കാക്കനാട്: പ്രളയത്തില്‍ നഷ്ടപ്പെട്ട രേഖകള്‍ വീണ്ടെടുക്കുന്നതിനുള്ള അദാലത്തിന് ജില്ലയില്‍ ഇന്ന് (സെപ്റ്റംഹര്‍ 13) പറവൂര്‍ താലൂക്കില്‍ തുടക്കമാകും.  ഐ.ടി.മിഷന്റെ സഹായത്തോടെയാണ് രേഖകള്‍ വീണ്ടെടുക്കുക.  സെപ്റ്റംബര്‍ 15 വരെ  നടത്തുന്ന അദാലത്തില്‍ ആധാര്‍, എസ് എസ്, എല്‍ സി, റേഷന്‍കാര്‍ഡ്, മോട്ടോര്‍ വെഹക്കില്‍ സേവനങ്ങള്‍, ആരോഗ്യ ഇന്‍ഷുറന്‍സ് കാര്‍ഡ്, ആധാരം, പകര്‍പ്പുകള്‍ എന്നിവയാണ് വീണ്ടെടുക്കുക.

തിരുവമ്പാടി ഗവ: ഐ.ടി.ഐയില്‍ ഇലക്ട്രീഷ്യന്‍ ട്രേഡിലും, എ.സി.ഡി  വിഷയത്തിനും ഗസ്റ്റ് ഇന്‍സ്ട്രക്ടര്‍മാരുടെ  ഒഴിവുണ്ട്. ഇലക്ട്രീഷ്യന്‍ ട്രേഡ് - യോഗ്യത :  ഇലക്ട്രിക്കല്‍ എഞ്ചിനീയറിംഗില്‍ ഡിഗ്രിയോ/ഡിപ്ലോമയോ അഥവാ പ്രസ്തുത ട്രേഡില്‍ എന്‍.ടി.സിയും മൂന്ന് വര്‍ഷത്തെ  തൊഴില്‍ പരിചയവും അഥവാ എന്‍.എ.സി.യും ഒരു വര്‍ഷ തൊഴില്‍ പരിചയവും. 

ജില്ലാ എംപ്ലോയ്‌മെന്റ് എക്‌സ്‌ചേഞ്ച് വൊക്കേഷണല്‍ ഗൈഡന്‍സ് യൂണിറ്റിന്റെ ആഭിമുഖ്യത്തില്‍ കുറ്റിക്കാട്ടൂര്‍ ഗവ. ഹയര്‍ സെക്കന്ററി സ്‌കൂളില്‍ കരിയര്‍ സെമിനാര്‍ സംഘടിപ്പിച്ചു. പ്രിന്‍സിപ്പാള്‍ എ. സുഗതകുമാരി ഉദ്ഘാടനം ചെയ്തു. ഹയര്‍സെക്കന്ററി അദ്ധ്യാപകരായ ഗീത എം, കെ അബ്ദുള്‍ബഷീര്‍, എംപ്ലോയ്‌മെന്റ് ഓഫീസര്‍ കെ ഷൈലേഷ്, ജൂനിയര്‍ എംപ്ലോയ്‌മെന്റ് ഓഫീസര്‍ സി.കെ സജീഷ് എന്നിവര്‍ സംസാരിച്ചു. കരിയര്‍ ഗൈഡന്‍സ് കൗണ്‍സിലര്‍ കെ അബ്ദുള്‍ ലത്തീഫ് ക്ലാസെടുത്തു.    
 

    തൃശൂര്‍ പുത്തൂരിലെ സുവോളജിക്കല്‍ പാര്‍ക്കില്‍ കരാര്‍ അടിസ്ഥാനത്തില്‍ പ്രോജക്ട് എഞ്ചിനീയറുടെ ഒഴിവുണ്ട്. പരിചയ സമ്പന്നരായ സിവില്‍ എഞ്ചിനീയറിങ് ബിരുദധാരികള്‍ക്ക് അപേക്ഷിക്കാം. അവസാന തീയതി ഈ മാസം  28. വെബ്‌സൈറ്റ്  ംംം.ളീൃലേെ.സലൃമഹമ.ഴീ്.ശി.    

