പ്രളയക്കെടുതിയിപെട്ടവര്‍ക്ക് സഹായമെത്തിക്കാന്‍  മുഖ്യമന്ത്രിയുടെ ദുരിതാശ്വാസ നിധിയിലേക്ക് ഓണ്‍ലൈനായി സംഭാവനകള്‍ നല്‍കാം. https://donation.cmdrf.kerala.gov.in എന്ന ഔദ്യോഗിക വെബ്സൈറ്റ് മുഖേനയാണ് ദുരിതാശ്വാസപ്രവര്‍ത്തനത്തിനും പുനരധിവാസത്തിനും ആവശ്യമായ രൂപ സമാഹരിക്കുന്നത്. ക്രെഡിറ്റ് കാര്‍ഡ്, ഡെബിറ്റ് കാര്‍ഡ്, ഇന്റര്‍നെറ്റ് ബാങ്കിങ്, യു.പി.ഐ. സംവിധാനങ്ങള്‍ ഉപയോഗിച്ച് രാജ്യത്തിനകത്തും പുറത്തുമുള്ളവര്‍ക്ക് പണം അടയ്ക്കാം.  

സംസ്ഥാനത്ത് ഉടനീളം വൈദ്യുതി നിലയ്ക്കാന്‍ സാധ്യതയുണ്ടെന്ന പ്രചാരണം  അടിസ്ഥാനരഹിതമാണെന്ന് വൈദ്യുതി മന്ത്രി എം.എം. മണി അറിയിച്ചു. വൈദ്യുതി മുടങ്ങിയ പ്രദേശങ്ങളില്‍ എത്രയും വേഗം വൈദ്യുതി പുന:സ്ഥാപിക്കാനുളള അക്ഷീണ പ്രയത്നത്തിലാണ് ജീവനക്കാര്‍.

മുന്‍പ്രധാനമന്ത്രി എ.ബി. വാജ്പേയിയുടെ നിര്യാണത്തില്‍ അഗാധമായ ദു:ഖം രേഖപ്പെടുത്തുന്നതായി തുറമുഖ, മ്യൂസിയം, പുരാവസ്തു വകുപ്പു മന്ത്രി രാമചന്ദ്രന്‍ കടന്നപ്പള്ളി പറഞ്ഞു.

പി.എന്‍.എക്‌സ്.3640/18

മുന്‍പ്രധാനമന്ത്രി എ.ബി. വാജ്പേയിയുടെ നിര്യാണത്തില്‍ മുഖ്യമന്ത്രി പിണറായി വിജയന്‍ അനുശോചിച്ചു. ഐക്യരാഷ്ട്രസഭ ഉള്‍പ്പെടെയുളള അന്താരാഷ്ട്ര വേദികളില്‍ ഇന്ത്യയുടെ അവകാശങ്ങള്‍ സമര്‍ഥമായി അവതരിപ്പിക്കാന്‍ മികച്ച പാര്‍ലമെന്റേറിയനും നയതന്ത്രജ്ഞനും  പ്രസംഗകനുമായ അദ്ദേഹത്തിന് കഴിഞ്ഞിരുന്നു. ആര്‍എസ്എസ്സിലൂടെ പൊതുരംഗത്ത് വന്ന അദ്ദേഹം നാലുപതിറ്റാണ്ടിലേറെ ഇന്ത്യന്‍ രാഷ്ട്രീയത്തില്‍ സജീവമായി പ്രവര്‍ത്തിച്ചു. ബി.ജെ.പി.യുടെ സ്ഥാപകനേതാക്കളില്‍ പ്രമുഖനായ വാജ്പേയി സഖ്യകക്ഷി സര്‍ക്കാരിനെ നയിച്ചുകൊണ്ട് വിവിധ വിഭാഗങ്ങളെ ഉള്‍ക്കൊള്ളാനുളള നൈപുണ്യം പ്രകടിപ്പിച്ചുവെന്നും മുഖ്യമന്ത്രി പറഞ്ഞു. 

