ആലപ്പുഴ: നൂറനാടന്മാർ എന്ന സൗഹൃദ വാട്‌സപ്പ് കൂട്ടായ്മ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയത് ഒരു ലക്ഷം രൂപ. വാട്‌സാപ്പ് കൂട്ടായ്മ സ്‌നേഹ നിലാവ് എന്ന പരിപാടിയിലൂടെ സമാഹരിച്ചതും അംഗങ്ങളിൽനിന്ന് സമാഹരിച്ചതും ആയ തുകയാണിത്. 71 അംഗങ്ങളുള്ള വാട്ട്‌സ് ആപ്പ് കൂട്ടായ്മയാണിത്.ബിനു, സതീശ്, സനൽ, അനുഗഗൻ, സുനിൽ, സിജോ വർഗീസ്, മനോജ്, ബൈജു എന്നിവരാണ് ഗ്രൂപ്പിന്റെ അഡ്മിൻമാർ. ഗ്രൂപ്പ് അഡ്മിൻമാർ ചേർന്നാണ് പൊതുമരാമത്ത് വകുപ്പുമന്ത്രി ജി.സുധാകരനും മന്ത്രി പി.തിലോത്തമനും പണം കൈമാറിയത്. 

ആലപ്പുഴ: പ്രളയാനന്തരം കേരളത്തിന്റെ പുനർ നിർമ്മാണവുമായി ബന്ധപ്പെട്ട് കൂടുതൽ പണം കണ്ടെത്തുന്നതിന് ബജറ്റ് പുനഃസംഘടന ഉൾപ്പെടെയുള്ള കാര്യങ്ങൾ പരിഗണിച്ചുവരുന്നതായി പൊതുമരാമത്ത് -രജിസ്‌ട്രേഷൻ വകുപ്പ് മന്ത്രി ജി.സുധാകരൻ പറഞ്ഞു മുഖ്യമന്ത്രിയുടെ നിർദ്ദേശപ്രകാരം മണ്ഡലങ്ങളിൽ നടക്കുന്ന ധനസമാഹരണ പരിപാടികളുടെ ആലപ്പുഴ ജില്ലയിലെ സമാപനം ചെങ്ങന്നൂരിൽ ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി.

ആലപ്പുഴ: വെള്ളപ്പൊക്ക ദുരിതാശ്വാസമായി സർക്കാർ പ്രഖ്യാപിച്ച 10,000 രൂപ സഹായധനം ലഭിച്ചിട്ടില്ലാത്ത കുടുംബങ്ങൾക്ക് സെപ്റ്റംബർ 25 വരെ അപ്പീൽ നൽകാൻ അവസരമുണ്ട്. 10,000 രൂപ ഒരുമിച്ചോ അല്ലെങ്കിൽ ആദ്യം 3800 രൂപയും  പിന്നീട് 6200 രൂപയും  എന്ന രീതിയിലോ അല്ലെങ്കിൽ യാഥാക്രമം 1000, 2800 , 6200 രൂപ വീതം  എന്ന രീതിയിലോ ആണ് പണം അക്കൗിൽ ലഭിക്കുന്നത്. ഈ വിവരം ബാങ്ക് അക്കൌണ്ട് പരിശോധിച്ചാൽ കൃത്യമായി മനസ്സിലാക്കാം.  ഇനിയും സഹായധനം ലഭിക്കാത്തവർക്ക് ബന്ധപ്പെട്ട തഹസീൽദാർമാർക്ക് റേഷൻകാർഡ്,  ബാങ്ക് പാസ്സ്ബുക്ക്,  ആധാർ എന്നിവയുടെ  പകർപ്പ് സഹിതം പരാതി നൽകാവുന്നതാണ്.

ജില്ലയിലെ മണ്ഡലതതല ധനസമാഹരണയജ്ഞത്തിന് ഇന്ന് ചെങ്ങന്നൂരിൽ സമാപനം

ദുരിതാശ്വാസനിധി: നേഴ്‌സിംഗ് കോളേജ് 36700 രൂപ നല്‍കി

മുഖ്യമന്ത്രിയുടെ ദുരിതാശ്വാസ നിധിയിലേക്ക് കോട്ടയം  ഗവ. നേഴ്‌സിംഗ് കോളേജില്‍ നിന്നും 36700 രൂപ സംഭാവന ലഭിച്ചു. അദ്ധ്യാപകരും വിദ്യാര്‍ത്ഥികളും ചേര്‍ന്ന സമാഹരിച്ച തുക പ്രിന്‍സിപ്പല്‍ പ്രൊഫ. ഡോക്ടര്‍ വത്സമ്മ ജോസഫ്, അസി. പ്രൊഫ. സ്മിത പി. വി, വിദ്യാര്‍ത്ഥി പ്രതിനിധികള്‍ എന്നിവര്‍ കളക്‌ട്രേറ്റില്‍ വച്ച് ജില്ലാ കളക്ടര്‍ ഡോ. ബി.എസ് തിരുമേനിക്ക് കൈമാറി. 

ശബരിമല തീര്‍ത്ഥാടനവുമായി ബന്ധപ്പെട്ട് സെപ്റ്റംബര്‍ 22 ന് ഏറ്റുമാനൂര്‍, എരുമേലി എന്നിവിടങ്ങളില്‍ അവലോകന യോഗം ചേരും. രാവിലെ ഒന്‍പതിന്ഏറ്റുമാനൂര്‍ മഹാദേവ ക്ഷേത്രം കൈലാസ് ഓഡിറ്റോറിയത്തിലും ഉച്ചയ്ക്ക് 12ന് എരുമേലി ദേവസ്വം ഹാളിലും ചേരുന്ന യോഗത്തില്‍ ദേവസ്വം വകുപ്പ് മന്ത്രി കടകംപളളി സുരേന്ദ്രന്‍ അദ്ധ്യക്ഷത വഹിക്കും.