ജില്ലയിലെ കേന്ദ്രാവിഷ്‌കൃത പദ്ധതികളുടെ പുരോഗതി  അവലോകനം ചെയ്യുന്നതിനായി ഡിസ്ട്രിക്ട് ഡെവലപ്‌മെന്റ് കോ-ഓര്‍ഡിനേഷന്‍ ആന്റ് മോണിറ്ററിംഗ് കമ്മിറ്റിയുടെ (ദിശ) യോഗം സെപ്തംബര്‍ 18ന് രാവിലെ 10.30ന് കലക്ട്രേറ്റ് കോണ്‍ഫറന്‍സ് ഹാളില്‍ ചേരും.

പ്രകൃതിക്ഷോഭമുണ്ടായ പ്രദേശങ്ങളില്‍ ഡെങ്കിപ്പനി, മലമ്പനി തുടങ്ങിയ കൊതുകുജന്യ രോഗങ്ങളും എലിപ്പനി, ടൈഫോയ്ഡ് തുടങ്ങിയ ജലജന്യ രോഗങ്ങളും ഉണ്ടാകുന്നത് തടയാന്‍ ജനകീയ പങ്കാളിത്തത്തോടുകൂടിയുള്ള പ്രവര്‍ത്തനം ഊര്‍ജ്ജിതമാക്കാനായി  കോ-ഓര്‍ഡിനേഷന്‍ മീറ്റിംഗ് സെപ്തംബര്‍ 12ന് രാവിലെ 11 മണിക്ക് കലക്ട്രേറ്റില്‍ ചേരുമെന്ന് ജില്ലാകലക്ടര്‍ അറിയിച്ചു.

മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള ജില്ലാടിസ്ഥാനത്തിലുള്ള ഫണ്ട് സമാഹരണം വിജയിപ്പിക്കാന്‍  ജനപ്രതിനിധികളും ഉദ്യോഗസ്ഥരും പൊതുജനങ്ങളും ഒത്തൊരുമയോടെ മുന്നിട്ടിറങ്ങണമെന്ന് വൈദ്യുതിമന്ത്രി എം.എം മണി പറഞ്ഞു. 

ആലപ്പുഴ: ഇൻഷുറൻസ് മെഡിക്കൽ സർവ്വീസ്സ് വകുപ്പിൽ ദക്ഷിണ മേഖലയ്ക്ക് കീഴിലുള്ള ഇ.എസ്.ഐ ആശുപത്രികളിലേക്കും ഡിസ്‌പെൻസറികളിലേക്കും  കുക്ക് ഗ്രേഡാ-രണ്ട്, പാർട്ട് ടൈം സ്വീപ്പർ  തസ്തികകളിലേക്ക് എംപ്ലോയ്‌മെന്റ് എക്‌സ്‌ചേഞ്ച് മുഖാന്തിരമുള്ള അഭിമുഖത്തിൽ പങ്കെടുക്കാൻ കഴിയാത്ത ഉദ്യോഗാർഥികൾക്കുള്ള  അഭിമുഖം ഇന്ന് (സെപ്റ്റംബർ 12)ന് രാവിലെ  11ന് നടക്കും.

ആലപ്പുഴ: കേരള വനിത കമ്മീഷന്റെ ആലപ്പുഴ ജില്ലയിലെ മെഗാ അദാലത്ത് സെപ്റ്റംബർ 18ന്  രാവിലെ 10.30 ന് ജില്ല പഞ്ചായത്ത് ഹാളിൽ നടക്കും