ചാക്ക ഗവ. ഐ.ടി.ഐ എന്‍.സി.സി സീനിയര്‍ ഡിവിഷന്‍ ആര്‍മി യൂണിറ്റിന്റെ ആഭിമുഖ്യത്തില്‍ ഇന്ന് (ജൂലൈ 26) പാളയം രക്തസാക്ഷി മണ്ഡപത്തില്‍ നടക്കും. രാവിലെ ഏഴരയ്ക്ക് 2(കെ) ബറ്റാലിയന്‍ എന്‍.സി.സി തിരുമലയിലെ കമാന്റിംഗ് ഓഫീസര്‍ വി.കെ.കെ. പണിക്കര്‍, ചാക്ക ഗവ.ഐ.റ്റി.ഐ വൈസ് പ്രിന്‍സിപ്പല്‍ ഷമ്മി ബക്കര്‍, മുന്‍ അസോസിയേറ്റ് എന്‍.സി.സി ഓഫീസര്‍ ജോസ് ചന്ദനപ്പള്ളി തുടങ്ങിയവര്‍ സംബന്ധിക്കും.
പി.എന്‍.എക്‌സ്.3161/18

    അഴിമതിരഹിത ജനസൗഹൃദ സദ്ഭരണ ഗ്രാമ പഞ്ചായത്തുകള്‍ എന്ന ആശയം ലക്ഷ്യമാക്കി ഗ്രാമപഞ്ചായത്ത് തലം മുതല്‍ ഡയറക്ടറേറ്റ് തലം വരെ ആഗസ്റ്റ് എട്ടുമുതല്‍ 14 വരെയുള്ള ഒരാഴ്ചക്കാലം വിജിലന്‍സ് വാരമായി ആചരിക്കുമെന്ന് പഞ്ചായത്ത് വകുപ്പ് ഡയറക്ടര്‍ അറിയിച്ചു. ഈ ദിനങ്ങളില്‍ ജനപ്രതിനിധികളെയും ഉദ്യോഗസ്ഥരെയും പൊതുജനങ്ങളെയും പങ്കെടുപ്പിച്ച് അഴിമതിരഹിത ജനസൗഹൃദ സദ്ഭരണ ആശയങ്ങള്‍ക്ക് പ്രാധാന്യം നല്‍കിയുള്ള ബോധവത്കരണ ക്ലാസുകള്‍, പൊതു പരിപാടികള്‍, പ്രശ്‌നോത്തരി മുതലായവ സംഘടിപ്പിക്കുകയും വിവിധ വിഷയങ്ങളില്‍ മികവു തെളിയിക്കുന്നവര്‍ക്ക് സര്‍ട്ടിഫിക്കറ്റും സമ്മാനങ്ങളും നല്‍കുകയും ചെയ്യും.

    കേരള നിയമസഭയുടെ വജ്രജൂബിലി ആഘോഷങ്ങളുടെ സമാപനവുമായി ബന്ധപ്പെട്ട് നടത്തുന്ന 'ഫെസ്റ്റിവല്‍ ഓണ്‍ ഡെമോക്രസി'യുടെ ഉദ്ഘാടനം ആഗസ്റ്റ് ആറിന് രാഷ്ട്രപതി രാംനാഥ് കോവിന്ദ് നിര്‍വഹിക്കും. നിയമസഭാ സമുച്ചയത്തില്‍ നടക്കുന്ന 'ഫെസ്റ്റിവല്‍ ഓണ്‍ ഡെമോക്രസി' ആദ്യപരിപാടി ആറിനും ഏഴിനുമായാണ് സംഘടിപ്പിക്കുന്നതെന്ന് സ്പീക്കര്‍ പി. ശ്രീരാമകൃഷ്ണന്‍ വാര്‍ത്താസമ്മേളനത്തില്‍ അറിയിച്ചു.

    ലോറി സമരം ഒത്തുതീര്‍പ്പാക്കുന്നതിന് സാഹചര്യമൊരുക്കാന്‍ കേന്ദ്ര സര്‍ക്കാരുമായി ബന്ധപ്പെട്ട് സംസ്ഥാന സര്‍ക്കാര്‍ ശ്രമം നടത്തുമെന്ന് ഗതാഗത മന്ത്രി എ. കെ. ശശീന്ദ്രന്‍ പറഞ്ഞു. ലോറി ഉടമ സംഘടനാ പ്രതിനിധികളുമായി ചര്‍ച്ച നടത്തിയ ശേഷം സംസാരിക്കുകയായിരുന്നു മന്ത്രി.

