ജില്ലാ കലക്ടര്‍ യു.വി ജോസിന്റെ ദുരന്തനിവാരണത്തിന് ജില്ലയില്‍ നിയോഗിച്ച സ്‌പെഷ്യല്‍ ഓഫീസര്‍ കെ.ബിജു എന്നിവരുടെ നേതൃത്വത്തില്‍ ദുരന്തനിവാരണ അതോറിറ്റിയുടെ അടിയന്തിര യോഗം ചേര്‍ന്നു. േേകാഴിക്കോട് ജില്ലയില്‍ രക്ഷാപ്രവര്‍ത്തനങ്ങള്‍ക്ക് ആവശ്യമായ സംവിധാനങ്ങള്‍ ഒരുക്കുന്നതിന്  സൗകര്യം ഏര്‍പ്പെടുത്തി.  
 
ജില്ലയില്‍ 24 മണിക്കൂര്‍ കണ്‍ട്രോള്‍ റൂമുകള്‍ പ്രവര്‍ത്തിക്കുന്നു 
കക്ടറേറ് -0495-2371002
കോഴിക്കോട് -0495-2372966
താമരശ്ശേരി -0495-2223088
കൊയിലാണ്ടി -0496-2620235
വടകര -0496-2522361 

കനത്ത മഴയില്‍ വ്യാഴാഴ്ച കോഴിക്കോട് ജില്ലയില്‍ ആറ് പേര്‍ മരിച്ചു. ഇതില്‍ ഒരു കുട്ടി മലപ്പുറം സ്വദേശി. മാവൂരില്‍ (ഊര്‍ക്കടവ്) വീടിന്റെ മതില്‍ ഇടിഞ്ഞ് വീണ് രണ്ടു കുട്ടികള്‍ മരിച്ചു. കൊടുവള്ളി കരുവംപൊയില്‍  മുഹമ്മദ് സമ്മാന്റെ മകള്‍ ഫാത്തിമ തന്‍ഹ, പെരുമണ്ണ മുണ്ടുപാലം തോന്നിക്കല്‍ മുഹമ്മദിന്റെ മകന്‍ റസ്‌നാസ് എന്നിവരാണ് മരിച്ചത്. കൂടരഞ്ഞിയില്‍ ഉരുള്‍പൊട്ടി പ്രകാശന്‍, പ്രവീണ്‍ എന്നിവര്‍ മരിച്ചു. ശിവപുരത്ത് തോട്ടില്‍ വീണ് ഒഴുക്കില്‍ പെട്ട് കാണാതായ ഈയാട് ചേലത്തൂര്‍ മുഹമ്മദലിയുടെ മകന്‍ മുഹമ്മദ് യാസിന്റെ ധ7പ മൃതദേഹം കണ്ടെത്തി. ഇന്നു രാവിലെ നടത്തിയ തെരച്ചിലാണ് കുട്ടിയുടെ മൃതദേഹം കിട്ടിയത്.

ടൂറിസം വകുപ്പ് വയനാട് ജില്ലാ ഓഫീസിലെ പാര്‍ട്ട് ടൈം സ്വീപ്പര്‍ തസ്തികയിലെ നിയമനത്തിനായി ഈ മാസം 20 ന് രാവിലെ 10 മണിക്ക് ടൂറിസം വകുപ്പ് വയനാട് ജില്ലാ ഓഫീസില്‍ നടത്തുവാന്‍ നിശ്ചയിച്ചിരുന്ന ഇന്റര്‍വ്യൂ നിലവിലെ പ്രതികൂല കാലാവസ്ഥ കണക്കിലെടത്ത് മാറ്റിവെച്ചതായി മേഖലാ ജോയിന്റ് ഡയറക്ടര്‍ അറിയിച്ചു. പ്രസ്തുത ഇന്റര്‍വ്യൂ സെപ്തംബര്‍ 10 ന് രാവിലെ 10 മണിക്ക് ഓഫീസില്‍ നടത്തും.

