പ്രളയക്കെടുതിയില്‍ പ്രയാസമനുഭവിക്കുന്നവര്‍ക്ക് വനംവകുപ്പ് ആസ്ഥാനത്ത് പ്രത്യേക കണ്‍ട്രോള്‍ റൂം പ്രവര്‍ത്തിനം തുടങ്ങി. കൂടാതെ എല്ലാ സര്‍ക്കിളുകളിലും കണ്‍ട്രോള്‍ റൂമുകളുണ്ട്.  വനംവകുപ്പ് ആസ്ഥാനത്തെ കണ്‍ട്രോള്‍ റൂം നമ്പരുകള്‍: 9447979115, 0471 2529365. ടോള്‍ ഫ്രീ നമ്പര്‍: 18004254733. 

വയനാട് ജില്ലയിലെ കര്‍ഷകര്‍ 2014 മാര്‍ച്ച് 31 വരെയും മറ്റു ജില്ലകളിലെ കര്‍ഷകര്‍ 2011 ഒക്‌ടോബര്‍ 31 വരെയും സഹകരണ ബാങ്കുകളില്‍ നിന്ന് എടുത്തതും കുടിശ്ശിക ആയതുമായ വായ്പകള്‍ കടാശ്വാസത്തിന് പരിഗണിക്കുന്നതിന് സര്‍ക്കാര്‍ ഉത്തരവായി.18/6/2018-ാം തിയതിയിലെ ജി.ഒ (പി) നം. 36/2018/ആര്‍.ഡി (എസ്.ആര്‍.ഒ നം. 411/2018)

സംസ്ഥാനത്ത് അടഞ്ഞുകിടക്കുന്ന കള്ളുഷാപ്പുകളിലെ തൊഴില്‍ രഹിതരായ 1338 ചെത്ത് തൊഴിലാളികള്‍ക്ക് 2500 രൂപ നിരക്കിലും 840 വില്‍പന തൊഴിലാളികള്‍ക്ക് 2000 രൂപ നിരക്കിലും  ഓണക്കാലത്ത് സാമ്പത്തിക സഹായം അനുവദിക്കുന്നതിന് സര്‍ക്കാര്‍ ഉത്തരവായി. ഇതിനായി 50,25,000 രൂപ അനുവദിച്ചിട്ടുണ്ട്. അര്‍ഹരായ തൊഴിലാളികള്‍ നേരിട്ടെത്തി ജില്ലകളിലെ ഡെപ്യൂട്ടി എക്‌സൈസ് കമ്മീഷണര്‍മാരില്‍ നിന്നും ധനസഹായം വാങ്ങണമെന്ന് എക്‌സൈസ് കമ്മീഷണര്‍ ഋഷിരാജ് സിംഗ് അറിയിച്ചു.

പി.എന്‍.എക്‌സ്.3678/18

സംസ്ഥാന ആസൂത്രണ ബോര്‍ഡിലെ റിസര്‍ച്ച് അസിസ്റ്റന്റ് (പ്രൊവിഷണല്‍) തസ്തികയില്‍ 20ന് നടത്താനിരുന്ന ഇന്റര്‍വ്യൂ മാറ്റി. പുതുക്കിയ തിയതി പിന്നീട് അറിയിക്കും.

പി.എന്‍.എക്‌സ്.3677/18

ചാക്ക, ഐ.റ്റി.ഐയിലെ 2018 -19 വര്‍ഷത്തെ റഗുലര്‍ ക്ലാസുകള്‍ 29ന് ആരംഭിക്കും.

പി.എന്‍.എക്‌സ്.3676/18

സര്‍ക്കാര്‍/സര്‍ക്കാര്‍ എയ്ഡഡ് സ്ഥാപനങ്ങളില്‍ എസ്.എസ്.എല്‍.സി/പ്ലസ്ടു/വി.എച്ച്.എസ്.ഇ തലങ്ങളില്‍ പഠിച്ച് എല്ലാ വിഷയങ്ങള്‍ക്കും എ പ്ലസ് നേടിയ ന്യൂനപക്ഷ മതവിഭാഗങ്ങളിലെ ദാരിദ്ര്യരേഖയ്ക്ക് താഴെയുള്ള കുടുംബങ്ങളിലെ വിദ്യാര്‍ത്ഥികള്‍ക്ക് നല്‍കുന്ന പ്രൊഫ. ജോസഫ് മുണ്ടശ്ശേരി സ്‌കോളര്‍ഷിപ്പ് അവാര്‍ഡിന് സംസ്ഥാന ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു.

