ജില്ലാ എംപ്ലോയബിലിറ്റി സെന്ററില്‍ പത്താം ക്ലാസ് മുതല്‍ ബിരുദാനന്തര ബിരുദം, പ്രഫഷണല്‍ബിരുദം /ഡിപ്ലോമ /സര്‍ട്ടിഫിക്കറ്റ് മുതലായവ നേടിയ 40 വയസ്സില്‍ താഴെയുള്ളവര്‍ക്ക് സ്വകാര്യമേഖലയിലേക്ക് നിയമനം ലഭിക്കുന്നതിന് ഒറ്റത്തവണ രെജിസ്‌ട്രേഷന്‍ തിരൂരങ്ങാടി എംപ്‌ളോയ്‌മെന്റ് എക്‌സ്‌ചേഞ്ചില്‍ സെപ്റ്റംബര്‍ 13 ന് രാവിലെ 10ന് നടക്കും.

 കള്ള് വ്യവസായ തൊഴിലാളി ക്ഷേമനിധി ബോര്‍ഡില്‍ ക്ഷേമനിധി കുടിശ്ശിക ഒറ്റത്തവണ അടച്ച് തീര്‍പ്പാക്കാന്‍ അവസരം. ആറ് മാസം വരെ സമയം  ഉണ്ടായിരിക്കും. കുടിശ്ശിക അടയ്ക്കാന്‍ തൊഴിലുടമകള്‍ ബോര്‍ഡിന്റെ ജില്ലാ ഓഫീസുകളില്‍ അപേക്ഷ സമര്‍പ്പിക്കണം.  പദ്ധതി സംബന്ധിക്കുന്ന വിശദവിവരങ്ങള്‍ കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡിന്റെ ജില്ലാ ഓഫീസില്‍ ലഭിക്കും.

പ്രകൃതിക്ഷോഭത്തിനിരയായവര്‍ക്കിടയിലെ മാനസികാരോഗ്യ പ്രശ്‌നങ്ങള്‍ കണ്ടെത്തി ചികിത്സ നല്‍കാന്‍ 'അതിജീവനം' പദ്ധതി വരുന്നു. ജില്ലാ മാനസികാരോഗ്യ പോഗ്രാമിന്റെ (ഡി.എം.എച്ച്.പി) ആഭിമുഖ്യത്തിലാണ് പദ്ധതി നടപ്പാക്കുന്നത്. ജില്ലയിലെ പ്രളയബാധിതമായ 67 പഞ്ചായത്തുകളിലാണ് പദ്ധതി നടപ്പാക്കുന്നത്. പ്രകൃതിക്ഷോഭം മൂലം വീടും സ്വത്തും നഷ്ടപ്പെട്ടും പ്രളയം നേരില്‍ കണ്ട ഭീതി മൂലവും മാനസികമായി തകര്‍ന്നവരെ തിരിച്ചുകൊണ്ടു വരികയാണ് ലക്ഷ്യം.

പ്രളയവുമായി ബന്ധപ്പെട്ട് മുഖ്യമന്ത്രിയുടെ ദുരിതാശ്വാസ നിധിയിലേക്ക് സഹായം പണമായി നേരിട്ട് നല്‍കുന്നത് പരമാവധി ഒഴിവാക്കണമെന്ന് ജില്ലാ കലക്ടര്‍ അമിത് മീണ അറിയിച്ചു. നല്‍കുന്ന തുക ഡിമാന്റ് ഡ്രാഫ്റ്റ്, ചെക്ക് എന്നിവ വഴി നല്‍കണം. കലക്ട്രേറ്റ്, താലൂക്ക്  എന്നിവടങ്ങളില്‍ ഇതിനുള്ള സൗകര്യം ഒരുക്കിയിട്ടുണ്ട്. ഇക്കാര്യത്തില്‍ പൊതുജനങ്ങളുടെ സഹകരണണവും ജില്ലാ കലക്ടര്‍ അഭ്യര്‍ത്ഥിച്ചു.

കായംകുളം:സംസ്ഥാനത്തുണ്ടായ ജലപ്രളയത്തിൽ അകപ്പെട്ട എല്ലാം നഷ്ടപ്പെട്ടവർക്കുള്ള കൈത്താങ്ങായി നിയോകൺസ്ട്രക്ഷൻ പ്രൈവറ്റ് ലിമിറ്റഡും .മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകാനുള്ള 25 ലക്ഷം രൂപ കായംകുളം എം.എൽ.എ യു.പ്രതിഭ കമ്പനി ഉടമ ശ്യാമപ്രകാശിന്റെ കയ്യിൽ നിന്നും ഏറ്റുവാങ്ങി.

sir