പതിനഞ്ചായിരത്തോളം പേരെ ക്യാമ്പുകളിലേക്ക് മാറ്റി. ഇതില്‍ 6700 ഓളം പേര്‍ കോഴിക്കോട് കോര്‍പറേഷന്‍ പരിധിയിലുള്ളവരാണ്. അയ്യായിരത്തോളം ആളുകളെ ജില്ലയുടെ വിവിധ ഭാഗങ്ങളില്‍ നിന്ന് ബന്ധുവീടുകളിലേക്ക്് മാറ്റിയിട്ടുണ്ട്. കോര്‍പറേഷന്‍ പരിധിയിലെ താഴ്ന്നപ്രദേശങ്ങളില്‍ വെള്ളപ്പൊക്കത്തില്‍ ഒറ്റപ്പെട്ടവരെ രക്ഷാബോട്ടുകളിലാണ് ക്യാമ്പുകളിലെത്തിച്ചത്. മിക്ക കുടുംബങ്ങള്‍ക്കും വീട്ടുപകരണങ്ങളും, ഭൂരേഖകളും ഉള്‍പ്പെടെ നഷ്ടപ്പെട്ടതായി ഭൂരഹിതര്‍ പറഞ്ഞു. കുട്ടികളുടെ പാഠപുസ്തകങ്ങളും പഠനോപകരണങ്ങളും നഷ്ടപ്പെട്ടു. 

രാമനാട്ടുകര - വെങ്ങളം ബൈപ്പാസ് ആറുവരിപാത വികസനം സംബന്ധിച്ച് ജില്ലാ കലക്ടറുടെ ചേംബറില്‍ ഇന്ന് (17-08-2018)നടത്താനിരുന്ന റിവ്യൂ മീറ്റിംഗ് ജില്ലയില്‍ ശക്തമായ മഴയും പ്രകൃതി ക്ഷോഭവും തുടരുന്ന സാഹചര്യത്തില്‍ മാറ്റിവെച്ചതായി ജില്ലാ കലക്ടര്‍ അറിയിച്ചു. പുതിയ തീയതി പിന്നീട് അറിയിക്കുന്നതാണ്.  

കാലവര്‍ഷക്കെടുതിയോടനുബന്ധിച്ച് കോഴിക്കോട് ജില്ലയില്‍ മൃഗസംരക്ഷണ മേഖലയില്‍ ഉണ്ടാകുന്ന നാശനഷ്ടങ്ങളെക്കുറിച്ച് അറിയുന്നതിന് 24 മണിക്കുറ് പ്രവര്‍ത്തനസജ്ജമായഒരു കണ്‍ട്രോള്‍ റൂം കോഴിക്കോട് ജില്ലാ മൃഗസംരക്ഷണ ഓഫീസ് ആസ്ഥാനത്ത് പ്രവര്‍ത്തനം ആരംഭിച്ചു. ഫോണ്‍  0495 2762050. 
                

കോഴിക്കോട് ഗവ. എഞ്ചിനീയറിങ്ങ് കോളേജിലെ  മെക്കാനിക്കല്‍ എഞ്ചിനീയറിംഗ് വിഭാഗത്തിലെ പുതിയ പ്രൊഡക്ഷന്‍ എഞ്ചിനീയറിംഗ് ലാബിലേക്ക് ഉപകരണങ്ങള്‍ ഷിഫ്റ്റ് ചെയ്ത് സ്ഥാപിക്കുന്നതിനുവേണ്ടി  ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ഈ മാസം  29 ന് രണ്ട് മണി വരെ. ഫോണ്‍ : 0495 2383220, 2383210. വെബ്‌സൈറ്റ് : ംംം.ഴലരസസറ.മര.ശി.

ദുരിതാശ്വാസ ക്യാമ്പ് പ്രവര്‍ത്തിക്കുന്നതിനാല്‍ കോഴിക്കോട് മലാപ്പറമ്പ് ഗവ. വനിതാ പോളിടെക്‌നിക് കോളേജിന് ഇന്ന് (17.8) അവധി ആയിരിക്കുമെന്ന് പ്രിന്‍സിപ്പാള്‍ അറിയിച്ചു.
 