കേരളത്തിലെ  പ്രളയദുരിതമേഖലയില്‍  ആഗസ്റ്റ് 15 മുതല്‍ മൂവായിരത്തോളം എക്‌സൈസ് ഉദേ്യാഗസ്ഥര്‍ കലക്ടര്‍മാരുടെ കീഴില്‍ രക്ഷാപ്രവര്‍ത്തനത്തില്‍ ഏര്‍പ്പെടുന്നതായി എക്‌സൈസ് കമ്മീഷണര്‍ അറിയിച്ചു.. 

എക്‌സൈസ് അക്കാഡമിയില്‍ പരിശീലനത്തില്‍ ഏര്‍പ്പെട്ടിരുന്ന ഉദേ്യാഗസ്ഥര്‍ പരിശീലനം നിര്‍ത്തി വെച്ച് എറണാകുളം, തൃശ്ശൂര്‍ ജില്ലകളില്‍ രക്ഷാപ്രവര്‍ത്തനം നടത്തുന്നുണ്ട്. ഉദേ്യാഗസ്ഥരെ പത്ത് ടീമുകളായി തിരിച്ച് ഓരോ ടീമിലും 10, 20, 25 അംഗങ്ങള്‍ വീതം ഒരു ഓഫീസറുടെ കീഴില്‍ എറണാകുളം, തൃശ്ശൂര്‍ ജില്ലാ കലക്ടര്‍മാര്‍ ആവശ്യപ്പെടുന്നതനുസരിച്ച് അയയ്ക്കുന്നു. 

സംസ്ഥാന പട്ടികവര്‍ഗ വികസന വകുപ്പിനു കീഴിലുള്ള മോഡല്‍ റസിഡന്‍ഷ്യല്‍ സ്‌കൂളുകളിലേക്ക് എന്‍ട്രന്‍സ് കോച്ചിംഗ് നടത്തുന്നതിന് ഈ രംഗത്ത് അഞ്ച് വര്‍ഷത്തെ പ്രവൃത്തി പരിചയമുള്ള സ്ഥാപനങ്ങള്‍/വ്യക്തികളില്‍ നിന്ന് പ്രൊപ്പോസല്‍ ക്ഷണിച്ചു. അവസാന തിയതി 31. അന്നേദിവസം വൈകുന്നേരം മൂന്നിന് പ്രൊപ്പോസലുകള്‍ പരിഗണിക്കും.  ഫോണ്‍: 0471 2303229, 2304594.

പി.എന്‍.എക്‌സ്.3673/18

മഴക്കെടുതിയില്‍ ജനജീവിതം ദുസഹമായ സാഹചര്യത്തില്‍ അവശ്യസാധനങ്ങള്‍ക്ക് കൃത്രിമ ക്ഷാമം ഉണ്ടാക്കാന്‍ വ്യാപാരികള്‍ ശ്രമിച്ചാല്‍ അവശ്യസാധന നിയമ പ്രകാരവും, ക്രിമിനല്‍ ചട്ടങ്ങളുടെ അടിസ്ഥാനത്തിലും നടപടിയെടുക്കുമെന്ന് സിവില്‍ സപ്ലൈസ് ഡയറക്ടര്‍ അറിയിച്ചു.  ഇത്തരം സംഭവങ്ങള്‍ ബന്ധപ്പെട്ട താലൂക്ക്/ജില്ലാ സപ്ലൈ ഓഫീസര്‍മാരെ വിവരം അറിയിക്കണം. ഓഫീസര്‍മാരുടെ മൊബൈല്‍ നമ്പരുകള്‍ വെബ്‌സൈറ്റില്‍ ലഭ്യമാണ്.

പി.എന്‍.എക്‌സ്.3672/18