എറണാകുളം ജില്ലയുടെ തീരദേശ പരിപാലന പ്ലാന്‍ തയ്യാറാക്കുന്നതിനുള്ള കേരള തീരദേശ പരിപാലന അതോറിറ്റി പബ്ലിക് ഹിയറിംഗ് 29ന് നടത്തും.

പി.എന്‍.എക്‌സ്.3671/18

പ്രളയ ദുരിതത്തിന്റെ പശ്ചാതലത്തില്‍ പായ്ക്കറ്റുകളില്‍ വില്പനയ്ക്ക് തയ്യാറാക്കുന്ന ഭക്ഷ്യ വസ്തുക്കള്‍ പരമാവധി വിലയില്‍ കൂട്ടി വില്‍ക്കുന്നതായും അളവില്‍ കുറച്ച് ഉല്‍പന്നങ്ങള്‍ വില്‍ക്കുന്നതായും ആട്ടോറിക്ഷകളില്‍ അമിത ചാര്‍ജ് ഈടാക്കുന്നതായും നിരവധി പരാതികള്‍ ലഭിക്കുന്നുണ്ട്. വ്യാപാരികളും ആട്ടോറിക്ഷ തൊഴിലാളികളും ദുരന്തത്തിന്റെ മറവില്‍ ജനങ്ങളെ ചൂഷണം ചെയ്യുന്നത് ഒഴിവാക്കണമെന്നും അത്തരത്തില്‍ പ്രവര്‍ത്തിക്കുന്നവര്‍ക്കെതിരെ ശക്തമായ നിയമനടപടികള്‍ സ്വീകരിക്കുന്നതാണെന്നും ലീഗല്‍ മെട്രോളജി കണ്‍ട്രോളര്‍ ഡോ. പി. സുരേഷ് ബാബു അറിയിച്ചു.

പി.എന്‍.എക്‌സ്.3669/18

ജില്ലയിലെ ദുരിതാശ്വാസ ക്യാമ്പുകളില്‍ 33830 കുടുംബങ്ങളിലായി 1,99,720 പേര്‍ കഴിയുന്നതായി ജില്ലാ കളക്‌ടര്‍ ടി.വി.അനുപമ അറിയിച്ചു. 701 ക്യാമ്പുകളാണുള്ളത്‌. താലൂക്ക്‌, ക്യാംപ്‌, കുടുംബം, അംഗങ്ങള്‍ യഥാക്രമം. കൊടുങ്ങല്ലൂര്‍ താലൂക്ക്‌ 118, കുടുംബങ്ങള്‍ കണക്കാക്കപ്പെട്ടിട്ടില്ല-80,000. ചാവക്കാട്‌-116-6248-21794. ചാലക്കുടി-141-11088-44352. മുകുന്ദപുരം-101-7116-20000. തൂശൂര്‍-165-8278-29760. കുന്ദംകുളം-21-380-1345. തലപ്പിള്ളി-39-720-2469
 

പ്രകൃതിക്ഷോഭ രക്ഷാപ്രവര്‍ത്തനങ്ങളുമായി ബന്ധപ്പെട്ട് രൂപീകൃതമാവുന്ന ദുരിതാശ്വാസ കേന്ദ്രങ്ങള്‍ക്ക് ആവശ്യമായ സാങ്കേതിക പിന്തുണ ഏര്‍പ്പെടുത്താന്‍  കേരള ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) സംവിധാനമേര്‍പ്പെടുത്തി. രക്ഷാപ്രവര്‍ത്തനവുമായി ബന്ധപ്പെട്ട വിവരങ്ങള്‍ ക്രോഡീകരിക്കുന്നതിനും കൃത്യമായ വിശകലനത്തിനും വിവര പങ്കുവെയ്ക്കലിനും സഹായിക്കുന്ന വിധത്തില്‍ ക്യാമ്പുകളില്‍ കൈറ്റിന്റെ മാസ്റ്റര്‍ ട്രെയിനര്‍മാര്‍, സ്‌കൂള്‍ ഐ.ടി കോര്‍ഡിനേറ്റര്‍മാര്‍, ലിറ്റില്‍ കൈറ്റ്‌സ് അംഗങ്ങള്‍ തുടങ്ങിയവരുടെ സേവനം ലഭ്യമാക്കും. 

പ്രളയക്കെടുതിയില്‍ ഒറ്റപ്പെട്ടു  കഴിയുന്ന ദുരിതബാധിതര്‍ക്കു ഭക്ഷണ സാധനങ്ങള്‍, കുടിവെള്ളം, മരുന്ന് തുടങ്ങിയവ എത്തിച്ചു നല്‍കാന്‍ തദ്ദേശ സ്വയംഭരണ സ്ഥാപനങ്ങള്‍ റവന്യൂ അധികാരികളുമായി സഹകരിച്ചു അടിയന്തര നടപടി സ്വീകരിക്കാന്‍ തദ്ദേശ സ്വയംഭരണ സ്ഥാപനങ്ങള്‍ക്കും, ഡെപ്യൂട്ടി ഡറക്ടര്‍മാര്‍ക്കും തദ്ദേശ സ്വയംഭരണ വകുപ്പ് മന്ത്രി നിര്‍ദ്ദേശം നല്‍കി.

ആലപ്പുഴ ജില്ലാ കളക്ടറെ ദുരിതാശ്വാസ രക്ഷാപ്രവര്‍ത്തനങ്ങളില്‍ സഹായിക്കുന്നതിന് ഇന്‍ഫര്‍മേഷന്‍ പബ്‌ളിക് റിലേഷന്‍സ് വകുപ്പ് സെക്രട്ടറി പി. വേണുഗോപാലിനെ ചുമതലപ്പെടുത്തി സര്‍ക്കാര്‍ ഉത്തരവായി. 

പ്രളയക്കെടുതി നേരിടുന്നതിനു കൂടുതല്‍ ഹെലികോപ്റ്ററുകളും ബോട്ടുകളും സുരക്ഷാ ഉപകരണങ്ങളും പ്രധാനമന്ത്രിയോട് ആവശ്യപ്പെട്ടതായി മുഖ്യമന്ത്രി പിണറായി വിജയന്‍. ഇവ ലഭ്യമാക്കാമെന്ന് അദ്ദേഹം ഉറപ്പു നല്‍കിയതായും മുഖ്യമന്ത്രി അറിയിച്ചു. പ്രധാനമന്ത്രിക്കൊപ്പം പ്രളയബാധിത മേഖലകള്‍ ഹെലികോപ്റ്ററില്‍ കണ്ടശേഷം തിരുവനന്തപുരം വിമാനത്താവളത്തില്‍ മാധ്യമങ്ങളോടു സംസാരിക്കുകയായിരുന്നു അദ്ദേഹം.

കക്കി - ആനത്തോട് ഡാമിന്റെ നാല് ഷട്ടറുകളില്‍ മൂന്ന് ഷട്ടറുകള്‍ അല്‍പം ഉയര്‍ത്തി (75 c m - 90 cm). പമ്പ നദീ തീരവാസികള്‍  ജാഗ്രത പാലിക്കണമെന്ന് ജില്ലാ കലക്ടര്‍ പി ബി നൂഹ് അറിയിച്ചു.