ജലസേചന വകുപ്പിലെ സിവില്‍ വിഭാഗം രണ്ടാംതരം ഓവര്‍സിയര്‍മാരുടെ 2010 നവംബര്‍ ഒന്നു മുതല്‍ 2016 മാര്‍ച്ച് 31 വരെയുള്ള മുന്‍ഗണനാ പട്ടിക അന്തിമമായി പ്രസിദ്ധീകരിച്ചു. www.irrigation.kerala.gov.in എന്ന വെബ്‌സൈറ്റില്‍ പട്ടിക ലഭിക്കും.

പി.എന്‍.എക്‌സ്.3665/18

സംസ്ഥാനം ഇപ്പോള്‍ നേരിടുന്ന പ്രകൃതി ദുരന്തത്തിന്റെ ഭാഗമായി ദുരിതത്തില്‍പ്പെട്ട് ചികിത്സ തേടി വരുന്ന പൊതുജനങ്ങള്‍ക്ക് ആവശ്യമുള്ള ചികിത്സാ സൗകര്യങ്ങള്‍ എല്ലാ ഇ.എസ്.ഐ  ഡിസ്‌പെന്‍സറികളിലും ഹോസ്പിറ്റലുകളിലും ലഭ്യമാക്കണമെന്ന് ഇന്‍ഷുറന്‍സ് മെഡിക്കല്‍ സര്‍വീസ് ഡയറക്ടര്‍ അറിയിച്ചു.

പി.എന്‍.എക്‌സ്.3664/18

ജില്ലയിലെ ദുരിതാശ്വാസ ക്യാമ്പുകളില്‍ കഴിയുന്നവര്‍ക്ക്‌ എല്ലാ സഹായവും എത്തിയ്‌ക്കുമെന്നും ഒറ്റപ്പെട്ടുകിടക്കുന്നവരെ രക്ഷപ്പെടുത്തി ദുരിതാശ്വാസ ക്യാമ്പുകളില്‍ എത്തിക്കുമെന്നും തദ്ദേശ സ്വയംഭരണ വകുപ്പു മന്ത്രി എ.സി.മൊയ്‌തീന്‍ ചാലക്കുടി റസ്റ്റ്‌ ഹൗസില്‍ നടന്ന ദിരിതാശ്വാസ പ്രവര്‍ത്തനങ്ങളുടെ അവലോകനത്തില്‍ പറഞ്ഞു.

എന്‍.ടി.എസ്/എന്‍.എം.എം.എസ് പരീക്ഷയുടെ ഓണ്‍ലൈന്‍ അപേക്ഷ സമര്‍പ്പിക്കേണ്ട തിയതി ആഗസ്റ്റ് 20 എന്നത് സെപ്റ്റംബര്‍ 10ലേക്ക് മാറ്റി. അവസാന തിയതി സെപ്റ്റംബര്‍ 24 ആണ്. ഓണ്‍ലൈന്‍ അപേക്ഷയുടെ പകര്‍പ്പ് എസ്.സി.ഇ.ആര്‍.ടിയുടെ വെബ്‌സൈറ്റില്‍ (www.scertkerala.gov.in) ലഭിക്കും.

പി.എന്‍.എക്‌സ്.3663/18

എം.ഫാം കോഴ്‌സ് പ്രവേശനവുമായി ബന്ധപ്പെട്ട് തിരുവനന്തപുരം ഗവണ്‍മെന്റ് മെഡിക്കല്‍ കോളേജിലെ ഒഴിവുള്ള 13 സീറ്റുകളിലേക്കുള്ള സ്‌പോട്ട് അഡ്മിഷന്‍ ആഗസ്റ്റ് 29ന് രാവിലെ 10.30ന് തിരുവനന്തപുരം ഗവണ്‍മെന്റ് മെഡിക്കല്‍ കോളേജിലും, കോഴിക്കോട് ഗവണ്‍മെന്റ് മെഡിക്കല്‍ കോളേജിലെ ഒഴിവുള്ള ഒരു സീറ്റിലേക്കുള്ള സ്‌പോട്ട് അഡ്മിഷന്‍ ആഗസ്റ്റ് 30 രാവിലെ 10.30ന് കോഴിക്കോട് ഗവണ്‍മെന്റ് മെഡിക്കല്‍ കോളേജിലും നടത്തും.

സംസ്ഥാനത്ത് പ്രളയക്കെടുതിയില്‍ ദുരിതമനുഭവിക്കുന്നവര്‍ക്ക് ഭക്ഷണം ഉള്‍പ്പെടയുള്ള വിവിധ സാധനങ്ങള്‍ എത്തിക്കുന്നതിന് തിരുവനന്തപുരം മ്യൂസിയത്തിനു സമീപം പബ്ലിക് ഓഫിസ് ബില്‍ഡിങ്ങിലെ  പഞ്ചായത്ത് ഡയറക്ടറേറ്റ് ഓഫീസില്‍  കളക്ഷന്‍ സെന്റര്‍ പ്രവര്‍ത്തനമാരംഭിച്ചു. ജില്ലയിലെ വിവിധ പഞ്ചായത്തുകള്‍, സന്നദ്ധ-സാമൂഹ്യ സംഘടനകള്‍, മറ്റു സ്ഥാപനങ്ങള്‍, വ്യക്തികള്‍ തുടങ്ങിയവര്‍ക്ക്   കളക്ഷന്‍ സെന്ററില്‍ സാധന സാമഗ്രികള്‍ എത്തിക്കാം. ഡയറക്ടറേറ്റില്‍ നിന്നും  സാധന സാമഗ്രികള്‍ അടങ്ങുന്ന വാഹനം എല്ലാ ദിവസവും വിവിധ ജില്ലകളിലേക്ക് പുറപ്പെടും. ബന്ധപ്പെടെണ്ട ഫോണ്‍ നമ്പറുകള്‍ -0471-2786322, 2786323,2786321.