2017 ഒക്‌ടോബറില്‍ ഒന്നാം വര്‍ഷ തുല്യതാപരീക്ഷ എഴുതിയവര്‍ക്കുള്ള രണ്ടാം വര്‍ഷ പരീക്ഷയും 2017 ഒക്‌ടോബറില്‍ രണ്ടാം വര്‍ഷ പരീക്ഷ എഴുതി പരാജയപ്പെട്ടവരുടെ രണ്ടാം വര്‍ഷ വിഷയങ്ങളുടെ സപ്ലിമെന്ററി പരീക്ഷയും പുതുതായി ഒന്നാം വര്‍ഷ രജിസ്‌ട്രേഷന്‍ നടത്തിയ വിദ്യാര്‍ത്ഥികളുടെ ഒന്നാം വര്‍ഷ തുല്യതാ പരീക്ഷയും 2018 നവംബര്‍ 17, 18, 22, 23, 24, 25 തിയതികളില്‍ കേരളത്തിലെ വിവിധ പരീക്ഷാ കേന്ദ്രങ്ങളില്‍ നടത്തും.

  സംസ്ഥാനത്തെ ബാധിച്ച പ്രളയ ദുരിതം വിനോദസഞ്ചാരമേഖലയില്‍ വലിയ തോതില്‍ ആഘാതമേല്‍പിച്ചുവെന്നും ആഘാതങ്ങളെ അതിജീവിക്കുന്നതിനും വിനോദസഞ്ചാരമേഖലയ്ക്ക് കരുത്തുപകരുന്നതിനും കര്‍മപദ്ധതി നടപ്പാക്കുമെന്നും മന്ത്രി കടകംപള്ളി സുരേന്ദ്രന്‍ വാര്‍ത്താ സമ്മേളനത്തില്‍ പറഞ്ഞു. 

പ്രളയ ദുരിതമനുഭവിക്കുന്ന കേരളത്തിനുള്ള സഹായവുമായി ആന്ധ്രപ്രദേശ് സര്‍ക്കാരിന്റെ പ്രതിനിധിയായ ഉപ മുഖ്യമന്ത്രിയും ആഭ്യന്തര മന്ത്രിയുമായ ചിന്നരാജപ്പ എത്തി. 35 കോടി രൂപ ധനസഹായത്തിന്റെ ചെക്ക് മന്ത്രി ഇ. പി. ജയരാജന് കൈമാറി. മന്ത്രിമാരായ ഇ. ചന്ദ്രശേഖരന്‍, കടന്നപ്പള്ളി രാമചന്ദ്രന്‍, മാത്യു ടി. തോമസ്, എ. കെ. ശശീന്ദ്രന്‍ ചീഫ് സെക്രട്ടറി ടോം ജോസ് എന്നിവര്‍ സന്നിഹിതരായിരുന്നു. ഭക്ഷ്യധാന്യവും മരുന്നുമുള്‍പ്പെടെ 51.018 കോടി രൂപയുടെ സഹായമാണ് ആന്ധ്ര സര്‍ക്കാര്‍ കേരളത്തിന് നല്‍കിയത്.  

തൃശൂര്‍ ജില്ലയില്‍ 53 ദുരിതാശ്വാസക്യാമ്പുകളാണ്‌ നിലവിലുളളത്‌. 512 കുടുംബങ്ങളിലായി 1631 പേര്‍ വിവിധ ക്യാമ്പുകളിലുളളത്‌. പുരുഷന്‍മാര്‍ : 589, സത്രീകള്‍ : 689, കുട്ടികള്‍ : 353. താലൂക്ക്‌, ക്യാമ്പ്‌, കുടുംബം യഥാക്രമം: തൃശ്ശൂര്‍:20-143, തലപ്പിള്ളി:2-25, മുകുന്ദപുരം:8-83, കൊടുങ്ങല്ലൂര്‍:5-47, ചാവക്കാട്‌:7-42, ചാലക്കുടി:11-172.

പ്രളയദുരിതം അനുഭവപ്പെട്ട വീടുകളില്‍ മൊബൈല്‍ ആപ്ലിക്കേഷന്‍ മുഖേന വിശദാംശങ്ങള്‍ ശേഖരിക്കുന്നതിനായി വോളണ്ടിയര്‍ ആകാന്‍ സന്നദ്ധതയുളളവര്‍ www.volunteers.rebuild.kerala.gov.in. എന്ന വെബ്‌ സൈറ്റില്‍ പേര്‌ രജിസ്റ്റര്‍ ചെയ്യണം. രജിസ്റ്റര്‍ ചെയ്‌തിട്ടുളളവര്‍ തദ്ദേശസ്വയംഭരണ സ്ഥാപനത്തിലെ സെക്രട്ടറിയുമായി ബന്ധപ്പെടണമെന്ന്‌ പഞ്ചായത്ത്‌ ഡെപ്യൂട്ടി ഡയറക്‌ടര്‍ അറിയിച്ചു. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2360614.

ജില്ലയില്‍ പ്രളയ ദുരിതബാധിതരെ സഹായിക്കാന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക്‌ ധനസമാഹരണം നടത്തുന്നത്‌ ജില്ലയിലെ മന്ത്രിമാരായ ഏ.സി. മൊയ്‌തീന്‍, അഡ്വ.വി.എസ്‌. സുനില്‍കുമാര്‍, പ്രൊഫ. സി.രവീന്ദ്രനാഥ്‌ എന്നിവര്‍ സംയുക്തമായി താലൂക്കുകളില്‍ നിന്ന്‌ ഇന്ന്‌ (സെപ്‌റ്റം .13) സ്വീകരിക്കും. സെപ്‌റ്റം.15 നും ഇതുപോലെ തന്നെ രണ്ടാം ഘട്ടത്തിലെ സ്വീകരണവും നടക്കും. ജില്ലയിലെ എം.പിമാര്‍, എം.എല്‍.എമാര്‍, തദ്ദേശസ്വയംഭരണ സ്ഥാപനപ്രതിനിധികള്‍, ഉദ്യോഗസ്ഥര്‍ തുടങ്ങി നാനാവിധമാളുകളും ചേര്‍ന്ന്‌ സമാഹരിച്ച തുകയാണിത്‌.