍ മേഖലാ ഡെപ്യൂട്ടി ഡയറക്ടര്‍ ടി.ഐ ഷൈനിന് വകുപ്പിന്റെ ആഭിമുഖ്യത്തില്‍ യാത്രയയപ്പ് നല്‍കി. ജില്ലാ ഇന്‍ഫര്‍മേഷന്‍ ഓഫീസര്‍ ഇ.കെ. പത്മനാഭന്‍ ഉപഹാരം നല്‍കി. അസിസ്റ്റന്റ് എഡിറ്റര്‍ സി.പി. അബ്ദുല്‍ കരീം, അസിസ്റ്റന്റ് ഇന്‍ഫര്‍മേഷന്‍ ഓഫീസര്‍ പി.പി. വിനീഷ്, സീനിയര്‍ ഗ്രേഡ് ടൈപ്പിസ്റ്റ് സി. ഉമാദേവി എന്നിവര്‍ സംസാരിച്ചു.

    ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് കണ്ണൂര്‍ മേഖലാ ഡെപ്യൂട്ടി ഡയറക്ടറായി കെ.പി. അബ്ദുല്‍ഖാദര്‍ ചുമതലയേറ്റു. വയനാട്, കോഴിക്കോട് ജില്ലകളില്‍ ഇന്‍ഫര്‍മേഷന്‍ ഓഫീസറായും ന്യൂഡല്‍ഹിയില്‍ അസിസ്റ്റന്റ് എഡിറ്ററായും സേവനമനുഷ്ഠിച്ചിട്ടുണ്ട്. കോഴിക്കോട് പാലാഴി സ്വദേശിയാണ്. ഐപിആര്‍ഡി കണ്ണൂര്‍ മേഖലയുടെ കീഴില്‍ കണ്ണൂര്‍, കാസര്‍കോട്, വയനാട് ജില്ലകളാണുള്ളത്.

കുഴിക്കാല-കാഞ്ഞിരവേലി റോഡില്‍ കലുങ്ക് നിര്‍മാണം നടക്കുന്നതിനാല്‍ നാളെ (27) മുതല്‍ രണ്ട് മാസത്തേക്ക് ഇതുവഴിയുള്ള ഗതാഗതം നിരോധിച്ചു. വാഹനങ്ങള്‍ ആറന്മുള പരിയാരം വഴിയും തുമ്പമണ്‍-കോഴഞ്ചേരി റോഡ് വഴിയും പോകണമെന്ന് പൊതുമരാമത്ത് സബ്ഡിവിഷന്‍ എക്‌സിക്യൂട്ടീവ് എന്‍ജിനീയര്‍ അറിയിച്ചു. 

       (പിഎന്‍പി 3054/18)