ഒ.ബി.സി. വിഭാഗം വിദ്യാര്‍ത്ഥികള്‍ക്കുള്ള പ്രീ മെട്രിക് സ്‌കോളര്‍ഷിപ്പിന് അപേക്ഷ ക്ഷണിച്ചു. രക്ഷിതാക്കളുടെ വാര്‍ഷിക വരുമാനം 2.50 ലക്ഷം രൂപയില്‍ കവിയരുത്. സംസ്ഥാനത്തെ സര്‍ക്കാര്‍/എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ കാസ്സുകളില്‍ പഠിക്കുന്ന 

ചാക്ക ഗവ: ഐ.റ്റി.ഐ.യില്‍ കാര്‍പ്പെന്റര്‍ ട്രേഡില്‍ നിലവിലുള്ള ജൂനിയര്‍ ഇന്‍സ്ട്രക്ടറുടെ ഒഴിവില്‍ താത്ക്കാലിക ഗസ്റ്റ് ഇന്‍സ്ട്രക്ടര്‍മാരെ നിയമിക്കും. ഉദ്യോഗാര്‍ത്ഥികള്‍ 17 ന് രാവിലെ 10ന് അസ്സല്‍ സര്‍ട്ടിഫിക്കറ്റുകളുമായി പ്രിന്‍സിപ്പാള്‍ മുമ്പാകെ ഇന്റര്‍വ്യൂവിനെത്തണം.  എസ്.എസ്.എല്‍.സി ബന്ധപ്പെട്ട ട്രേഡില്‍  NTCയും 3 വര്‍ഷത്തെ പ്രവൃത്തി പരിചയവും അല്ലെങ്കില്‍ NTCയും 1 വര്‍ഷത്തെ പ്രവൃത്തി പരിചയവുമാണ് യോഗ്യത

പി.എന്‍.എക്‌സ്.4088/18

പ്രളയക്കെടുതിയില്‍ ടി.സി.എം.സി രജിസ്‌്രേടഷന്‍ സര്‍ട്ടിഫിക്കറ്റ് നഷ്ടപ്പെട്ട അപ്‌ഡേറ്റഡ് ലിസ്റ്റില്‍ ഉള്‍പ്പെട്ട മോഡേണ്‍ മെഡിസിന്‍ ഡോക്ടര്‍മാര്‍ക്ക് ഡ്യൂപ്ലിക്കേറ്റ് രജിസ്‌ട്രേഷന്‍ സര്‍ട്ടിഫിക്കറ്റ് സൗജന്യമായി നല്‍കുന്നതിന് 30നു മുമ്പ് ബന്ധപ്പെട്ട റവന്യൂ അധികാരികള്‍ നല്‍കുന്ന സാക്ഷ്യപത്രത്തോടൊപ്പം അപേക്ഷ നല്‍കണം. വിശദവിവരങ്ങള്‍ക്ക് www.medicalcouncil.kerala.gov.in. 

  പി.എന്‍.എക്‌സ്.4087/18

സ്‌കോള്‍ കേരള മുഖേന തെരഞ്ഞെടുത്ത ഹയര്‍സെക്കന്‍ഡറി സ്‌കൂളുകളില്‍ നടത്തുന്ന  തൊഴിലധിഷ്ഠിത കോഴ്‌സായ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേന്‍ (സി.സി.എ) കോഴ്‌സിന്റെ നാലാം ബാച്ച് പ്രവേശന തിയതി 25 വരെ ദീര്‍ഘിപ്പിച്ചു. www.scolekerala.org യില്‍ ഓണ്‍ലൈനായി രജിസ്റ്റര്‍ ചെയ്യാം. 

   പി.എന്‍.എക്‌സ്.4086/18

കേരള കരകൗശല വികസന കോര്‍പ്പറേഷന്റെ തിരുവനന്തപുരത്തുള്ള കേന്ദ്ര കാര്യാലയത്തിന്റെ പരിസരത്ത് സൂക്ഷിച്ചിരിക്കുന്ന ഉപയോഗശൂന്യമായ മര ഉരുപ്പടികളും, ഇരുമ്പ് അലമാരകള്‍, ഷെല്‍ഫുകള്‍ മുതലായ ഫര്‍ണിച്ചറുകളും സെന്‍ട്രല്‍ സ്റ്റോറില്‍ സൂക്ഷിച്ചിരിക്കുന്ന ഉപയോഗശൂന്യമായ ചിരട്ടയിലും പ്രകൃതിദത്ത നാരുകളില്‍ തീര്‍ത്ത ഉത്പന്നങ്ങളും 26ന് രാവിലെ 11ന് ടെന്റര്‍ കം ഓക്ഷന്‍ വ്യവസ്ഥയില്‍ പുനര്‍ ലേലം  ചെയ്യും. താത്പര്യമുള്ളവര്‍ സെയില്‍സ് സൂപ്പര്‍വൈസര്‍, കരകൗശല വികസന കോര്‍പ്പറേഷന്‍, പി.ബി നമ്പര്‍: 171, തിരുവനന്തപുരം -1 എന്ന വിലാസത്തിലും ഫോണ്‍: 0471 2331358, 3347100, 9895510207 എന്നീ നമ്പറുകളിലും ബന്ധപ്പെടണം.