കോഴിക്കോട് മാവിളിക്കടവിലെ ഗവ.വനിത ഐ.ടി.ഐ.യില്‍  ഇന്ന് (17.8)  നടത്താനിരുന്ന എല്ലാ അഭിമുഖവും മറ്റൊരു ദിവസത്തേക്ക് മാറ്റി. പുതുക്കിയ തീയ്യതി പിന്നീട് അറിയിക്കുമെന്ന് പ്രിന്‍സിപ്പാള്‍ അറിയിച്ചു. 
 

നി പ വൈറസ് ബാധിതനെ ശുശ്രൂഷിക്കുന്നതിനിടെ നിപ രോഗം പിടിപ്പെട്ട് മരിച്ച നഴ്‌സ് ലിനിയുടെ ഭര്‍ത്താവ് സജീഷ് സര്‍ക്കാര്‍ ജോലിയില്‍ ലഭിച്ച ആദ്യമാസത്തെ ശമ്പളം കാലവര്‍ഷക്കെടുതിയില്‍ ദുരിതമനുഭവിക്കുന്നവരെ സഹായിക്കാന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി. വടകര റെസ്റ്റ് ഹൗസില്‍ വച്ച് തൊഴില്‍ വകുപ്പ് മന്ത്രി ടി പി രാമകൃഷ്ണനെ ആദ്യമാസത്തെ ശമ്പളത്തിന്റെ ചെക്ക് ഏല്പിക്കുകയായിരുന്നു'.പേരാമ്പ്ര താലൂക്ക് ആശുപത്ര1യിലെ. നഴ്‌സായിരുന്ന ലിനിയുടെ  ഭര്‍ത്താവിന് സര്‍ക്കാര്‍ ജോലി നല്‍കുകയായിരുന്നു. കൂത്താളി പി എച്ച് സി യിലെ ക്ലര്‍ക്കായി നിയമിതനായ സജീഷ് ജൂലൈയിലാണ് ജോലിയില്‍ പ്രവേശിച്ചത്.

കോഴിക്കോട് ജില്ലയിലെ വിവിധ ഭാഗങ്ങളില്‍ വെള്ളപ്പൊക്കത്തില്‍ അകപ്പെട്ടവരെ സുരക്ഷിത കേന്ദ്രങ്ങളിലേക്ക് മാറ്റുന്നതിനായി ബോട്ട് സര്‍വീസും രംഗത്ത്. ഫയര്‍ഫോഴ്‌സിന്റേതുള്‍പ്പെടെ പത്ത് ബോട്ടുകളാണ് സര്‍വീസ് നടത്തുന്നത്. ചെലവൂര്‍, കുരുവട്ടൂര്‍, കോട്ടൂളി, കക്കോടി, ചേവായൂര്‍, പെരുവയല്‍, ഒളവണ്ണ, കാരശ്ശേരി, കക്കാട്, താഴേക്കോട്, മാവൂര്‍, തിരുവള്ളൂര്‍, പെരുമണ്ണ, കുന്ദമംഗലം, കൊടുവള്ളി, പന്തീരങ്കാവ്, വേങ്ങേരി എന്നീ വില്ലേജുകളിലെ വിവിധ ഭാഗങ്ങളിലാണ് ബോട്ട് സര്‍വീസുകള്‍ തുടങ്ങിയത്.

കക്കയം ഡാം  പെരുവണ്ണാമുഴി ഷട്ടര്‍ തുറന്ന് ആറ് അടി വരെ  വെള്ളം  ഒഴുകാന്‍ സാധ്യതയുള്ളതിനാല്‍ കുറ്റ്യാടി പുഴയുടെ തീരങ്ങളില്‍ താമസിക്കുന്നവരും പരിസരവാസികളും അതീവ ജാഗ്രത പാലിക്കണം.  ചക്കിട്ടപാറ, കൂരാച്ചുണ്ട്, ചെങ്ങരോത്ത്, കുറ്റ്യാടി പഞ്ചായത്തുകളില്‍ അതീവ ജാഗ്രത പാലിക്കണം. 
1. ഉരുള്‍പൊട്ടല്‍ സാധ്യത ഉള്ളതിനാല്‍ രാത്രി സമയത്ത് (7 ുാ ീേ 7 മാ) മലയോരമേഘലയിലേക്കുള്ള യാത്ര ഒഴിവാക്കുക.
2. ബീച്ചുകളില്‍ സന്ദര്‍ശനം ഒഴിവാക്കുക. ഒരു കാരണവശാലും കടലില്‍ ഇറങ്ങാന്‍ പാടില്ല