സംസ്ഥാനം നേരിട്ടുകൊണ്ടിരിക്കുന്ന കാലവര്‍ഷക്കെടുതിയും പ്രകൃതി ദുരന്തവുമായി ബന്ധപ്പെട്ട് മുഖ്യമന്ത്രിയുടെ ദുരിതാശ്വാസനിധിയിലേക്ക് ഓണ്‍ലൈന്‍വഴി സംഭാവനകള്‍ നല്‍കാന്‍ സര്‍ക്കാര്‍ സൗകര്യങ്ങള്‍ ഒരുക്കി.

സൗത്ത് ഇന്ത്യന്‍ ബാങ്ക്, എസ്.ബി.ഐ, ഫെഡറല്‍ ബാങ്ക് Paytm, Airtel Money, Net Banking, VPA (keralacmdrf@sbi) QR Code തുടങ്ങിയ സൗകര്യങ്ങള്‍ പൊതുജനങ്ങള്‍ക്ക് പ്രയോജനപ്പെടുത്താം. www.cmo.kerala.gov.in, cmdrf Kerala എന്നീ വെബ്‌സൈറ്റുകളില്‍ വിശദവിവരങ്ങള്‍ ലഭിക്കും.

സംസ്ഥാനത്ത് ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി  ഉള്‍പ്പെടെ പൊതുവിദ്യാഭ്യാസ മേഖലയിലെ എല്ലാ സ്‌കൂളുകളുടെയും ഓണാവധി പുനഃക്രമീകരിച്ചു. സ്‌കൂളുകള്‍ ഓണാവധിക്കായി ആഗസ്റ്റ് 17 ന് അടയ്ക്കുകയുും ഓണാവധി  കഴിഞ്ഞ് 29 ന് തുറക്കുകയും ചെയ്യും.

പി.എന്‍.എക്‌സ്.3637/18

കോഴിക്കോട് ഇന്‍ഡസ്ട്രിയല്‍ ട്രൈബ്യൂണലും എംപ്ലോയീസ് കോമ്പന്‍സേഷന്‍ കമ്മീഷണറും എംപ്ലോയീസ് ഇന്‍ഷുറന്‍സ് കോടതി ജഡ്ജിയുമായ കെ.വി.രാധാകൃഷ്ണന്‍ ആഗസ്റ്റ് 16, 17 തിയതികളില്‍ കല്‍പ്പറ്റ ബാര്‍ അസോസിയേഷന്‍ ഹാളില്‍  നടത്താനിരുന്ന എംപ്ലോയീസ് കോമ്പന്‍സേഷന്‍ കേസുകളുടെ വിചാരണ ചില സാങ്കേതിക കാരണങ്ങളാല്‍ സെപ്റ്റംബര്‍ 27, 28 തിയതികളിലേക്ക് മാറ്റി

പി.എന്‍.എക്‌സ്.3636/18

ഉന്നത വിദ്യാഭ്യാസ വകുപ്പിന് കീഴിലുള്ള വിദ്യാഭ്യാസ സ്ഥാപനങ്ങള്‍ ഓണത്തോടനുബന്ധിച്ചുള്ള ആഘോഷ പരിപാടികള്‍ ഒഴിവാക്കാനും അതിനു സമാഹരിച്ച തുകയും ഇനി സ്വരൂപിക്കുന്ന തുകയും മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യാനും നടപടി സ്വീകരിക്കാന്‍ നിര്‍ദ്ദേശിച്ച് ഉന്നത വിദ്യാഭ്യാസ വകുപ്പ് സര്‍ക്കുലറിറക്കി.

പി.എന്‍.എക്‌സ്.3635/18

ആഗസ്റ്റ് 18ന് നടത്താനിരുന്ന ഒന്നാം വര്‍ഷ വൊക്കേഷണല്‍ തിയറി/ഇ.ഡി ഇംപ്രൂവ്‌മെന്റ് പരീക്ഷകള്‍ സെപ്റ്റംബര്‍ ഒന്നിന് നടത്തും.

പി.എന്‍.എക്‌സ്.3634/18