കണ്ണൂര്‍ ഗവ.ഐ ടി ഐ യും ഐ എം സി യും സംയുക്തമായി നടത്തുന്ന ഹീറ്റിംഗ് വെന്റിലേഷന്‍ ആന്റ് എയര്‍ കണ്ടീഷനിംഗ് കോഴ്‌സിന് അപേക്ഷ ക്ഷണിച്ചു.  യോഗ്യത: ഐ ടി ഐ ആര്‍ എ സി എം, ബി ടെക് ഇന്‍ മെക്കാനിക്കല്‍ എഞ്ചിനീയറിംഗ്. ഫോണ്‍: 9207999811.

    പയ്യന്നൂര്‍ എല്‍ ബി എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി സെന്ററില്‍ ഒരു വര്‍ഷത്തെ പി ജി ഡി സി എ കോഴ്‌സിന് സീറ്റ് ഒഴിവുണ്ട്.  താല്‍പര്യമുള്ളവര്‍ സെന്ററില്‍ നേരിട്ട് ഹാജരാവണം.  എസ് സി/എസ് ടി/ഒ ഇ സി വിഭാഗങ്ങള്‍ക്ക് ഫീസ് ആനുകൂല്യം ലഭിക്കും.  ഫോണ്‍: 04985 208878.

    ജില്ലയിലെ മത്സ്യത്തൊഴിലാളി കടാശ്വാസ കമ്മീഷന്‍ സിറ്റിംഗ് ഇന്ന്(സെപ്റ്റംബര്‍ 12) രാവിലെ 10 മണിക്ക് ഗവ.ഗസ്റ്റ് ഹൗസില്‍ നടത്തും.  

    തളാപ്പ് ഡി പി ഡി ഒ കേന്ദ്രത്തില്‍ പെന്‍ഷന്‍ വാങ്ങിക്കുന്ന വിമുക്ത ഭടന്‍മാര്‍/ആശ്രിതര്‍ എന്നിവര്‍ക്കായി സെപ്റ്റംബര്‍ 18 ന് രാവിലെ 10 മണി മുതല്‍ വൈകിട്ട് അഞ്ച് മണി വരെ പെന്‍ഷന്‍ അദാലത്ത് നടത്തുന്നു. കോടതിയില്‍ വ്യവഹാരം നടക്കുന്നതൊഴികെയുള്ള എല്ലാ പരാതികളും സ്വീകരിക്കുന്നതാണ്.  കൂടുതല്‍ വിവരങ്ങള്‍ 0497 2764070 ല്‍ ലഭിക്കും.

    ഒ ബി സി വിഭാഗത്തില്‍ ഉള്‍പ്പെട്ടവരും കുടുംബവാര്‍ഷിക വരുമാനം ഒരു ലക്ഷം രൂപയില്‍ അധികരിക്കാത്തവരും പരമ്പരാഗതമായി മണ്‍പാത്ര നിര്‍മാണം, ബാര്‍ബര്‍ തൊഴില്‍ എന്നിവയില്‍ ഏര്‍പ്പെട്ടിരിക്കുന്ന വ്യക്തികള്‍ക്ക് അവരുടെ തൊഴില്‍ അഭിവൃദ്ധിപ്പെടുത്തുന്നതിനായി സംസ്ഥാന പിന്നോക്ക വിഭാഗ വികസന വകുപ്പ് ധനസഹായം നല്‍കുന്നു.  നിശ്ചിത മാതൃകയിലുള്ള അപേക്ഷകള്‍ സെപ്റ്റംബര്‍ 29 ന് വൈകിട്ട് 5 മണിക്കകം മേഖലാ ഡെപ്യൂട്ടി ഡയറക്ടര്‍ പിന്നോക്ക വിഭാഗ വികസന  വകുപ്പ്, സിവില്‍ സ്റ്റേഷന്‍, കോഴിക്കോട് 673020 എന്ന വിലാസത്തില്‍ ലഭിക്കണം.

    തളിപ്പറമ്പ് ഇലക്ട്രിക്കല്‍ സെക്ഷന്‍ പരിധിയിലെ പുളിമ്പറമ്പ് ശ്രീകൃഷ്ണ ക്ഷേത്രം, കണികുന്ന്, കുപ്പം, കൊപ്പരക്കളം, തളിപ്പറമ്പ് അമ്പലം, അരവത്ത് അമ്പലം, ആടിക്കുംപാറ, പുഴക്കുളങ്ങര, പാലോറ ഭാഗങ്ങളില്‍ ഇന്ന്(സെപ്റ്റംബര്‍ 12) രാവിലെ ഒമ്പത് മണി മുതല്‍ വൈകിട്ട് ആറ് മണി വരെ വൈദ്യുതി മുടങ്ങും.
    കാടാച്ചിറ ഇലക്ട്രിക്കല്‍ സെക്ഷന്‍ പരിധിയിലെ ചാല എച്ച് എസ്, വെള്ളൂരില്ലം, പനോന്നേരി, മായാബസാര്‍, തന്നട, ഇല്ലത്തുവളപ്പില്‍, ഹാജി മുക്ക് ഭാഗങ്ങളില്‍ ഇന്ന്(സെപ്റ്റംബര്‍ 12) രാവിലെ ഏഴര മുതല്‍ വൈകിട്ട് മൂന്ന് മണി വരെ വൈദ്യുതി മുടങ്ങും.

