ഓണം പ്രമാണിച്ച് 24, 25 തിയതികളില്‍ സംസ്ഥാന ശാസ്ത്ര സാങ്കേതിക മ്യൂസിയവും പ്ലാനറ്റേറിയവും പ്രവര്‍ത്തിക്കുന്നതല്ല. 26നും 27നും പ്രവര്‍ത്തിക്കുമെന്ന് ഡയറക്ടര്‍ അറിയിച്ചു.

പി.എന്‍.എക്‌സ്.3633/18

പ്രവാസി ഭാരതീയര്‍ (കേരളീയന്‍)കമ്മീഷന്‍ ഇന്ന് (ആഗസ്റ്റ് 17) എറണാകുളം ഗവ. ഗസ്റ്റ് ഹൗസ് ലൈബ്രറി ഹാളില്‍ നടത്താനിരുന്ന സിറ്റിംഗ് സെപ്റ്റംബര്‍ 12 ലേക്ക് മാറ്റി.

പി.എന്‍.എക്‌സ്.3632/18

വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജില്‍ നടത്തുന്ന രണ്ടു വര്‍ഷം ദൈര്‍ഘ്യമുള്ള ടെക്‌സ്റ്റൈല്‍ ടെക്‌നോളജി സര്‍ട്ടിഫിക്കറ്റ് കോഴ്‌സിലേക്ക് അപേക്ഷ സമര്‍പ്പിക്കുന്നതിനുള്ള തിയതി 31 വരെ ദീര്‍ഘിപ്പിച്ചു. അപേക്ഷ ഫോം വിതരണം ചെയ്യുന്ന അവസാന തിയതി 31 വൈകിട്ട് നാല് വരെ. സ്വീകരിക്കുന്ന അവസാന തിയതി 31 വൈകിട്ട് അഞ്ച് വരെ. അപേക്ഷകര്‍ എട്ടാം ക്ലാസ് വിജയിച്ചവര്‍ ആയിരിക്കണം. എസ്.എസ്.എല്‍.സിയോ തത്തുല്യ പരീക്ഷയോ വിജയിച്ചവര്‍ക്ക് മുന്‍ഗണന നല്‍കും. അപേക്ഷാ ഫോറം പത്തു രൂപ നിരക്കില്‍ ഓഫീസില്‍ നിന്നും ലഭിക്കും.

പി.എന്‍.എക്‌സ്.3631/18

തിരുവനന്തപുരം ഗവ.ആയുര്‍വേദ കോളേജിന്റെ പൂജപ്പുരയിലെ പഞ്ചകര്‍മ്മ ആശുപത്രിയില്‍ ചിലന്തിവിഷത്തിനും ചൊറിച്ചിലിനും പൊട്ടിയൊലിക്കല്‍ ഉള്ള ത്വക് രോഗത്തിനും (എക്‌സിമ) ഗവേഷണാടിസ്ഥാനത്തില്‍ സൗജന്യചികിത്സ ലഭിക്കും. ചിലന്തിവിഷത്തിന് 9447518041 എന്ന നമ്പരിലും എക്‌സിമയ്ക്ക് 9995147709 എന്ന നമ്പറിലും ബന്ധപ്പെടണം.

പി.എന്‍.എക്‌സ്.3630/18

സാങ്കേതിക വിദ്യാഭ്യാസ ഡയറക്ടറേറ്റിലെ എം.സി.എം സ്‌കോളര്‍ഷിപ്പ് വിഭാഗത്തിലെ കമ്പ്യൂട്ടര്‍ ഓപ്പറേറ്ററുടെ ഒരു ഒഴിവില്‍ കരാര്‍ നിയമനത്തിന് നാളെ (ആഗസ്റ്റ് 18) നടത്താനിരുന്ന ഒ.എം.ആര്‍ പരീക്ഷ മാറ്റി വച്ചു.  

പി.എന്‍.എക്‌സ്.3629/18

സംസ്ഥാന സഹകരണ യൂണിയന്റെ ആഭിമുഖ്യത്തില്‍ ആഗസ്റ്റ് ആറ് മുതല്‍ നടത്തി വരുന്ന എച്ച്.ഡി.സി & ബി.എം പരീക്ഷകള്‍ മഴക്കെടുതികള്‍ മൂലം മാറ്റി. പുതിയ തിയതികള്‍ പിന്നീട് അറിയിക്കും. സംസ്ഥാനത്തെ എല്ലാ സഹകരണ പരിശീലന കോളേജുകള്‍ക്കും കേന്ദ്രങ്ങള്‍ക്കും നെയ്യാര്‍ഡാമിലെ കിക്മ, കിക്മ ആര്‍ട്‌സ് ആന്റ് സയന്‍സ് കോളേജിനും ആഗസ്റ്റ് 16 മുതല്‍ 29 വരെ ക്ലാസുകള്‍ ഉണ്ടായിരിക്കുന്നതല്ലെന്നും അഡീഷണല്‍ രജിസ്ട്രാര്‍  -സെക്രട്ടറി ഇന്‍ ചാര്‍ജ് അറിയിച്ചു. 

