പെരിങ്ങോം ഗവ.ഐ ടി ഐ യില്‍ എസ് സി വി ടി അംഗീകാരമുള്ള വെല്‍ഡര്‍ ട്രേഡില്‍ സീറ്റുകള്‍ ഒഴിവുണ്ട്. അപേക്ഷാ ഫോമും പ്രോസ്‌പെക്ടസും www.itiperingome.kerala.gov.in ലും ഐ ടി ഐ ഓഫീസിലും ലഭിക്കും.  പൂരിപ്പിച്ച അപേക്ഷ 55 രൂപ ഫീസ് സഹിതം സെപ്റ്റംബര്‍ 18 ന് വൈകിട്ട് 5 മണി വരെ സ്വീകരിക്കും.  ഫോണ്‍: 04985 236266.
ഇന്റര്‍വ്യൂ മാറ്റി

    കണ്ണൂര്‍ ജില്ലാ എംപ്ലോയ്‌മെന്റ് എക്‌സ്‌ചേഞ്ചിനോടനുബന്ധിച്ചുള്ള എംപ്ലോയബിലിറ്റി  സെന്ററിന്റെ ആഭിമുഖ്യത്തില്‍ തലശ്ശേരി ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ 15  ന് രാവിലെ  10 മണി മുതല്‍ ഉച്ചക്ക് 2 മണി വരെ എംപ്ലോയബിലിറ്റി സെന്ററിന്റെ ആജീവനാന്ത രജിസ്‌ട്രേഷനും  അതിനോടനുബന്ധിച്ചുള്ള ട്രെയിനിങ്ങും അസ്സെസ്സ്‌മെന്റും നടക്കും. താല്‍പര്യമുള്ള 35 വയസ്സില്‍ കുറവ് പ്രായമുള്ള യോഗ്യരായ ഉദ്യോഗാര്‍ത്ഥികള്‍ ഇമെയില്‍ ഐഡിയും തിരിച്ചറിയല്‍ കാര്‍ഡിന്റെ പകര്‍പ്പും 250 രൂപയും സഹിതം രജിസ്റ്റര്‍ ചെയ്യണം.  ഇവര്‍ക്ക് തുടര്‍ന്ന് നടക്കുന്ന എല്ലാ ഇന്റര്‍വ്യൂനും പങ്കെടുക്കാവുന്നതാണ്. ഫോണ്‍: 0497 - 2707610.

    ഭാരതീയ ചികിത്സാ വകുപ്പ് നാഷണല്‍ ആയുഷ് മിഷന്‍ ഫണ്ട് ഉപയോഗിച്ച്  നടപ്പിലാക്കുന്ന എ ആര്‍ സി യൂണിറ്റില്‍ ഒഴിവുള്ള ആയുര്‍വേദ നഴ്‌സ് തസ്തികയിലേക്ക് കോണ്‍ട്രാക്ട് അടിസ്ഥാനത്തില്‍ നിയമനം നടത്തുന്നു. ഗവ.അംഗീകരിച്ച ആയുര്‍വേദ നഴ്‌സിംഗ് കോഴ്‌സ് യോഗ്യതയുള്ള ഉദേ്യാഗാര്‍ത്ഥികള്‍  14 ന് ഉച്ചക്ക് 12 മണിക്ക് ഭാരതീയ ചികിത്സാ വകുപ്പ് സിവില്‍ സ്റ്റേഷന്‍ അഡീഷണല്‍ ബ്ലോക്കിലുള്ള ഓഫീസില്‍ അസ്സല്‍ സര്‍ട്ടിഫിക്കറ്റുകളുമായി നേരിട്ട് ഹാജരാകണം.  ഫോണ്‍: 0497 2700911.

    ഭാരതീയ ചികിത്സാ വകുപ്പ് നാഷണല്‍ ആയുഷ് മിഷന്‍ ഫണ്ട് ഉപയോഗിച്ച്  നടപ്പിലാക്കുന്ന എ ആര്‍ സി യൂണിറ്റില്‍ ഒഴിവുള്ള മെഡിക്കല്‍ ഓഫീസര്‍ തസ്തികയിലേക്ക് കോണ്‍ട്രാക്ട് അടിസ്ഥാനത്തില്‍ നിയമനം നടത്തുന്നു.  അഗതതന്ത്ര വിഭാഗത്തില്‍ എംഡി യോഗ്യതയുള്ള ഉദേ്യാഗാര്‍ത്ഥികള്‍ 14 ന് രാവിലെ 11 മണിക്കും ശല്യതന്ത്ര വിഭാഗത്തില്‍ എം എസ് യോഗ്യതയുള്ളവര്‍ 11.30 നും ഭാരതീയ ചികിത്സാ വകുപ്പ് സിവില്‍ സ്റ്റേഷന്‍ അഡീഷണല്‍ ബ്ലോക്കിലുള്ള ഓഫീസില്‍ അസ്സല്‍ സര്‍ട്ടിഫിക്കറ്റുകളുമായി നേരിട്ട് ഹാജരാകണം.  ഫോണ്‍: 0497 2700911.

