സംസ്ഥാന വികലാംഗക്ഷേമ കോര്‍പ്പറേഷനില്‍ നിന്നും സ്വയം തൊഴില്‍ വായ്പ പദ്ധതി പ്രകാരം വായ്പയെടുത്തിട്ടുള്ള ഗുണഭോക്താക്കളുടെ സംരംഭങ്ങള്‍ക്ക് പ്രളയത്തിലും കാലവര്‍ഷക്കെടുതിയിലും എന്തെങ്കിലും നാശനഷ്ടങ്ങള്‍ ഉണ്ടായിട്ടുണ്ടെങ്കില്‍ അത് സംബന്ധിച്ച വില്ലേജ് ഓഫീസര്‍ സാക്ഷ്യപ്പെടുത്തിയ സര്‍ട്ടിഫിക്കറ്റ് സെപ്റ്റംബര്‍ 17ന് വൈകിട്ട് അഞ്ചിനു മുമ്പ് കേരള സംസ്ഥാന വികലാംഗക്ഷേമ കോര്‍പ്പറേഷന്‍ ഓഫീസില്‍ എത്തിക്കണം. ഇതിന്റെ ഒരു കോപ്പി എന്ന മെയില്‍ അയയ്ക്കുകയും വേണം. ഫോണ്‍: 0471 2347768, 2347152, 2347153, 2347156, 9446313975, 9446221516

പി.എന്‍.എക്‌സ്.4018/18

* പ്രളയബാധിതര്‍ക്കായുള്ള കെയര്‍ കേരള പദ്ധതിക്ക് രൂപരേഖയായി

* സാങ്കേതിക സാമൂഹിക വിദഗ്ധരുടെ ഏകദിനശില്പ ശാലയിലെ നിര്‍ദ്ദേശങ്ങള്‍ 

കണക്കിലെടുക്കുമെന്നും മന്ത്രി.

പ്രളയദുരന്തത്തില്‍ പൂര്‍ണ്ണമായും വീട് നഷ്ടപ്പെട്ടവര്‍ക്ക് സഹകരണ വകുപ്പിന്റെ നേതൃത്വത്തില്‍ നിര്‍മ്മിച്ചു നല്‍കുന്ന വീടുകള്‍ ഗുണഭോക്താക്കളുടെ ആവശ്യങ്ങള്‍ക്ക് അനുസൃതമായും, അവരുടെ താല്‍പര്യങ്ങള്‍ കൂടി മനസിലാക്കിയും ആയിരിക്കും നിര്‍മ്മിക്കുകയെന്ന് മന്ത്രി കടകംപള്ളി സുരേന്ദ്രന്‍ വ്യക്തമാക്കി.

ഈ ശബരിമല സീസണില്‍ കെ.എസ്.ആര്‍.ടി.സി ഇലക്ട്രിക് ബസ് ഓടിക്കാന്‍ തീരുമാനമെടുത്തിട്ടില്ലെന്ന് ഗതാഗതവകുപ്പ് മന്ത്രി എ.കെ.ശശീന്ദ്രന്‍ അറിയിച്ചു. നിലവിലെ സാഹചര്യത്തില്‍ അധിക സാമ്പത്തിക ബാധ്യത വരുന്ന ഒരു നടപടിയും കെ.എസ്.ആര്‍.ടി.സിയില്‍ കൈകൊള്ളേണ്ടതില്ല എന്നാണ് സര്‍ക്കാര്‍ തീരുമാനം. സംസ്ഥാനത്ത് ഇലക്ട്രിക് വെഹിക്കിള്‍ പോളിസി നടപ്പിലാക്കിയ ശേഷം ആവശ്യമെന്ന് കണ്ടാല്‍ സര്‍ക്കാര്‍ ഇക്കാര്യം പ്രത്യേകം പരിശോധിക്കുന്നതാണെന്നും മന്ത്രി അറിയിച്ചു.

പി.എന്‍.എക്‌സ്.4016/18

കോഴിക്കോട് ഗവണ്‍മെന്റ് ലോ കോളേജില്‍ 2018 -19 അധ്യയന വര്‍ഷത്തെ എല്‍.എല്‍.ബി പഞ്ചവത്സര കോഴ്‌സ് പ്രവേശനം സെപ്റ്റംബര്‍ 12, 13, 14 തിയതികളില്‍ നടക്കുന്നതിനാല്‍ ആ ദിവസങ്ങളില്‍ റഗുലര്‍ ക്ലാസുകള്‍ ഉണ്ടായിരിക്കില്ല. 17ന് ക്ലാസ് പുനരാരംഭിക്കും.

