പി. കരുണാകരന്‍ എം.പിയുടെ പ്രാദേശിക വികസനനിധിയില്‍നിന്ന് 10 ലക്ഷം രൂപ ചെലവഴിച്ച് ചെറുപുഴ ഗ്രാമപഞ്ചായത്തിലെ എ.വി. കുഞ്ഞമ്പു സ്മാരക വായനശാലയ്ക്ക് കെട്ടിടം നിര്‍മ്മിക്കുന്നതിന് ജില്ലാ കലക്ടര്‍ ഭരണാനുമതി നല്‍കി.

കേരള ബീഡി-ചുരുട്ട് തൊഴിലാളി ക്ഷേമനിധിയില്‍ അംഗങ്ങളായി അംശദായം അടച്ച് വരുന്ന തൊഴിലാളികളും സ്വയം തൊഴിലില്‍ ഏര്‍പ്പെട്ടിരിക്കുന്നവരും സാമ്പത്തിക താങ്ങല്‍ പദ്ധതി പ്രകാരമുള്ള പൂരക വേതനത്തിനുള്ള അപേക്ഷ ആഗസ്റ്റ് നാലിന് മുമ്പായി കണ്ണൂര്‍ എ.കെ.ജി ആശുപത്രിക്ക് പിറകുവശത്ത് പ്രവര്‍ത്തിക്കുന്ന ചീഫ് എക്‌സിക്യൂട്ടീവ് ഓഫീസറുടെ കാര്യാലയത്തില്‍ എത്തിക്കണമെന്ന് അറിയിച്ചു. അപേക്ഷാഫോം ബന്ധപ്പെട്ട തൊഴിലുടമ/സ്ഥാപനങ്ങള്‍ക്ക് അയച്ചു കൊടുത്തിട്ടുണ്ട്. തൊഴിലുടമകളുടെ സാക്ഷ്യപത്രം സഹിതം വേണം അപേക്ഷ സമര്‍പ്പിക്കാന്‍.

മോട്ടോര്‍ വാഹന കേസുകളില്‍ പിഴത്തുക അടക്കാനായി അറിയിപ്പ് കിട്ടിയ വാഹന ഉടമകള്‍ അക്ഷയ കേന്ദ്രങ്ങളിലോ ആര്‍.ടി. ഓഫീസിന് സമീപം പ്രവര്‍ത്തിക്കുന്ന മോട്ടോര്‍ വാഹന വകുപ്പിന്റെ ഇ-സേവാ കേന്ദ്രങ്ങളിലോ എത്രയും പെട്ടെന്ന് തന്നെ പിഴത്തുക മുഴുവനും അടച്ച ശേഷം കേസില്‍ തീര്‍പ്പുകല്‍പ്പിക്കുന്നതിനായി റീജിയണല്‍ ട്രാന്‍സ്‌പോര്‍ട്ട് ഓഫീസറുമായി ബന്ധപ്പെടേണ്ടതാണ്. അല്ലാത്ത പക്ഷം പിഴത്തുക പിരിച്ചെടുക്കുന്നതിനുള്ള റവന്യൂ റിക്കവറി നടപടികളും വാഹന ഉടമയുടെ ഡ്രൈവിങ് ലൈസന്‍സ്, വാഹനത്തിന്റെ രജിസ്‌ട്രേഷന്‍ സര്‍ട്ടിഫിക്കറ്റ് എന്നിവ സസ്‌പെന്‍ഡ് ചെയ്യാനുള്ള നടപടികളും എടുക്കുമെന്ന് ആര്‍.ടി.ഒ അറിയിച്ചു.

കേരള കള്ളു വ്യവസായ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക്  2018-19 അധ്യയന വര്‍ഷത്തെ സ്‌കോളര്‍ഷിപ്പ്/ക്യാഷ് അവാര്‍ഡ് എന്നിവയ്ക്ക് അപേക്ഷ ക്ഷണിച്ചു.  നിശ്ചിത മാതൃകയില്‍ പൂരിപ്പിച്ച അപേക്ഷകള്‍  ക്ഷേമനിധി ബോര്‍ഡിന്റെ ജില്ലാ ഓഫീസില്‍ ആഗസ്ത് 16 മുതല്‍ സപ്തംബര്‍ 30 വരെ സ്വീകരിക്കും.  അപേക്ഷാ ഫോറത്തിന്റെ മാതൃകയും വിശദ വിവരങ്ങളും ജില്ലാ ഓഫീസിലും  യൂണിയന്‍ ഓഫീസിലും ലഭിക്കും.

തളിപ്പറമ്പ് താലൂക്കിലെ നടുവില്‍/വെളളാട് വില്ലേജിലുളള നടുവില്‍ - വെളളാട് ശിവ ക്ഷേത്രത്തില്‍ പാരമ്പരേ്യതര ട്രസ്റ്റിമാരുടെ  ഒഴിവുകളില്‍ നിയമനം നടത്തുന്നതിലേക്ക് അപേക്ഷണിച്ചു.  അപേക്ഷകള്‍ മലബാര്‍ ദേവസ്വം ബോര്‍ഡ്, കാസര്‍കോട് ഡിവിഷന്‍ നീലേശ്വരത്തുളള അസിസ്റ്റന്റ് കമ്മീഷണറുടെ ഓഫീസില്‍ 18 ന് വൈകുന്നേരം 5 മണിക്ക് മുമ്പായി ലഭിക്കണം. 