     കണ്ണൂര്‍ ഗവ.ഐ ടി ഐ യില്‍ ഡ്രാഫ്റ്റ്‌സ്മാന്‍ മെക്കാനിക്ക് ട്രേഡിലെ ഒഴിവിലേക്ക് ഗസ്റ്റ് ഇന്‍സ്ട്രക്ടറുടെ ഒഴിവുണ്ട്.  ഡ്രാഫ്റ്റ്‌സ്മാന്‍ മെക്കാനിക്ക് ട്രേഡിലെ എന്‍ ടി സി/എന്‍ എ സി യും മൂന്ന് വര്‍ഷത്തെ പ്രവൃത്തി പരിചയവും/മെക്കാനിക്കല്‍ എഞ്ചിനീയറിംഗ് ഡിപ്ലോമയും രണ്ട് വര്‍ഷത്തെ പ്രവൃത്തി പരിചയവും അല്ലെങ്കില്‍ മെക്കാനിക്കല്‍ എഞ്ചിനീയറിംഗ് ഡിഗ്രിയും ഒരു വര്‍ഷത്തെ പ്രവൃത്തി പരിചയവുമാണ് യോഗ്യത.  യോഗ്യതയുള്ളവര്‍ 15 ന് രാവിലെ 11 മണിക്ക് വിദ്യാഭ്യാസ യോഗ്യത, പ്രവൃത്തി പരിചയം തുടങ്ങിയവ തെളിയിക്കുന്ന അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം പ്രിന്‍സിപ്പല്‍ മുമ്പാകെ ഇന്റര്‍വ്യൂവിന് ഹാജരാകണം.

    കണ്ണാടിപറമ്പ് ഗവ.ഹയര്‍ സെക്കണ്ടറി സ്‌കൂളില്‍ ഹയര്‍ സെക്കണ്ടറി വിഭാഗത്തില്‍ ഒഴിവുള്ള ഫിസിക്‌സ് അധ്യാപകന്റെ ഒഴിവിലേക്ക് സെപ്റ്റംബര്‍ 14 ന് രാവിലെ 11 മണിക്ക് അഭിമുഖം നടത്തും.  താല്‍പര്യമുള്ളവര്‍ സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം ഹാജരാകണം.

    ദേശീയ പട്ടികജാതി ധനകാര്യ വികസന കോര്‍പ്പറേഷനും അപ്പാരല്‍ ട്രെയിനിംഗ് ആന്റ് ഡിസൈന്‍ സെന്ററും സംയുക്തമായി നാല് മാസത്തെ സാംപ്ലിംഗ് കോ ഓര്‍ഡിനേറ്റര്‍(തയ്യല്‍ പരിശീലനം) ആരംഭിക്കുന്നു.  സ്റ്റൈപ്പന്റോടുകൂടിയ കോഴ്‌സിന് പങ്കെടുക്കാന്‍ താല്‍പര്യമുള്ള 18 നും 50 നും ഇടയില്‍ പ്രായമുള്ള പട്ടികജാതിവിഭാഗത്തില്‍പ്പെട്ട യുവതീ യുവാക്കള്‍ വരുമാന സര്‍ട്ടിഫിക്കറ്റ്, ജാതി, പ്രായം എന്നിവ തെളിയിക്കുന്ന സര്‍ട്ടിഫിക്കറ്റുകള്‍, ആധാര്‍ കാര്‍ഡിന്റെ പകര്‍പ്പ്, നാല് ഫോട്ടോകള്‍ എന്നിവ സഹിതം എ ടി ഡി സി നാടുകാണി സെന്ററില്‍ 17 ന് മുമ്പ് അപേക്ഷ സമര്‍പ്പിക്കണം.  വിദ്യാഭ്യാസ യോഗ്യത: എട്ടാം ക്ലാസ്  പാസായിരിക്കണം.

    എടക്കാട് - കണ്ണൂര്‍ സൗത്ത് സ്റ്റേഷനുകള്‍ക്കിടയിലെ  238 ാം നമ്പര്‍ ലെവല്‍ക്രോസ് 13 ന്  രാവിലെ എട്ട് മണി മുതല്‍ 14 ന് വൈകിട്ട് 6 മണി വരെ അറ്റകുറ്റപ്പണികള്‍ക്കായി അടച്ചിടുമെന്ന് അസി.ഡിവിഷണല്‍ എഞ്ചിനീയര്‍ അറിയിച്ചു.