പി.എന്‍.എക്‌സ്.4013/18

പുതൂരിലെ തൃശൂര്‍ സുവോളജിക്കല്‍ പാര്‍ക്ക് പദ്ധതിയില്‍ പ്രോജക്ട് എന്‍ജിനിയര്‍ തസ്തികയിര്‍ കരാര്‍ നിയമനത്തിന് പരിചയ സമ്പന്നരായ സിവില്‍ എന്‍ജിനിയറിംഗ് ബിരുദധാരികളില്‍ നിന്നും അപേക്ഷ ക്ഷണിച്ചു. അവസാന തിയതി 28. വെബ്‌സൈറ്റ്: www.forest.kerala.gov.in

പി.എന്‍.എക്‌സ്.4012/18

പ്രളയദുരിതത്തില്‍ അകപ്പെട്ട് കഴിയുന്ന ജനങ്ങള്‍ക്ക് ആവശ്യമായ സൗജന്യ ട്രോമാ കൗണ്‍സലിംഗ് നല്‍കുന്നതിന് കേരള സംസ്ഥാന സാമൂഹ്യ ക്ഷേമ ബോര്‍ഡിന്റെ കീഴില്‍ സംസ്ഥാനത്ത് പ്രവര്‍ത്തിക്കുന്ന 39 ഫാമിലി കൗണ്‍സലിംഗ് സെന്ററുകളിലേയും 92 സര്‍വീസ് പ്രൊവൈഡിംഗ് സെന്ററുകളിലെയും 14 ഹെല്‍ട്ടര്‍ ഹോമുകളിലേയും ഏഴ് സ്വധാര്‍ ഹോമുകളിലേയും കൗണ്‍സലര്‍മാരോട് നിര്‍ദേശിച്ചതായി സാമൂഹ്യ ക്ഷേമ ബോര്‍ഡ് ചെയര്‍പേഴ്‌സണ്‍ ഡോ. ഖമറുന്നീസ അന്‍വര്‍ അറിയിച്ചു. സൗജന്യ കൗണ്‍സലിംഗിനും കൂടുതല്‍ വിവരങ്ങള്‍ക്കും 0471 2352258 എന്ന നമ്പറില്‍ ബന്ധപ്പെടാം.

പി.എന്‍.എക്‌സ്.4011/18

ഒക്‌ടോബര്‍ ഒന്നിന് കരട് വോട്ടര്‍ പട്ടിക പ്രസിദ്ധീകരിക്കുന്നതോടെ വോട്ടര്‍ പട്ടിക പുതുക്കല്‍ പ്രക്രിയ ആരംഭിക്കുന്ന വിധത്തില്‍ പുതുക്കിയ സമയക്രമം കേന്ദ്ര തിരഞ്ഞെടുപ്പ് കമ്മീഷന്‍ അംഗീകരിച്ചു. ഇതിന്റെ അടിസ്ഥാനത്തില്‍ സംസ്ഥാന ചീഫ് ഇലക്ടറല്‍ ഓഫീസര്‍ വോട്ടര്‍ പട്ടിക പുതുക്കല്‍ സംബന്ധിച്ച വിവരങ്ങള്‍ വിവിധ രാഷ്ട്രീയ പാര്‍ട്ടി പ്രതിനധികളോട് വിശദമാക്കുകയും പട്ടിക പുതുക്കല്‍ പ്രക്രിയയില്‍ സഹകരണം തേടുകയും ചെയ്തു.

പി.എന്‍.എക്‌സ്.4010/18

സ്‌കോള്‍ കേരള മുഖേന 2018 -2020 ബാച്ചില്‍ പ്ലസ് വണ്‍ പ്രവേശനത്തിന് സെപ്റ്റംബര്‍ 12, 13 തിയതികളില്‍ കൂടി  www.scolekerala.org എന്ന വെബ്‌സൈറ്റില്‍ ഓണ്‍ലൈനായി രജിസ്‌ട്രേഷന് ക്രമീകരണം ഏര്‍പ്പെടുത്തി. ഇപ്രകാരം രജിസ്റ്റര്‍ ചെയ്യുന്നവര്‍ സെപ്റ്റംബര്‍ 14ന് വൈകിട്ട് അഞ്ചിനകം തിരുവനന്തപുരത്തെ സംസ്ഥാന കേന്ദ്രത്തില്‍ അപേക്ഷാ ഫോറവും അനുബന്ധ രേഖകളും ഹാജരാക്കണം. ഈ അക്കാദമിക വര്‍ഷം ഇനി മറ്റൊരു അവസരം ലഭിക്കില്ലെന്നും അതിനാല്‍ ഈ അവസരം പ്രയോജനപ്പെടുത്തണമെന്നും എക്‌സിക്യൂട്ടീവ് ഡയറക്ടര്‍ അറിയിച്ചു. ഫോണ്‍: 0471 2342950, 2342271, 2342369.