    ജില്ലയിലെ ചിറക്കല്‍, പാപ്പിനിശ്ശേരി എന്നീ തദ്ദേശ സ്വയംഭരണ സ്ഥാപനങ്ങളില്‍ സ്ഥിരതാമസക്കാരായ പട്ടികജാതിയില്‍പ്പെടുന്ന 18-40 നും ഇടയില്‍ പ്രായമുള്ള പ്ലസ്ടു പാസായവരില്‍ നിന്നും എസ് സി പ്രൊമോട്ടര്‍ തസ്തികയിലേക്ക് അപേക്ഷ ക്ഷണിച്ചു. താല്‍പര്യമുള്ളവര്‍ സ്വന്തം കൈപ്പടയില്‍ തയ്യാറാക്കിയ അപേക്ഷയും ജാതി, നേറ്റിവിറ്റി/റസിഡന്‍ഷ്യല്‍, വിദ്യാഭ്യാസ യോഗ്യതകള്‍ എന്നിവ തെളിയിക്കുന്ന സര്‍ട്ടിഫിക്കറ്റുകള്‍ സഹിതം ആഗസ്ത് അഞ്ചിനകം കണ്ണൂര്‍ ജില്ലാ പട്ടികജാതി വികസന ഓഫീസില്‍ അപേക്ഷ സമര്‍പ്പിക്കണം.

    മൃഗസംരക്ഷണ വകുപ്പ് നാഷണല്‍ ലൈവ്‌സ്റ്റോക്ക് മിഷന്റെ കീഴിലുള്ള 'ഫോഡര്‍ പ്രൊഡക്ഷന്‍ പദ്ധതി'യിലേക്ക് അപേക്ഷ ക്ഷണിച്ചു. തീറ്റപ്പുല്‍ ഉല്‍പ്പാദന പദ്ധതി വ്യക്തിഗത ഗുണഭോക്താക്കള്‍ മുഖേനയോ, ക്ഷീരസഹകരണ സംഘങ്ങള്‍ വഴിയോ, മറ്റ് അംഗീകൃത സ്വയംസഹായ സംഘങ്ങള്‍ വഴിയോ നടപ്പാക്കുന്നതാണ്. ഒരു യൂണിറ്റിനു പരമാവധി 30,000 രൂപയാണ് സഹായമായി നല്‍കുക. താല്പര്യമുള്ളവര്‍ അതാത് പഞ്ചായത്ത് മൃഗാശുപത്രിയുമായി ജൂലൈ 29 ന് മുമ്പായി ബന്ധപ്പെടണം.

ക്ഷീരവികസന വകുപ്പ് ക്വാളിറ്റി കണ്‍ട്രോള്‍ യൂണിറ്റന്റെ ആഭിമുഖ്യത്തില്‍ പാനൂര്‍ ബ്ലോക്ക് പഞ്ചായത്തില്‍  പ്രത്യേക പാല്‍ ഗുണനിലവാര ബോധവല്‍ക്കരണ പരിപാടി സംഘടിപ്പിക്കുന്നു. പാല്‍ ഗുണനിയന്ത്രണ ജാഗ്രതാ യജ്ഞത്തിന്റെ ഭാഗമായാണ് പരിപാടി.  പരിപാടിയുടെ ഉദ്ഘാടനം എ.എന്‍ ഷംസീര്‍ എം.എല്‍.എ നിര്‍വ്വഹിക്കും. പരിപാടി 25 ന് രാവിലെ 9.30 മുതല്‍ പാനൂര്‍ ബ്ലോക്ക് പഞ്ചായത്ത് ഹാളില്‍ നടക്കും. പരിപാടിയുടെ രജിസ്‌ട്രേഷന്‍ രാവിലെ 9 മണി മുതല്‍ ആരംഭിക്കും.

കേരള സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ ഒ.ബി.സി. വിഭാഗത്തില്‍പ്പെട്ട പ്രൊഫഷണലുകള്‍ക്ക് സ്റ്റാര്‍ട്ടപ് സംരംഭം ആരംഭിക്കുന്നതിനായി നടപ്പിലാക്കുന്ന വായ്പാ പദ്ധതിയിലേക്ക് അപേക്ഷ ക്ഷണിച്ചു.       

    കൂത്തുപറമ്പ് ലാന്‍ഡ് ട്രിബ്യൂണലില്‍ ഇന്ന് (ജൂലൈ 24) നടത്താനിരുന്ന പട്ടയകേസുകളുടെ വിചാരണ ആഗസ്ത് 20 ലേക്ക് മാറ്റിയതായി സ്‌പെഷ്യല്‍ തഹസില്‍ദാര്‍(എല്‍ ആര്‍) അറിയിച്ചു.