പി.എന്‍.എക്‌സ്.3628/18

നിപ പിടിപ്പെട്ട് മരിച്ച നഴ്സ് ലിനിയുടെ ഭര്‍ത്താവ് സജീഷ് സര്‍ക്കാര്‍ ജോലിയില്‍ ലഭിച്ച ആദ്യമാസത്തെ ശമ്പളം കാലവര്‍ഷക്കെടുതിയില്‍ ദുരിതമനുഭവിക്കുന്നവരെ സഹായിക്കാന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി. വടകര റെസ്റ്റ് ഹൗസില്‍ തൊഴില്‍ വകുപ്പ് മന്ത്രി ടി പി രാമകൃഷ്ണനെ ആദ്യമാസത്തെ ശമ്പളത്തിന്റെ ചെക്ക് ഏല്‍പ്പിച്ചു'.പേരാമ്പ്ര താലൂക്ക് ആശുപത്രിയിലെ നഴ്സായിരുന്ന ലിനിയുടെ  ഭര്‍ത്താവിന് സര്‍ക്കാര്‍ ജോലി നല്‍കുകയായിരുന്നു. കൂത്താളി പി എച്ച് സി യിലെ ക്ലര്‍ക്കായി നിയമിതനായ സജീഷ് ജൂലൈയിലാണ് ജോലിയില്‍ പ്രവേശിച്ചത്.

ദുരിതാശ്വാസ പ്രവര്‍ത്തനങ്ങളുമായി ബന്ധപ്പെട്ട് പഞ്ചായത്ത് ഡയറക്ടറുടെ കാര്യാലയത്തില്‍ 24 മണിക്കൂര്‍ കണ്‍ട്രോള്‍ റൂം പ്രവര്‍ത്തിക്കും. ബന്ധപ്പെടാന്‍ ഉദ്യോഗസ്ഥരുടെ നമ്പര്‍ ചുവടെ: ഡി. സജുലാല്‍, സീനിയര്‍ സൂപ്രണ്ട്- 9496047039, കെ. പ്രശാന്ത് കുമാര്‍, സീനിയര്‍ സൂപ്രണ്ട്- 9496040605, ഷാജഹാന്‍ എ, സീനിയര്‍ സൂപ്രണ്ട്- 9496047037, പ്രഫുല്ലചന്ദ്രന്‍ എസ്, സീനിയര്‍ സൂപ്രണ്ട്- 9496047038, അനില്‍കുമാര്‍ വി., സീനിയര്‍ സൂപ്രണ്ട്- 946047040, ജി. ഹരികൃഷ്ണന്‍, പബ്‌ളിസിറ്റി ഓഫീസര്‍- 9496047036, സതീഷ്‌കുമാര്‍ ജി.കെ, സീനിയര്‍ സൂപ്രണ്ട്- 9496047041.

അത്യാവശ്യം വേണ്ട ജീവനക്കാരെ മാത്രം ഓഫീസ് പ്രവര്‍ത്തനങ്ങള്‍ക്ക് ചുമതലപ്പെടുത്തി ബാക്കി ജീവനക്കാരെ ദുരന്ത നിവാരണ പ്രവര്‍ത്തനങ്ങള്‍ക്ക് ചുമതലപ്പെടുത്തി ഗ്രാമപഞ്ചായത്ത് സെക്രട്ടറിമാര്‍ ഉത്തരവ് പുറപ്പെടുവിക്കണമെന്ന് പഞ്ചായത്ത് ഡയറക്ടര്‍ നിര്‍ദേശിച്ചു.

കാലവര്‍ഷക്കെടുതിയുമായി ബന്ധപ്പെട്ട് അടിയന്തര ആവശ്യങ്ങള്‍ക്ക് തനത് ഫണ്ടില്‍നിന്ന് തുക ചെലവഴിക്കാന്‍ എല്ലാ ഗ്രാമപഞ്ചായത്തുകള്‍ക്കും സര്‍ക്കാര്‍ നേരത്തെ അനുമതി നല്‍കിയിരുന്നു.

മുഖ്യമന്ത്രിയുടെ ദുരിതാശ്വാസ നിധിയിലേക്ക് സംസ്ഥാനത്തെ എല്ലാ ട്രഷറികളിലൂടെയും സംഭാവന നല്‍കാം. ധനകാര്യ വകുപ്പ് പ്രിന്‍സിപ്പല്‍ സെക്രട്ടറിയുടെ പേരിലുള്ള TPA 701010200000080 എന്ന അക്കൗണ്ടിലേക്ക് ട്രഷറികളില്‍ നിന്ന് തുക അടയ്ക്കാം. 

ഓണ്‍ലൈനായും പണമടയ്ക്കാം. ഇതിനായി etreasury.kerala.gov.in എന്ന വെബ്‌സൈറ്റില്‍ TSB receipt എന്ന ലിങ്കില്‍ ക്ലിക്ക് ചെയ്യുക. 701010200000080 എന്ന അക്കൗണ്ടിലേക്ക് ഇന്റര്‍നെറ്റ് ബാങ്കിംഗ്, ഡെബിറ്റ് കാര്‍ഡ്, ക്രഡിറ്റ് കാര്‍ഡ് എന്നിവ ഉപയോഗിച്ചും പണമടയ്ക്കാം.