    കണ്ണൂര്‍ ഗവ.പോളിടെക്‌നിക്കിനു കീഴിലുള്ളള കമ്മ്യൂണിറ്റി ഡവലപ്‌മെന്റ് ത്രൂ പോളിടെക്‌നിക് സ്‌കിമിനു കീഴിലുള്ള മാവുള്ളചാലില്‍ ചാരിറ്റബിള്‍ സൊസൈറ്റി സെന്ററില്‍ വനിതകള്‍ക്കായി ആരംഭിക്കുന്ന കട്ടിങ്ങ് & ടെയിലറിംഗ് കോഴ്‌സിന് അപേക്ഷ ക്ഷണിച്ചു.  അപേക്ഷാ ഫോമുകള്‍ എക്സ്റ്റന്‍ഷന്‍ സെന്ററില്‍ ലഭിക്കും.  പൂരിപ്പിച്ച അപേക്ഷകള്‍ സെപ്റ്റംബര്‍ 15 ന് വൈകിട്ട് മൂന്ന് മണി വരെ സെന്ററില്‍ സ്വീകരിക്കും. അപേക്ഷയോടൊപ്പം ആധാര്‍ കാര്‍ഡിന്റെ കോപ്പി, വയസ്, ജാതി, വരുമാനം  എന്നിവ തെളിയിക്കുന്നതിനുള്ള രേഖകള്‍ ഹാജരാക്കണം.  ഫോണ്‍: 9446014968.

    ഇന്ന് (സെപ്റ്റംബര്‍ 12)കലക്ടറേറ്റില്‍ ഡെപ്യൂട്ടി കലക്ടര്‍ വിചാരണക്ക് വെച്ച ഇരിട്ടി, തലശ്ശേരി താലൂക്കുകളിലെ ദേവസ്വം പട്ടയകേസുകള്‍ ഒക്‌ടോബര്‍ 24 ന് രാവിലെ 11 മണിയിലേക്ക് മാറ്റിയതായി ഡെപ്യൂട്ടി കലക്ടര്‍(ഡിഎം & എല്‍ടി) അറിയിച്ചു.

    സമഗ്രശിക്ഷ കേരളം ഐ ഇ ഡി സി റിസോഴ്‌സ് അധ്യാപകരെ എലിമെന്ററി വിഭാഗത്തില്‍ കരാറടിസ്ഥാനത്തില്‍ നിയമിക്കുന്നു.  സ്‌പെഷ്യല്‍ എഡ്യുക്കേഷനില്‍ ഡിപ്ലോമയോ ബി എഡോ ഉള്ളവര്‍ക്ക് അപേക്ഷിക്കാം.  സ്വയം തയ്യാറാക്കിയ അപേക്ഷ, യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ  പകര്‍പ്പ്  സഹിതം സെപ്റ്റംബര്‍ 18 ന് 10 മണിക്ക് ജില്ലാ പ്രോജക്ട് ഓഫീസില്‍(എസ് എസ് എ) നടക്കുന്ന കൂടിക്കാഴ്ചയില്‍ നേരിട്ട് പങ്കെടുക്കണം.  ഫോണ്‍: 0497 2707993.

    കണ്ണൂര്‍ ഗവ.ഐ ടി ഐ യും ഐ എം സി യും സംയുക്തമായി നടത്തുന്ന ഹീറ്റിംഗ് വെന്റിലേഷന്‍ ആന്റ് എയര്‍ കണ്ടീഷനിംഗ് കോഴ്‌സിന് അപേക്ഷ ക്ഷണിച്ചു.  യോഗ്യത: ഐ ടി ഐ ആര്‍ എ സി എം, ബി ടെക് ഇന്‍ മെക്കാനിക്കല്‍ എഞ്ചിനീയറിംഗ്. ഫോണ്‍: 9207999811.

    പയ്യന്നൂര്‍ എല്‍ ബി എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജി സെന്ററില്‍ ഒരു വര്‍ഷത്തെ പി ജി ഡി സി എ കോഴ്‌സിന് സീറ്റ് ഒഴിവുണ്ട്.  താല്‍പര്യമുള്ളവര്‍ സെന്ററില്‍ നേരിട്ട് ഹാജരാവണം.  എസ് സി/എസ് ടി/ഒ ഇ സി വിഭാഗങ്ങള്‍ക്ക് ഫീസ് ആനുകൂല്യം ലഭിക്കും.  ഫോണ്‍: 04985 208878.

    ജില്ലയിലെ മത്സ്യത്തൊഴിലാളി കടാശ്വാസ കമ്മീഷന്‍ സിറ്റിംഗ് ഇന്ന്(സെപ്റ്റംബര്‍ 12) രാവിലെ 10 മണിക്ക് ഗവ.ഗസ്റ്റ് ഹൗസില്‍ നടത്തും.