സംസ്ഥാനത്തെ പത്ത് ജില്ലകളിലെ 20 തദ്ദേശസ്വയംഭരണ വാര്‍ഡുകളിലെ ഉപതിരഞ്ഞെടുപ്പിനുള്ള വിജ്ഞാപനം സംസ്ഥാന തിരഞ്ഞെടുപ്പ് കമ്മീഷന്‍ പുറപ്പെടുവിച്ചു.

തിരുവനന്തപുരം, കൊല്ലം, ഇടുക്കി, എറണാകുളം, തൃശ്ശൂര്‍, പാലക്കാട്, കോഴിക്കോട്, കണ്ണൂര്‍ ജില്ലകളിലെ 16 ഗ്രാമപഞ്ചായത്ത് വാര്‍ഡുകളിലും, മലപ്പുറം, കണ്ണൂര്‍ ജില്ലകളിലെ ഓരോ ബ്ലോക്ക് പഞ്ചായത്ത് വാര്‍ഡുകളിലും വയനാട്, കണ്ണൂര്‍ ജില്ലകളിലെ ഓരോ നഗരസഭാ വാര്‍ഡുകളിലുമാണ് ഉപതിരഞ്ഞെടുപ്പ്.

സംസ്ഥാന സര്‍ക്കാരിന്റെ നിയന്ത്രണത്തിലുള്ള സ്‌കൂളുകളിലെ അധ്യാപക നിയമനത്തിനുള്ള യോഗ്യതാ പരീക്ഷയായ കേരള ടീച്ചേഴ്‌സ് എലിജിബിലിറ്റി ടെസ്റ്റ് (കെ-ടെറ്റ്) ഒക്‌ടോബര്‍ 20, 27 തിയതികളില്‍ സംസ്ഥാനത്തെ വിവിധ കേന്ദ്രങ്ങളില്‍ നടത്തും. അപേക്ഷ ഓണ്‍ലൈനായി സമര്‍പ്പിക്കുന്നതിനുള്ള തിയതി സെപ്റ്റംബര്‍ 18 വരെ നീട്ടി. വെബ്‌സൈറ്റ്: www.keralapareekshabhavan.in, www.ktet.kerala.gov.in

  പി.എന്‍.എക്‌സ്.4083/18

സിവില്‍ സപ്ലൈസ് കോര്‍പ്പറേഷന്‍ (സപ്ലൈകോ) സംസ്ഥാനത്തെ കര്‍ഷകരില്‍ നിന്നും 2018 - 19 സീസണിലേക്ക് നെല്ല് സംഭരിച്ച്, അരിയാക്കാന്‍ താല്‍പ്പര്യമുള്ള സംസ്ഥാനത്തെ മില്ലുടമകളില്‍ നിന്നും അപേക്ഷ ക്ഷണിച്ചു.  ഈ രംഗത്ത് മൂന്നു വര്‍ഷത്തെ പ്രവര്‍ത്തന പരിചയം ഉണ്ടായിരിക്കുകയും സപ്ലൈകോ നിഷ്‌കര്‍ഷിക്കുന്ന മാനദണ്ഡങ്ങളില്‍ ഉള്‍പ്പെട്ട് പ്രവര്‍ത്തിക്കുകയും വേണം. താല്‍പ്പര്യമുള്ള മില്ലുടമകള്‍  സെപ്തംബര്‍ 18, 19 തിയതികളില്‍ സപ്ലൈകോ ഹെഡ് ഓഫീസില്‍ അപേക്ഷ നല്‍കണം. വിശദവിവരങ്ങള്‍  സപ്ലൈകോയുടെ www.supplycopaddy.in എന്ന വെബ്സൈറ്റില്‍ ലഭിക്കും.