കക്കയം ഡാമിന്റെ ഷട്ടറുകള്‍ നാലടി ആയി ഉയര്‍ത്തും. കുറ്റ്യാടി പുഴയുടെ തീരദേശ വാസികളും പൊതുജനങ്ങളും ജാഗ്രത പാലിക്കണമെന്ന് ഡാം സേഫ്റ്റി എക്‌സിക്യുട്ടീവ് എഞ്ചിനീയര്‍ അറിയിച്ചു.

അടിയന്തര രക്ഷാപ്രവര്‍ത്തനത്തിനുള്ള നമ്പര്‍: 1077. കുടുങ്ങി ക്കിടക്കുന്നവരില്‍ മൊബൈല്‍ ഉള്ളവരെക്കൊണ്ട് ഈ നമ്പരില്‍ വിളിപ്പിക്കണം. ഇതില്‍നിന്ന്  ലൊക്കേഷന്‍  ട്രാക്  ചെയ്യാന്‍ കഴിയും.

ജില്ലാ കളക്ടര്‍ യു.വി ജോസ് ദുരിതാശ്വാസ പ്രവര്‍ത്തനങ്ങളുടെ സ്‌പെഷ്യല്‍ ഓഫീസര്‍ കെ.ബിജു എന്നിവര്‍ ദുരിതാശ്വാസ ക്യാമ്പുകള്‍ സന്ദര്‍ശിച്ചു. വേങ്ങേരി യു.പി സ്‌കൂളിലെത്തി മതിയായ അടിസ്ഥാന സൗകര്യങ്ങള്‍ ഏര്‍പ്പെടുത്താന്‍ നിര്‍ദ്ദേശം നല്‍കി. വേങ്ങേരി, കണ്ണാടിക്കല്‍ പ്രദേശങ്ങളിലെ കുടുംബങ്ങളാണ് വേങ്ങേരി യു.പി സ്‌കൂളില്‍ ക്യാമ്പിലുളളത്.

കൂടരഞ്ഞി പഞ്ചായത്തിലെ കല്പിനിയില്‍ ഉരുള്‍പൊട്ടലില്‍ മണ്ണിനടിയില്‍പെട്ട് അച്ഛനും മകനും മരിച്ചു.കല്പിനി തയ്യില്‍ തൊടികയില്‍ ഗോപാലന്റെ മകന്‍ പ്രകാശന്‍ (45), പ്രകാശന്റെ മകന്‍ പ്രബിന്‍ (10) എന്നിവരാണ് മരിച്ചത്. ഗോപാലന്‍ (74), മകന്‍ പ്രകാശന്റെ ഭാര്യ ബിന്ദു (40) മക്കളായ പ്രബിന (11), പ്രിയ (ഏഴ്) എന്നിവര്‍ക്കാണ് പരിക്കേറ്റത്.

 കാലവര്‍ഷക്കെടുതിയില്‍ ബുദ്ധിമുട്ടുന്ന ജനതയെ സഹായിക്കാനും മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക്  ഫണ്ട് സ്വരൂപിച്ച് അയച്ചുനല്‍കാനും ഗ്രന്ഥശാലാ പ്രവര്‍ത്തകര്‍ സജീവമാകണമെന്ന് ജില്ലാ ലൈബ്രറി കൗണ്‍സില്‍ സെക്രട്ടറി എം. കാസിം, പ്രസിഡന്‍റ്   ടി.കെ. നാരായണദാസ്, സംസ്ഥാന എക്സി. അംഗം പി.കെ. സുധാകരന്‍ എന്നിവര്‍ അഭ്യര്‍ത്ഥിച്ചു.
എത്രയും വേഗം തുക സ്വരൂപിച്ച് താലൂക്ക് ലൈബ്രറി കൗണ്‍സില്‍ മുഖാന്തിരം ജില്ലാ ലൈബ്രറി കൗണ്‍സിലിനെ ഏല്പിക്കണം.  ഓണാഘോഷ പരിപാടികള്‍  ലളിതവത്ക്കരിക്കാനും  മിച്ചം വരുന്ന തുക ദുരിതാശ്വാസ നിധിയിലേയ്ക്ക് സംഭാവന നല്‍കുവാനും കൗണ്‍സില്‍ അഭ്യര്‍ത്ഥിച്ചു.