ഇലന്തൂര്‍ പഞ്ചായത്തിലെ മികച്ച നെല്‍ കര്‍ഷകന്‍, പച്ചക്കറി കര്‍ഷകന്‍, പട്ടികജാതി കര്‍ഷകന്‍, ക്ഷീര കര്‍ഷകന്‍, മത്സ്യ കര്‍ഷകന്‍, കുട്ടി കര്‍ഷകന്‍, സംയോജിത കര്‍ഷകന്‍ എന്നിവരെ ചിങ്ങം ഒന്നിന് ആദരിക്കും. അര്‍ഹരായവര്‍ ഈ മാസം 31നകം കൃഷിഭവനില്‍ അപേക്ഷ നല്‍കണം.                                              (പിഎന്‍പി 2050/18)

വടശേരിക്കര ഗ്രാമപഞ്ചായത്തില്‍ നിന്നും വിവിധ സാമൂഹ്യസുരക്ഷാ പെന്‍ഷനു കള്‍ക്ക് അപേക്ഷിച്ച് പെന്‍ഷന്‍ ലഭിക്കാത്ത അര്‍ഹരായ ഗുണഭോക്താക്കള്‍ ഈ മാസം 26ന് മുമ്പ് ഗ്രാമപഞ്ചായത്ത് ഓഫീസില്‍ ഹാജരായി ആധാര്‍ കാര്‍ഡിന്റെ പകര്‍പ്പ് സഹിതം പെന്‍ഷന്‍ ലഭിക്കുന്നതിനുള്ള സത്യപ്രസ്താവന നല്‍കണം. 

                 (പിഎന്‍പി 2048/18)

കനത്ത മഴയെ തുടര്‍ന്ന് വെള്ളക്കെട്ടുണ്ടായ പ്രദേശങ്ങളിലും ദുരിതാശ്വാസ ക്യാമ്പുകളിലും പകര്‍ച്ചവ്യാധികള്‍ ഉണ്ടാകാതിരിക്കാന്‍ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. 

സംസ്ഥാന  പിന്നാക്ക വിഭാഗ വികസന കോര്‍പ്പറേഷന്‍ ഒ.ബി.സി വിഭാഗത്തില്‍പ്പെട്ട പ്രൊഫഷണലുകള്‍ക്ക് സ്റ്റാര്‍ട്ട്അപ് സംരംഭം ആരംഭിക്കുന്നതിന് വായ്പയ്ക്ക് അപേക്ഷിക്കാം. 20 ലക്ഷം രൂപ വരെ വായ്പ അനുവദിക്കും. അഞ്ച് ലക്ഷം രൂപ വരെ ആറ് ശതമാനം പലിശ നിരക്കിലും അതിനു മുകളില്‍ 20 ലക്ഷം രൂപ വരെ ഏഴ് ശതമാനം പലിശ നിരിക്കിലുമാണ് വായ്പ അനുവദിക്കുന്നത്. മൂന്ന് ലക്ഷം രൂപ വരെ കുടുംബവാര്‍ഷിക വരുമാനമുള്ളവരായിരിക്കണം അപേക്ഷകര്‍. പ്രായപരിധി 40 വയസ്.

ജില്ലയിലെ സര്‍ക്കാര്‍/എയ്ഡഡ് സ്‌കൂളുകളിലെ ഒന്ന് മുതല്‍ 10 വരെ ക്ലാസുകളില്‍ പഠിക്കുന്ന ഒ.ഇ.സി ലംപ്‌സംഗ്രാന്റിന് അര്‍ഹരായ വിദ്യാര്‍ഥികള്‍ക്ക് വിതരണത്തിന് ആവശ്യമായ തുക സ്‌കൂളുകളുടെ ബാങ്ക് അക്കൗണ്ടിലേക്ക് ട്രാന്‍സ്ഫര്‍ ചെയ്തിട്ടുണ്ട്. പ്രധാനാധ്യാപകര്‍ തുക പിന്‍വലിച്ച് സ്‌കോളര്‍ഷിപ്പ് പോര്‍ട്ടലില്‍ പ്രസിദ്ധീകരിച്ചിട്ടുള്ള ലിസ്റ്റ് പ്രകാരം അര്‍ഹരായ കുട്ടികള്‍ക്ക് വിതരണം  ചെയ്യണമെന്ന് മേഖലാ ഡെപ്യൂട്ടി ഡയറക്ടര്‍ അറിയിച്ചു.          (പിഎന്‍പി 2045/18)

സംസ്ഥാന മനുഷ്യാവകാശ കമ്മീഷന്‍ അംഗം കെ.മോഹന്‍കുമാര്‍ ആഗസ്റ്റ് 31ന് പത്തനംതിട്ട ഗവണ്‍മെന്റ് ഗസ്റ്റ് ഹൗസില്‍ ക്യാമ്പ് സിറ്റിംഗ് നടത്തും. 

        (പിഎന്‍പി 2044/18)

ഭാരത്തിന്റെ 72-ാം സ്വാതന്ത്ര്യദിനാഘോഷവുമായി ബന്ധപ്പെട്ട് ജില്ലയില്‍ ഏര്‍പ്പെടുത്തേണ്ട ക്രമീകരണങ്ങളെക്കുറിച്ച് തീരുമാനം എടുക്കുന്നതിനായി 26ന് ഉച്ചയ്ക്ക് ശേഷം മൂന്നിന് ജില്ലാ കളക്ടറുടെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും.          (പിഎന്‍പി 2043/18)

പത്തനംതിട്ട എക്‌സൈസ് ഡിവിഷനിലെ കോന്നി, പത്തനംതിട്ട, തിരുവല്ല, അടൂര്‍,        മല്ലപ്പള്ളി റേഞ്ചുകളിലെ 2018-19 കാലയളവില്‍ വില്‍പ്പന പോകാത്തതും ലൈസന്‍സ് റദ്ദ് ചെയ്യപ്പെട്ടതുമായ 61 കള്ളുഷാപ്പുകളുടെ  2019 മാര്‍ച്ച് 31 വരെയുള്ള കാലളവിലേക്കുള്ള പുനര്‍വില്‍പ്പന ഈ മാസം 27ന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. കൂടുതല്‍ വിവരം എക്‌സൈസ് സര്‍ക്കിള്‍ ഓഫീസുകളിലും എക്‌സൈസ് ഡിവിഷന്‍ ഓഫീസിലും ലഭിക്കും.          (പിഎന്‍പി 2042/18)

ജി.എസ്.ടി റിട്ടേണ്‍ ഫയല്‍ ചെയ്യുന്നത് സംബന്ധിച്ച് ജില്ലയിലെ കരാര്‍ പണിക്കാരുടെ യോഗം ഇന്ന് (24) ഉച്ചയ്ക്ക് ശേഷം രണ്ട് മുതല്‍ പത്തനംതിട്ട അബാന്‍ ടവര്‍ ആഡിറ്റോറിയത്തില്‍ ചേരുമെന്ന് സംസ്ഥാന ചരക്ക് സേവന നികുതി വകുപ്പ് ജില്ലാ ഡെപ്യൂട്ടി കമ്മീഷണര്‍ അറിയിച്ചു. ഫോണ്‍: 0468 2325088. 

        (പിഎന്‍പി 2041/18)