    നോര്‍ക്ക എമര്‍ജന്‍സി ആംബുലന്‍സ് സര്‍വീസ് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു.  അടിയന്തരഘട്ടങ്ങളില്‍ പ്രവാസി മലയാളികളുടെ സേവനത്തിനായി നോര്‍ക്ക റൂട്ട്‌സിന്റെ ആഭിമുഖ്യത്തില്‍ സൗജന്യ ആംബുലന്‍സ് സര്‍വീസ് ഏര്‍പ്പെടുത്തണമെന്നത് വിദേശമലയാളികളുടെ ദീര്‍ഘകാലമായുള്ള ആവശ്യമായിരുന്നു.

    ഒഡെപെക്കിന്റെ പ്രവര്‍ത്തനങ്ങള്‍ കൂടുതല്‍ ജനകീയമാക്കാന്‍ സര്‍ക്കാര്‍ എല്ലാ സഹായങ്ങളും ചെയ്യുമെന്ന് തൊഴിലും നൈപുണ്യവും എക്‌സൈസും വകുപ്പു മന്ത്രി ടി. പി. രാമകൃഷ്ണന്‍ പറഞ്ഞു. ഒഡെപെക്കിന്റെ പുതിയ വെബ് പോര്‍ട്ടലിന്റെ ഉദ്ഘാടനം നിര്‍വഹിക്കുകയായിരുന്നു മന്ത്രി.

    ദേവസ്വം റിക്രൂട്ട്‌മെന്റ് നടപടികള്‍ സുതാര്യമായാണ് നടക്കുന്നതെന്ന് ചെയര്‍മാന്‍ അഡ്വ. എം. രാജഗോപാലന്‍ നായര്‍ വാര്‍ത്താസമ്മേളനത്തില്‍ പറഞ്ഞു. റിക്രൂട്ട്‌മെന്റ് നടപടികളെ താറടിക്കുംവിധം സമൂഹമാധ്യമങ്ങള്‍ വഴി പ്രചാരണം നടക്കുന്നത് ശ്രദ്ധയില്‍പ്പെട്ടു. ഇതിനെതിരെ വിജിലന്‍സ് ഡിജിപിക്ക് പരാതി നല്‍കി. മുഖ്യമന്ത്രിക്കും ദേവസ്വം മന്ത്രിക്കും പരാതി നല്‍കുമെന്ന് അദ്ദേഹം പറഞ്ഞു.

കൊച്ചി: മാരക ലഹരിവിപത്തില്‍ നിന്നും യുവാക്കളെയും വിദ്യാര്‍ത്ഥികളെയും ജീവിത ലഹരിയിലേക്ക് തിരിച്ച് വിടുന്നതിനായി സംസ്ഥാന എക്‌സൈസ് വകുപ്പ് ജില്ലാ ഭരണകൂടത്തിന്റെ സഹകരണത്തോടെ സംഘടിപ്പിക്കുന്ന ഹാഫ് മാരത്തണിലേക്ക് ഏവരെയും സ്വാഗതം ചെയ്ത് എക്‌സൈസ് കമ്മീഷണര്‍ ഋഷി രാജ് സിങ്. ഓഗസ്‌ററ് 12ന് നടക്കുന്ന ഹാഫ് മാരത്തണിന്റെ പ്രചരണാര്‍ത്ഥം മഹാരാജാസ് കോളേജില്‍ എക്‌സൈസ് വകുപ്പ് സംഘടിപ്പിച്ച വിവിധ കലാപരിപാടികള്‍ കാണാനെത്തിയതായിരുന്നു അദ്ദേഹം. മാരത്തണിലെ വിജയികള്‍ക്ക് മികച്ച പ്രതിഫലമാണ് സമ്മാനതുകയായി ഏര്‍പ്പെടുത്തിയിരിക്കുന്നതെന്നും അദ്ദേഹം പറഞ്ഞു. വിവിധ വിഭാഗങ്ങളിലാണ് സമ്മാനങ്ങള്‍ നല്‍കുന്നത്.