പട്ടികജാതി  വികസന വകുപ്പിന് കീഴില്‍ കോഴിക്കോട്, കാസറഗോഡ്,കണ്ണൂര്‍, മലപ്പുറം,തൃശൂര്‍,പാലക്കാട് ജില്ലകളിലെ 23 ഐ.ടി.ഐ കളിലേക്ക് ഗസ്റ്റ് ഇന്‍സ്ട്രക്ടര്‍മാരെ നിയമിക്കും.  എ.സി.ഡി ഇന്‍സ്ട്രക്ടര്‍മാരുടെ 23 ഒഴിവുകളും ട്രേഡ് ഇന്‍സ്ട്രക്ടര്‍മാരുടെ 19 ഒഴിവുകളുമാണുള്ളത്. താല്‍പ്പര്യമുള്ളവര്‍ ഈ മാസം 30 ന് രാവിലെ 10.30 ന്് കോഴിക്കോട് എലത്തൂര്‍ ഐ.ടി.ഐയില്‍ എത്തണം. ഫോണ്‍:  ഫോണ്‍: 0495-2371451.
 

മലാപ്പറമ്പ് ഗവ: വനിത പോളിടെക്‌നിക്ക് കോളേജില്‍ ഫിസിക്‌സ്, കെമിസ്ട്രി, മാത്‌സ് വിഷയങ്ങളില്‍ ഒഴിവുള്ള ഗസ്റ്റ് അധ്യാപക നിയമനത്തിന് 24 ന് രാവിലെ 10 മണിക്ക് ഇന്റര്‍വ്യൂ നടത്തും. യോഗ്യത: ബന്ധപ്പെട്ട വിഷയത്തില്‍ ബിരുദാനന്തര ബിരുദവും നെറ്റും.  ഫോണ്‍:  0495 2370714. 
മലാപ്പറമ്പ് ഗവ: വനിതാ പോളിടെക്‌നിക്ക് കോളേജിന് കീഴിലുള്ള  ഗവണ്മെന്റ് ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ്ങില്‍ ഇംഗ്ലീഷ് അധ്യാപകരുടെ താല്‍കാലിക നിയമനത്തിന് 24 ന് രാവിലെ 11  മണിക്ക് ഇന്റര്‍വ്യൂ നടത്തും. യോഗ്യത - ഇംഗ്ലീഷില്‍ ബിരുദാനന്തര ബിരുദം, ബി. എഡ്, സെറ്റ്. കൂടുതല്‍വിവരങ്ങള്‍ക്ക് 0495 2370714. 

ജില്ലാ സഹകരണ ബാങ്കില്‍ ലിഫ്റ്റ് ഓപറേറ്റര്‍ പാര്‍ട്ട്-1, പാര്‍ട്ട് 2(കാറ്റഗറി നമ്പര്‍.422/2015 & 423/205)തസ്തികകളുടെ തെരഞ്ഞെടുപ്പിനായി ഈ മാസം 10 ന് നിലവില്‍ വന്ന റാങ്ക് പട്ടികയുടെ പകര്‍പ്പ് ജില്ലാ ഇന്‍ഫര്‍മേഷന്‍ ഓഫീസില്‍ പരിശോധനക്കായി ലഭിക്കും.

    മൃഗസംരക്ഷണ വകുപ്പിന്റെ മലമ്പുഴ മൃഗസംരക്ഷണ പരിശീലനകേന്ദ്രത്തില്‍  26, 27 തീയതികളില്‍ ആടു വളര്‍ത്തലില്‍ സൗജന്യ പരിശീലനം സംഘടിപ്പിക്കും. താല്‍പ്പര്യമുള്ളവര്‍ മുന്‍കൂട്ടി പേര് രജിസ്റ്റര്‍ ചെയ്യണം. രജിസ്റ്റര്‍  ചെയ്തവര്‍ 26 ന് രാവിലെ 10 മണിക്ക്  മുന്‍പ് കേന്ദ്രത്തില്‍ എത്തണം. ഫോണ്‍ : 0491 - 2815454, 8281777080.
 

ബേപ്പൂര്‍ ഗവ. ഐ.ടി.ഐയില്‍ എസ്.സി.വി.റ്റി. മെട്രിക് ട്രേഡുകളിലേക്കുളള പ്രവേശന കൗണ്‍സിലിംഗ് 23 ന് രാവിലെ 8.00 മണിക്ക് നടക്കും.  ഇന്‍ഡക്‌സ് മാര്‍ക്ക് 190 മുതല്‍ 209 വരെ ലഭിച്ചവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ബേപ്പൂര്‍ ഗവ. ഐ.ടി.ഐ പ്രിന്‍സിപ്പാള്‍ മുന്‍പാകെ എത്തണം. ലിസ്റ്റ് ഐ.ടി.ഐ.യുടെ വെബ് സൈറ്റില്‍ ലഭിക്കും. ഫോണ്‍ 0495-2415040, വെബ് സൈറ്റ്: ംംം.ശശേയല്യുീൃല. സലൃമഹമ.ഴീ്.ശി.
 

റീജിയണല്‍ ട്രാന്‍സ്‌പോര്‍ട്ട് അതോറിറ്റി മീറ്റിംഗ് ആഗസ്റ്റ് 14 ന് രാവിലെ 10.30 ന് നടക്കും.  

അഞ്ച് ദിവസങ്ങളിലായി തുഷാരഗിരിയില്‍ നടക്കുന്ന ആറാമത് മലബാര്‍ റിവര്‍ഫെസ്റ്റിവലിനും ലോക കയാക്കിംങ് ചാമ്പ്യന്‍ഷിപ്പിനും ഇന്ന് (ജൂലായ് 22) സമാപനമാകും. 20 രാജ്യങ്ങളില്‍ നിന്നുള്ള ടീമുകള്‍ പങ്കെടുക്കുന്ന കയാക്കിംഗ് മേളയുടെ  സമാപനസമ്മേളനം പുല്ലൂരാംപാറയില്‍ വൈകീട്ട് മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും. ചാമ്പ്യന്‍ഷിപ്പിലെ  വിജയികള്‍ക്കുള്ള പുരസ്‌കാരങ്ങള്‍ മന്ത്രി സമ്മാനിക്കും. 
 

കനത്ത മഴയെത്തുടര്‍ന്ന് വീടുകള്‍ തകര്‍ന്ന സൗത്ത് ബീച്ച് തെക്കേപ്പുറത്ത് എം.കെ മുനീര്‍ എം.എല്‍.എ, ജില്ലാ കലക്ടര്‍ യു.വി ജോസ്, അഡീഷണല്‍ തഹസില്‍ദാര്‍ അനിതകുമാരി എന്നിവര്‍ സന്ദര്‍ശനം നടത്തി. വീട് നഷ്ടമായവരെ ദുരിതാശ്വാസ ക്യാമ്പിലേക്ക് മാറ്റിയിട്ടുണ്ട്. വീട് നഷ്ടപ്പെട്ടവര്‍ക്ക് സര്‍ക്കാര്‍ ധനസഹായം നല്‍കും.