     വന്യജീവി സങ്കേതങ്ങളിലും ദേശീയോദ്യാനങ്ങളിലും അടുത്ത വര്‍ഷം നടത്താന്‍ ഉദ്ദേശിക്കുന്ന പ്രകൃതിപഠന ക്യാമ്പുകളില്‍ പങ്കെടുക്കുന്നതിന് സര്‍ക്കാരിതര സംഘടനകളില്‍ നിന്നും അപേക്ഷ ക്ഷണിച്ചു. പ്രകൃതി സംരക്ഷണവുമായി ബന്ധപ്പെട്ട് കുറഞ്ഞത് മൂന്ന് വര്‍ഷം സജീവ പ്രവര്‍ത്തനങ്ങളില്‍ ഏര്‍പ്പെട്ടു വരുന്ന സാമൂഹിക, സാംസ്‌കാരിക,  സന്നദ്ധ സംഘടനകള്‍ക്ക് അപേക്ഷിക്കാം. താല്‍പര്യമുള്ളവര്‍  നിശ്ചിത മാതൃകയില്‍ ഒക്‌ടോബര്‍ 10 നകം അപേക്ഷ നല്‍കണം. വിശദ വിവരങ്ങള്‍ക്ക് വനം വകുപ്പിന്റെ വെബ്‌സൈറ്റായ ംംം.ളീൃലേെ.സലൃമഹമ.ഴീ്.ശി സന്ദര്‍ശിക്കുക. 

ഡിസ്ട്രിക് ലെവല്‍ റിവ്യൂ കമ്മറ്റി മീറ്റിംഗ് 17 ന് രാവിലെ 10 മണി മുതല്‍ മലബാര്‍ പ്ലാസയില്‍ നടക്കുമെന്ന് ലീഡ് ബാങ്ക് മാനേജര്‍ അറിയിച്ചു.

ജില്ലാ ആസൂത്രണ സമിതി യോഗം 17 ന് ഉച്ചയ്ക്ക് മൂന്ന് മണിക്ക് ആസൂത്രണസമിതി സെക്രട്ടറിയേറ്റ് കോണ്‍ഫറന്‍സ് ഹാളില്‍ ചേരും. 

കിഫ്ബിയില്‍ ഉള്‍പ്പെടുത്തി നടത്തുന്ന താമരശ്ശേരി-വരട്ട്യാക്കല്‍- സി.ഡബ്ല്യൂ. ആര്‍.ഡി.എം റോഡിന്റെ വരട്ട്യാക്കല്‍-സി.ഡബ്ല്യൂ.ആര്‍.ഡി.എം ഭാഗത്തിന്റെ പ്രവൃത്തി ഇന്ന് (സപ്തംബര്‍ 13) ആരംഭിക്കും. പ്രവൃത്തി കഴിയുന്നതു വരെ റോഡില്‍ വാഹന ഗതാഗതത്തിന് നിരോധനം ഏര്‍പ്പെടുത്തിയതായും പെരിങ്ങളം, കുറ്റിക്കാട്ടൂര്‍ ഭാഗത്തേക്ക് പോകേണ്ട വാഹനങ്ങള്‍ കുന്ദമംഗലം-കുറ്റിക്കാട്ടൂര്‍ റോഡ് വഴി തിരിഞ്ഞ് പോകേണ്ടതാണെന്നും പൊതുമരാമത്ത് വകുപ്പ് എക്‌സിക്യൂട്ടീവ് എഞ്ചിനീയര്‍ അറിയിച്ചു.
 

    ന്യൂനപക്ഷക്ഷേമ വകുപ്പിന്റെ കീഴില്‍ ന്യുനപക്ഷ വിഭാഗങ്ങളുടെ സാമൂഹിക ഉന്നമനത്തിനായി ആംഭിക്കുന്ന വിവാഹപൂര്‍വ സൗജന്യ കൗണ്‍സലിംഗ് പദ്ധതിയുടെ സംസ്ഥാനതല ഉദ്ഘാടനം ഈ മാസം 22 ന് നടക്കും. രാവിലെ 10  മണിക്ക് ജെ.ഡി.റ്റി ഇസ്ലാം കോമ്പൗണ്ടില്‍ മന്ത്രി ഡോ. കെ.ടി ജലീല്‍ ഉദ്ഘാടനം നിര്‍വഹിക്കും.